சரப்ஜித் சிங் விவகாரம் அரசின் பலவீனத்துக்கு சாட்சி : மோடி

by **ராஜா** Sat Apr 27, 2013 5:30 pm

பாகிஸ்தானில் நடந்த குண்டுவெடிப்பு வழக்கில் மரண தண்டனை விதிக்கப்பட்ட சரப்ஜித் சிங் லாகூர் சிறையில் அடைக்கப்பட்டிருந்தார். அவரை நேற்று சிறையின் ஒரு அறையில் இருந்து மற்றொரு அறைக்கு செல்லும்போது, அங்கிருந்த கைதிகள் சிலர் கண்மூடித்தனமாகத் தாக்கினர். தலையில் பலத்த காயம் அடைந்த சரப்ஜித் சிங், சுயநினைவு இல்லாமல் உயிருக்குப் போராடி வருகிறார்.

மத்திய அரசு தோல்வியடைந்து விட்டதையே இந்த சம்பவம் காட்டுகிறது என்று குஜராத் முதல்வர் நரேந்திர மோடி குற்றம் சாட்டியுள்ளார்.

காந்தி நகரில் இன்று நடைபெற்ற ஒரு நிகழ்ச்சியில் கலந்து கொண்ட மோடி, சரப்ஜித் சிங் விவகாரம் குறித்து கூறியதாவது:-

இத்தாலி கப்பல் வீரர்கள் விசயத்தில் சட்டப்பூர்வமான நடவடிக்கைகள், இந்திய ராணுவ வீரர்களின் தலை துண்டிக்கப்பட்ட பிரச்சினை, சீனாவின் ஊடுருவல் மற்றும் சரப்ஜித் விவகாரம் இவை அனைத்தையும் பிரித்து பார்க்க முடியாது. இவை அனைத்தும் அரசாங்கத்தின் பலவீனத்தையும் தோல்வியையும் காட்டுகின்றன.

இது போன்ற சம்பவங்கள் தொடர்ந்து நடந்து வரும் விதம், இந்திய அரசாங்கம் நமது தரப்பு நியாயத்தை உலகுக்கு ஓங்கி உரைக்கும் சக்தியில்லாத அரசாக உள்ளது என்பதையே காட்டுகிறது.

நமது நிலையை உறுதியாக முன்னிறுத்த அல்லது நமது ஆற்றலை நமது அண்டை நாட்டினருக்கு காண்பிக்க அல்லது நமது ராஜதந்திர திறன்களை நிரூபிக்க வேண்டியதன் தேவை இருட்டடிப்பு செய்யப்பட்டுள்ளது.

இது டெல்லியில் உள்ள அரசு தன்னை காப்பாற்றிக் கொள்வதில் ஈடுபட்டு இருக்கிறது என்பதற்கான சாட்சி. நாட்டை காப்பாற்ற அதற்கு நேரம் இருக்கவில்லை. நமது மக்களைக் காக்க அதற்கு நேரம் இருப்பதில்லை. இது மிகவும் துரதிர்ஷ்டவசமானது.

இவ்வாறு அவர் கூறினார்.

by யினியவன் Sat Apr 27, 2013 7:07 pm

உலகத்துக்கே தெரியுது அரசின் பலவீனம் என்று
காங்கிரஸ் க...களுக்கு மட்டும் தெரிஞ்சும் தெரியலையாம்
வைக்குற ஆப்புல இன்னும் ஆறு மாசத்துல தெரியத்தானே போவுது

by **Muthumohamed** Sun Apr 28, 2013 11:49 am

யினியவன் wrote:உலகத்துக்கே தெரியுது அரசின் பலவீனம் என்று
காங்கிரஸ் க...களுக்கு மட்டும் தெரிஞ்சும் தெரியலையாம்
வைக்குற ஆப்புல இன்னும் ஆறு மாசத்துல தெரியத்தானே போவுது

நிச்சயமாக நாம் தெரிய வைப்போம்