சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..

by DERAR BABU Fri Apr 05, 2013 12:12 pm

சவுதி அரேபியாவில் பழிக்கு பழியாக வாலிபருக்கு பக்கவாதம் ஏற்படுத்தும்படி வினோத தீர்ப்பளிக்கப்பட்டது.

சவுதி அரேபியாவை சேர்ந்தவர் அலி அல் கவாகர் (24). கடந்த 10 ஆண்டுகளுக்கு முன்பு இவருக்கும் நண்பருக்கும் இடையே மோதல் ஏற்பட்டது. அப்போது அலி தாக்கியதில் அவரது நண்பரின் முதுகு தண்டு வடம் பாதிக்கப்பட்டது. அதனால், அவரை பக்கவாதம் நோய் தாக்கியது.

தற்போது அவர் சக்கர நாற்காலியில் தனது வாழ்நாளை கழித்து வருகிறார். இதற்கிடையே, கைது செய்யப்பட்ட அலி மீது கோர்ட்டில் வழக்கு தொடரப்பட்டது. சவுதி அரேபியாவில் இஸ்லாமிய சட்டம் கடைபிடிக்கப்பட்டு வருகிறது. கண்ணுக்கு கண் என்பதன் அடிப்படையில் பாதிக்கப்பட்ட நண்பருக்கு ஏற்பட்டது போன்று அலிக்கும் பக்கவாதம் நோய் ஏற்படுத்தும்படி கோர்ட்டு தீர்ப்பளித்தது.

இந்த குற்றத்தில் இருந்து தப்பிக்க பாதிக்கப்பட்ட நண்பருக்கு ரூ.1 கோடியே 50 லட்சம் நஷ்டஈடு (ரொக்க பணம்) வழங்கவும் உத்தரவிடப்பட்டுள்ளது. இந்த தீர்ப்புக்கு உலக நாடுகளின் மனித உரிமைகள் அமைப்பு கடும் எதிர்ப்பும், கண்டனமும் தெரிவித்துள்ளன. ஆனால் அதை சவுதி அரேபியா அரசு கண்டு கொள்ளவில்லை.

மாலைமலர்

by சதாசிவம் Fri Apr 05, 2013 3:15 pm

அறிவுக் கண்ணில்லாதவர்கள் தான் கண்ணுக்கு கண் இன்றும் கடைப்பிடிக்கின்றனர்...

என்ன செய்ய நரகம் எப்படி இருக்கும் என்று பார்க்க இங்கு வசிக்கலாம்.

by **Muthumohamed** Fri Apr 05, 2013 10:54 pm

இவ்வளவு கடுமையான தண்டனை தேவை இல்லை என்றே நினைக்கிறேன்

இத்துனை கடுமையான தண்டனை இருந்தும் குற்றம் குறையவில்லை எனில் பிறகு என்ன செய்ய முடியும் ???

தண்டனைக்குரியவருக்கு எப்படி பக்கவாதம் ஏற்படுத்தமுடியும் ?

by ராஜு சரவணன் Fri Apr 05, 2013 11:09 pm

சில மதங்களுக்கு முன்பு இதே போன்றதொரு தண்டனை, குழந்தை பராமரிப்பு பெண் ஒருவர் அவர் பராமரித்த குழந்தை இறக்க அவர் தான் காரணம் என்று அவருக்கு சிறை சேதம் செய்ய நீதிமன்றம் உத்தரவிட்டது. அதன்படி அவர் ஊர் முன்னிலையில் குனிய வைத்து அப்படியா தலையை வெட்டியதை youtube இல் பார்தேன், அப்பா இப்போது நினைத்தாலும் உடல் நடுங்குகிறது.

இவ்வளவு கொடிய தண்டனை தேவையா?

by **சிவா** Sat Apr 06, 2013 8:17 am

சபாஷ்......! இப்படித்தான் செய்யவேண்டும், அப்பொழுதுதான் உங்கள் பெருமையும், அறிவுத்திறனும் உலகிற்குத் தெரிந்து கொண்டே இருக்கும்! என்ன கொடுமை சார் இது

by Sponsored content

சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..

சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..

Re: சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..

Re: சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..

Re: சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..

Re: சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..

Re: சவுதி அரேபியாவில் வினோதம்: பழிக்கு பழியாக வாலிபருக்கு பக்கவாதம் ஏற்படுத்த கோர்ட் தீர்ப்பு..