‘எதிரணிகள் மும்பையில் விளையாட பயப்பட வேண்டும்’ பஞ்சாபை வீழ்த்திய மகிழ்ச்சியில் ரோகித் ஷர்மா சொல்கிறார்

எதிரணிகள் மும்பைக்கு வந்து எங்கள் அணியை எதிர்த்து விளையாட பயப்பட வேண்டும் என்று மும்பை இந்தியன்ஸ் கேப்டன் ரோகித் ஷர்மா கூறியுள்ளார்.

பிறந்த நாள் பரிசு

ஐ.பி.எல். கிரிக்கெட்டில் நேற்று முன்தினம் இரவு மும்பை வான்கடே ஸ்டேடியத்தில் நடந்த பரபரப்பான ஆட்டத்தில் மும்பை இந்தியன்ஸ் அணி 4 ரன் வித்தியாசத்தில் கிங்ஸ் லெவன் பஞ்சாபை வீழ்த்தியது.

இதில் கேப்டன் ரோகித் ஷர்மாவின் அதிரடி (79 ரன், 39 பந்து, 6 பவுண்டரி, 6 சிக்சர்) உதவியுடன் மும்பை அணி 3 விக்கெட்டுக்கு 174 ரன்கள் குவித்தது. இந்த இலக்கை விரட்டிய பஞ்சாப் அணிக்கு கடைசி ஓவரில் 17 ரன்கள் தேவைப்பட்ட போது, அந்த அணியால் 12 ரன்கள் மட்டுமே எடுக்க முடிந்தது. முடிவில் பஞ்சாப் அணி 20 ஓவர்களில் 170 ரன்களுக்கு ஆல்–அவுட் ஆகி தோற்றது. ரோகித் ஷர்மாவுக்கு நேற்று முன்தினம் இரவு 26–வது வயது பிறந்தது. பிறந்த நாள் பரிசாக அவருக்கு இந்த 6–வது வெற்றி கிடைத்தது.

ரோகித் ஷர்மா பேட்டி

பின்னர் ரோகித் ஷர்மா நிருபர்களிடம் கூறியதாவது:–

வெளி மைதானங்களில் அங்குள்ள சூழல், ஆடுகளத்தன்மை எப்படி இருக்கும் என்பது நமக்கு தெரியாது. அதனால் உள்ளூர் மைதானங்களில் நடக்கும் ஆட்டங்கள் எப்போதும் மிகவும் முக்கியமானவையாகும். சொந்த ஊர் மைதானங்களில் முடிந்த அளவுக்கு வெற்றிகளை குவிக்க வேண்டும். அதை நாங்கள் பயன்படுத்திக் கொள்ள முயற்சிக்கிறோம். மும்பை மைதானத்தை, எங்களது வெற்றி ‘கோட்டை’யாக்கிக் கொள்ள விரும்புகிறோம். எதிரணிகள் இங்கு (மும்பை) வந்து விளையாடுவதற்கு பயப்பட வேண்டும்.

பஞ்சாப் அணி வெற்றி இலக்கை நெருங்கிய போது, ஒரு கேப்டனாக கொஞ்சம் பதற்றம் இருந்தது. அதை வெளிக்காட்டிக்கொள்ளாமல் எனக்குள் கட்டுப்படுத்திக் கொள்ளவே விரும்பினேன். ஏனெனில் பதற்றத்தால், களத்தில் தவறுகள் செய்வதை நான் விரும்பவில்லை. ஆனால் எல்லாம் சரியாக கைகொடுத்தது.

