கைதுக்கு பயந்து முஷாரப் காரில் தப்பி ஓட்டம்

இஸ்லாமாபாத்: பாகிஸ்தான் முன்னாள் அதிபர் பர்வேஸ் முஷாரப் கோர்ட்டின் கைது உத்தரவுக்கு பயந்து கோர்ட் வளாகத்தில் இருந்து போலீசார் கைது செய்ய முற்படும் முன்னதாக தனது பாதுகாவலர்களுடன் காரில் ‘ விர் ’ரென பறந்து சென்றார்.

நான்கு ஆண்டுகளுக்கு மேலாக துபை மற்றும் லண்டனில் தங்கி இருந்த முன்னாள் ராணுவ தளபதியும் பாக்., அதிபருமான முஷாரப் கடந்த சில நாட்களுக்கு முன்னதாக பாகிஸ்தான் வந்தார். தேர்தலில் போட்டியிடுவதற்காக பாகிஸ்தான் புறப்படும் முன்னர் அவர் நிருபர்களிடம் பேசுகையில்; நான் தாய்நாடு சென்றால் என்னை கொலை செய்யவும், கைது செய்யவும் திட்டமிடப்பட்டுள்ளது. இதனையெல்லாம் கண்டு நான் அஞ்சப்போவதில்லை.பாக். செல்வேன் என்றார் உறுதியாக.

இங்கு தேர்தலில் போட்டியிட மனு தாக்கல் செய்ததில் இவரது 4 மனுக்களும் நிராகரிக்கப்பட்டன. இந்நிலையில் இவர் மீதான கிரிமினல் வழக்குகள் மூலம் அரசு இவருக்கு நெருக்கடியை கொடுக்க முயற்சிகள் எடுக்கப்பட்டன. இவர் மீது பலுசிஸ்தான் தலைவர் ஒருவரை கொலை செய்த வழக்கு, சுப்ரீம் கோர்ட் நீதிபதிகளை கூண்டோடு வீட்டுக்கு அனுப்பியது, வக்கீல்களை அவமதித்தல் உள்ளிட்ட வழக்குகள் கோர்ட்டில் விரைவு படுத்தப்பட்டன. இவருக்கு சில வழக்குகளில் ஜாமின் வழங்கப்பட்டது.

புல்லட் புரூப் காரில் ஏறி: நாட்டை விட்டு ஓடி விடாமல் பார்த்து கொள்ள வேண்டும் என்றும் கோர்ட் உத்தரவிட்டிருந்தது. இன்று காலை பாகிஸ்தான் ஐகோர்ட்டில் ஆஜராக முஷாரப் வந்தார். இவரது ஜாமின் நீட்டிப்பு உத்தரவு ரத்து செய்யப்பட்டது. இதனையடுத்து இவர் உடனடியாக கைது செய்யப்படுவார் என கோர்ட்டில் பரபரப்பு நிலவியது. இந்நிலையில் யாரும் எதிர்பார்க்காத வண்ணம் கோர்ட்டில் இருந்து அவசர, அவசரமாக வெளியேறினார். தனது பாதுகாவலர்கள் புடை சூழ புல்லட் புரூப் காரில் ஏறி விர்ரென புறப்பட்டு சென்று விட்டார்.

வீட்டுக்காவலில் முஷாரப் :

இது குறித்து முஷாரப்பின் செய்தி தொடர்பாளர் ரசா புக்காரி கூறுகையில்; முஷாரப் யாருக்கும் பயந்து ஓடவில்லை. அவர் வீட்டில் தான் இருக்கிறார். சட்டப்படி அனைத்தையும் சந்திப்போம் என்றார். இதற்கிடையில் முஷாரப் வீட்டுக்காவலில் வைக்கப்படலாம் என பாக்., பாதுகாப்பு வட்டாரம் தெரிவிக்கிறது.

தினமலர்

தப்பி ஓடியது முஷராப்புக்கு அவமானம்! ஐ.எஸ்.ஐ. முன்னாள் தலைவர் ஹமீது கருத்து!

பாகிஸ்தான் முன்னாள் அதிபர் பர்வேஸ் முஷாரப்பை கைது செய்ய இஸ்லாமாபாத் உயர்நீதிமன்றம் உத்தரவு பிறப்பித்துள்ளது.

பெனாசிர் புட்டோ கொலை வழக்கில் ஜாமினை நீட்டிக்க கோரிய முஷாரப் மனு தள்ளுபடியானது. ஜாமீன் நீட்டிப்பு மனுவை தள்ளுபடி செய்து முஷாரப்பை கைது செய்ய உத்தரவிட்டது.

அவரது தனியார் பாதுகாப்பு வீரர்களின் உதவியோடு, அவர் நீதிமன்றத்தில் இருந்து தப்பித்து வெளியே சென்றுவிட்டார். இதனால், அவரை உடனடியாக கைது செய்யுமாறு காவல்துறைக்கு நீதிமன்றம் உத்தரவிட்டுள்ளது.

நீதிமன்றத்தில் இருந்து தப்பி ஓடியது முஷராப்புக்கு அவமானம் என ஐ.எஸ்.ஐ. முன்னாள் தலைவர் ஹமீது கருத்து தெரிவித்துள்ளார்.

மானம் அவமானம் பார்த்தா அரசியல் பண்ண முடியுங்களா?

எங்க ஊர்லயும் உங்க ஊர்லயும் இதெல்லாம் சாதாரணமப்பா.

அதையும் மீறி கைது பண்ணுனா இருக்கவே இருக்கு "ஐயோ கொல பண்றங்கோ " முஷாரப் நீங்க இன்னும் வளர வேண்டியது இருக்கு