'மனித கம்ப்யூட்டர்--கணித மேதை சகுந்தலா தேவி-மரணமடைந்தார்

by **T.N.Balasubramanian** Sun Apr 21, 2013 9:05 pm

மிக சிக்கலான கணக்குகளை சில நொடிகளுக்குள் தீர்த்து வைக்கும் 'மனித கம்ப்யூட்டர்' என புகழப்பட்ட கணித மேதை சகுந்தலா தேவி, பெங்களூரில் இன்று மரணமடைந்தார். அவருக்கு வயது 80.

தனது கணித ஆற்றலால் கின்னஸ் சாதனை புத்தகத்திலும் இடம் பிடித்துள்ள சகுந்தலா தேவி, தனது ஆற்றலை 6 வயதில் மைசூர் பல்கலைக்கழகத்தில் நிரூபித்தார்.

1980-ம் ஆண்டு லண்டன் இம்பிரீயல் கல்லூரியின் கணினி பிரிவினர் அளித்த 7,686,369,774,870 X 2,465,099,745,779 என்ற 13 இலக்க பெருக்கல் கணக்கிற்கு 28 வினாடிகளில் விடையளித்து உலகையே வியக்க வைத்தவர், சகுந்தலா தேவி என்பது குறிப்பிடத்தக்கது.

கணித நுணுக்கம் தொடர்பான பல்வேறு நூல்களை எழுதியுள்ள இவர், கடந்த சில வாரங்களாக சுவாசக் கோளாறால் அவதிப்பட்டு வந்தார்.

பெங்களூரில் உள்ள ஆஸ்பத்திரியில் சிகிச்சை பெற்று வந்த சகுந்தலா தேவி இன்று மரணமடைந்தார்.

நன்றி:மாலை மலர்

கணித உலகத்திற்கும் / ஜோதிட உலகிற்கும் பெரு நஷ்டம்

ரமணியன்

by யினியவன் Sun Apr 21, 2013 9:20 pm

கணிதம் வென்ற பெண் / இந்தியர்களின் பெருமையை உலகிற்கு எடுத்து காட்டியவர் - அவரின் குடும்பத்தார்க்கு ஆழ்ந்த அனுதாபங்கள்.

(அய்யா இவர் முன்பே இறந்துவிட்டார் என்று நினைத்துக் கொண்டிருந்தேன் - என் அறியாமை)

by **T.N.Balasubramanian** Sun Apr 21, 2013 9:29 pm

உண்மையை கூறவேண்டும் என்றால் , இறந்தும் இறவாதார் பட்டியலில் பதிவு பெறவேண்டிய மேதைகளில் இவரும் ஒருவர்.

அவர் வெளியிட்ட கணக்கு புதிர் புத்தகம் ஒன்று இருந்தது. கணக்கில் ஈடுபாடு உடைய ஒரு சிறுவனுக்கு கொடுத்துவிட்டேன் .

ரமணியன்

by யினியவன் Sun Apr 21, 2013 9:31 pm

நல்ல விஷயம் அய்யா - வருங்கால குழந்தைகள் படித்து தாங்களும் சாதிக்க ஊக்கம் தரும்.

by **முத்துராஜ்** Mon Apr 22, 2013 7:29 am

அவர் வெளியிட்ட கணக்கு புதிர் புத்தகம் அனைத்து மாணவர்களுக்கும் கண்டிப்பாக பயன்படும்

by balakarthik Mon Apr 22, 2013 10:32 am

கணித உலகத்திற்கும் / ஜோதிட உலகிற்கும் பெரு நஷ்டம்

அன்னாரது ஆன்மா சாந்தி அடைய எல்லாம் வல்ல இறைவன் துணைபுரியட்டும் :வணக்கம்:

by பாலாஜி Mon Apr 22, 2013 1:09 pm

அன்னாரது ஆன்மா சாந்தி அடைய எல்லாம் வல்ல இறைவனை வேண்டுகின்றேன்

by balakarthik Mon Apr 22, 2013 1:12 pm

சகுந்தலா தேவி புகைப்படம்

'மனித கம்ப்யூட்டர்--கணித மேதை சகுந்தலா தேவி-மரணமடைந்தார் 4e766128-001c-4a3a-b3d8-b75011753640_S_secvpf

'மனித கம்ப்யூட்டர்--கணித மேதை சகுந்தலா தேவி-மரணமடைந்தார் Sa

by பாலாஜி Mon Apr 22, 2013 1:13 pm

புகைப்பட பகிர்வுக்கு நன்றி பாலா

by balakarthik Mon Apr 22, 2013 1:19 pm

சகுந்தலா தேவி (நவம்பர் 4, 1929 - ஏப்ரல் 21, 2013) ஒரு இந்தியக் கணித மேதை. பெங்களூரில் பிறந்த அவரது தந்தை ஒரு "பிராமணர் சர்க்கஸ்" இல் பணிபுரிந்தார். அவருக்கு மூன்று வயது இருந்த போது, அவரது தந்தையுடன் சீட்டு வித்தைகள் செய்த பொழுதே அவரது கணிதத் திறன் புலப்பட்டது. அவருக்கு ஆறு வயது இருந்த போது மைசூர் பல்கலைக்கழகத்தில் அவரது கணக்கு மற்றும் நினைவாற்றல் திறமைகளை வெளிப்படுத்தினார். எட்டு வயதில் அவர் அதையே அண்ணாமலை பல்கலைக்கழகத்தில் செய்து வெற்றி பெற்றார். 1977ல் அவர் ஒரு 201 இலக்க எண்ணின் 23வது மூலத்தை கணக்கிட்டார். இதை யூனிவாக்-1108 என்ற கணினியை விட 12 வினாடிகள் விரைவாக செய்து முடித்தார்.

நன்றி:- தமிழ்விக்கிபீடியா