ஆட்டத்தின் 2–வது பகுதியில் பனியின் தாக்கம் இருந்தது. இதனால் எங்களது சுழற்பந்து வீச்சாளர்கள், பந்தை பிடிப்பதில் ‘கிரிப்’ கிடைக்காமல் அவதிப்பட்டனர். இருந்தாலும் சுழற்பந்து வீச்சாளர் சிறப்பாக பந்து வீசினர். பனி ஆட்டத்தின் போக்கில் தாக்கத்தை ஏற்படுத்தினாலும், 174 ரன்கள் பாதுகாப்பான ஸ்கோர் என்றே கருதினேன். 4 ரன் வித்தியாசமோ, அல்லது 50 ரன்கள் வித்தியாசமோ வெற்றி வெற்றி தான்.

இவ்வாறு ரோகித் ஷர்மா கூறினார்.

ஹஸ்சி வேதனை

பஞ்சாப் அணியின் கேப்டன் டேவிட் ஹஸ்சி கூறுகையில், ‘இந்த வெற்றிக்கான எல்லா பெருமையும் மும்பை இந்தியன்ஸ் அணியின் சுழற்பந்து வீச்சாளர்களையே சாரும். அவர்களது இரு சுழற்பந்து வீச்சாளர்களும் (ஹர்பஜன்சிங் 3 விக்கெட், பிரக்யான் ஓஜா 2 விக்கெட்) ஆட்டத்தின் போக்கை முழுமையாக மாற்றியதுடன், வெற்றியையும் எங்களிடம் இருந்து பறித்து விட்டனர். இதே போல் நான் வீசிய கடைசி ஓவரில் ரோகித் ஷர்மா 27 ரன்களை விளாசி விட்டார். நான் செய்த இந்த தவறு தான் ஏறக்குறைய ஆட்டத்தை நாங்கள் பறிகொடுக்க காரணம்’ என்றார்.

தம்பி கொஞ்சம் அடக்கி வாசிச்சா நல்லாருக்கும்.
தோனியிடம் இருந்து இவர் இன்னும் கற்க நிறைய இருக்கிறது.

வாழ்த்துகள் தம்பி.

ஒரு சாதாரண league team கேப்டன் ஆக சில போட்டிகள் ஜெயித்ததுமே இந்த ஆட்டமென்றால் , இவனெல்லாம் சர்வதேச போட்டிகளில் வெற்றிகளை குவிக்கும் அணித்தலைவனாக இருந்தால் எத்தனை அகம்பாவமாக பேட்டி கொடுத்திருப்பான்.

அந்த 175 க்கு அப்புறம் கெயில் கூட இப்படி சொல்லல

அடுத்து யாராவது மும்பையிலேயே வைத்து மரண அடி அடித்தால் அப்ப என்ன சொல்லுவாரு ரோஹித் ?..............

DERAR BABU wrote:அடுத்து யாராவது மும்பையிலேயே வைத்து மரண அடி அடித்தால் அப்ப என்ன சொல்லுவாரு ரோஹித் ?..............

இவன் எவுளவு அடிச்சாலும் தாங்குறாண்டா இவன் ரொம்ப நல்லவன்னு மத்த அணிகள் சொல்லனுமுனு சொல்லுவாரு டெரர் அண்ணே

சூரிய எழுச்சியாளர்கள் மும்பையை சுட்டெரிக்கிறார்கள்.
இன்னும் 15 நிமிடங்களில் வெற்றி பெற்றுவிடுவார்கள்.

மும்பை இந்தியன்ஸ் வெளியூரில் விளையாட பயப்பட வேண்டும்

ராஜா wrote:மும்பை இந்தியன்ஸ் வெளியூரில் விளையாட பயப்பட வேண்டும்

ஆமாம் ஆமாம் பயப்படனும் இந்த ரோஹித் பய படனும்

balakarthik wrote:

ராஜா wrote:மும்பை இந்தியன்ஸ் வெளியூரில் விளையாட பயப்பட வேண்டும்

ஆமாம் ஆமாம் பயப்படனும் இந்த ரோஹித் பய படனும்

இன்னிக்கே பட்டுருப்பான் , மூஞ்சியை பார்த்தா ஜிஞ்சர் ஈட் பண்ணிய மங்கி போலவே இருந்தான்