தமிழ் வாழ்க !!!

by **பிஜிராமன்** Tue Apr 16, 2013 9:38 am

எண்ணம் எழுபிறப்பும் ஏறுமுகம் கண்டிடவும்
பண்ணும் பணியாலே பாரோங்கி சென்றிடவும்
மண்ணில் மனிதகுலம் மாண்புடனே வாழ்ந்திடவும்
கண்ணில் கணமெல்லாம் கற்கண்டு நற்சிரிப்பும்
கொண்டுதினம் வாழ்ந்திட வாழ்த்து

தமிழே சுகமே தலைவன் மகளே
அமிர்தம் அருளும் அழகின் ஒலியே
முழுதும் மனதுள் மணந்தேன் உனையே
பொழுதும் நினைத்து புகழ்ந்தேன் மனையே
குறுகத் தரித்தும் குறுகா குணமே
சிறுவர் சிரிக்கும் சிரிப்பின் சிறப்பே
பிறந்தாய் வளர்ந்தாய் பிரியாய் எனையே
சிறந்தாய் தினமும் சிறப்பாய் உலகில்
வளர்வாய் வளர்ப்பாய் வருமெப் பொழுதும்
உளத்தால் உரித்தாகும் வாழ்த்து

தாமத வாழ்த்து தமிழே பொறுத்திதை
நீமதித்து என்வாழ்த்தை ஏற்

அனைத்து ஈகரை உறவுகளுக்கும் தாமத தமிழ் புத்தாண்டு நல வாழ்த்துகள்

by சதாசிவம் Tue Apr 16, 2013 10:07 am

வாழ்த்துகள் ராமன்,

அழகிய கவிதைத் தந்தமைக்கு மிக்க நன்றி

அழகிய வெண்பாக்கள் இராமன். வாழ்த்துக்கள். மகிழ்ச்சி

ஆயினும், கடைசி குறளில் என்ன ஆனது? புன்னகை

"தாமத வாழ்த்து தமிழே பொறுத்திதை
நீமதித்து என்வாழ்த்தை ஏற்க "

by **பிஜிராமன்** Tue Apr 16, 2013 6:11 pm

சதாசிவம் wrote:வாழ்த்துகள் ராமன்,

அழகிய கவிதைத் தந்தமைக்கு மிக்க நன்றி

மிக்க நன்றிகள் ஐயா புன்னகை

by **பிஜிராமன்** Tue Apr 16, 2013 6:13 pm

Dr.சுந்தரராஜ் தயாளன் wrote:அழகிய வெண்பாக்கள் இராமன். வாழ்த்துக்கள்.
ஆயினும், கடைசி குறளில் என்ன ஆனது?

"தாமத வாழ்த்து தமிழே பொறுத்திதை
நீமதித்து என்வாழ்த்தை ஏற்க "

மன்னிக்கவும் ஐயா........அந்த இடத்தில் ஏற் என்று இருந்திருக்க வேண்டும்.....அவசரத்தில் கவனிக்கவில்லை ஐயா......சுட்டியமைக்கு நன்றிகள் ஐயா......

திருத்திவிட்டேன் மிக்க நன்றிகள் ஐயா....... புன்னகை

by Sponsored content

தமிழ் வாழ்க !!!

தமிழ் வாழ்க !!!

Re: தமிழ் வாழ்க !!!

Re: தமிழ் வாழ்க !!!

Re: தமிழ் வாழ்க !!!

Re: தமிழ் வாழ்க !!!

Re: தமிழ் வாழ்க !!!