வட கொரிய கடல் எல்லைக்கு விரைந்தது அமெரிக்க போர்க்கப்பல்

வட கொரியாவின் ராணுவ நடவடிக்கைகளைக் கண்காணிக்கும் பொருட்டு அதி நவீன ராடார் கருவிகள் அடங்கிய அமெரிக்க போர்க் கப்பல் பெனின்சுலா கடல் பகுதிக்கு விரைந்துள்ளது.

கொரிய தீபகற்பத்தில் அமைந்துள்ள வடகொரியா, தென்கொரியா நாடுகள் இடையே அண்மைக்காலமாக மோதல் போக்கு அதிகரித்து வருகிறது. உலக நாடுகளின் எதிர்ப்பை மீறி அணு ஆயுத சோதனை, ராக்கெட் ஏவுதல் போன்ற நடவடிக்கைகளால் வடகொரியா பொருளாதார தடைக்கு ஆளாகி இருக்கிறது.இந்த நடவடிக்கையில் அமெரிக்கா தீவிரம் காட்டி வருவதால் வடகொரியா கடும் கோபத்தில் இருக்கிறது. இந்நிலையில் அமெரிக்காவுடன் இணைந்து தென்கொரியா போர் ஒத்திகை நடத்துகிறது. இதில் அமெரிக்காவின் அதிநவீன பி-2, எப்-22 போர் விமானங்கள் பயன்படுத்தப்படுகின்றன. இதற்கு கடும் எதிர்ப்பு தென்கொரியாவுடன் போர் பிரகடனத்தை வெளியிட்டது.

இதனால் கொரியா தீபகற்ப பகுதியில் போர் மூளும் நிலைமை உருவானது. இந்நிலையில் அமெரிக்காவின் ராணுவத் தலைமையகமான பென்டகன் செய்தித்தொடர்பாளர் ஜார்ஜ் லிட்டில் கூறியதாவது:

உலக நாடுகளின் எதிர்ப்பையும் மீறி வட கொரியா தொடர்ந்து தன்னிச்சையாக செயல்பட்டு வருகிறது. தென் கொரியா-அமெரிக்கா இடையேயான ராணுவக் கூட்டு பயிற்சி ஒத்திகை இயல்பானதுதான். இது ஒரு தற்காப்பு முயற்சி என்று கூட எடுத்துக்கொள்ளலாம்.ஆனால் வட கொரியாவின் தொடர்ச்சியான அச்சுறுத்தலால் கொரிய பெனின்சுலா கடல் பகுதியில் வட கொரியாவுக்கு அருகில் நிலை நிறுத்த அமெரிக்க போர்க்கப்பல் விரைந்துள்ளது. அது தவிர முக்கியமான ராணுவத் தளவாடங்கள், ஆயுதங்கள், ரேடார் போன்றவையும் வரவழைக்கப்பட்டுள்ளன.

இவற்றின் மூலம் வட கொரியாவின் ராணுவ நடவடிக்கைகள் கண்காணிக்கப்படும். வட கொரியா விஷயத்தில் நாங்கள் தவறான பாதையைத் தேர்ந்தெடுக்க விரும்பவில்லை. நாங்கள் அமைதியைத்தான் விரும்புகிறோம். ஆனால் வட கொரியா தன்னுடைய வார்த்தைகளாலும் செயல்களாலும் அமெரிக்காவையும் தென் கொரியாவையும் ஆத்திரமூட்டிக்கொண்டே இருக்கிறது என்று தெரிவித்தார்.

தினமணி

அமெரிக்கா எங்கு நுழைந்தாலும் குள்ளநரி வேலையே ஆரம்பிச்சுடும்

இங்கும் அது நிகழ போகிறது

Muthumohamed wrote:அமெரிக்கா எங்கு நுழைந்தாலும் குள்ளநரி வேலையே ஆரம்பிச்சுடும்

இங்கும் அது நிகழ போகிறது

அப்படி தெரியவில்லை ...முதலில் ஆரம்பித்தது வட கொரியா தான் ...அணு ஆயுத சோதனை நடத்தியது மிக பெரிய ஒரு குற்றம் ..தேவை இல்லாமல் தென் கொரியா மீது போர் அறிவித்ததும் தவறு ...ராகேடுகளை வீசி ஒத்திகை பார்த்ததும் தவறு தான் ...அமெரிக்காவுக்கு தன் நாட்டு மக்களின் மேல் இருக்கும் அக்கறையின் காரணமாக தனது நாட்டுக்கு ஆபத்து வராமலிருக்கவே முனெச்சரிக்கை நடவடிக்கைகளை எடுத்துள்ளது

மொழி,இனம்,நிறம் , உயரம் , பண்பாடு , உணவு பழக்கம் இப்படி எல்லாவற்றிலும் ஒரே மாதிரியாக இருக்கிற கொரிய மக்கள் இரண்டு பிரிவகா பிரிந்து கொண்டு ஒருவரை ஒருவர் அடித்து கொண்டால் அப்புறம் எங்களுக்கு(அமெரிக்க உள்ளிட்ட ஆயுத ஏற்றுமதி நாடுகள்) மகிழ்ச்சியாக தானே இருக்கும்.

"ஊர் ரெண்டு பட்டால் கூத்தாடிக்கு கொண்டாட்டம் " எங்க முன்னோர்கள் சும்மாவா சொன்னாங்க

ராஜா wrote:மொழி,இனம்,நிறம் , உயரம் , பண்பாடு , உணவு பழக்கம் இப்படி எல்லாவற்றிலும் ஒரே மாதிரியாக இருக்கிற கொரிய மக்கள் இரண்டு பிரிவகா பிரிந்து கொண்டு ஒருவரை ஒருவர் அடித்து கொண்டால் அப்புறம் எங்களுக்கு(அமெரிக்க உள்ளிட்ட ஆயுத ஏற்றுமதி நாடுகள்) மகிழ்ச்சியாக தானே இருக்கும்.

"ஊர் ரெண்டு பட்டால் கூத்தாடிக்கு கொண்டாட்டம் " எங்க முன்னோர்கள் சும்மாவா சொன்னாங்க

SajeevJino wrote:

Muthumohamed wrote:அமெரிக்கா எங்கு நுழைந்தாலும் குள்ளநரி வேலையே ஆரம்பிச்சுடும்

இங்கும் அது நிகழ போகிறது

அப்படி தெரியவில்லை ...முதலில் ஆரம்பித்தது வட கொரியா தான் ...அணு ஆயுத சோதனை நடத்தியது மிக பெரிய ஒரு குற்றம் ..தேவை இல்லாமல் தென் கொரியா மீது போர் அறிவித்ததும் தவறு ...ராகேடுகளை வீசி ஒத்திகை பார்த்ததும் தவறு தான் ...அமெரிக்காவுக்கு தன் நாட்டு மக்களின் மேல் இருக்கும் அக்கறையின் காரணமாக தனது நாட்டுக்கு ஆபத்து வராமலிருக்கவே முனெச்சரிக்கை நடவடிக்கைகளை எடுத்துள்ளது

ஒரு நாடு அணு ஆயுத சோதனை நடத்த யாரை கேட்கவேண்டும் ?

அமெரிக்க என்ன பெரிய நாட்டாமையா ?

இரு நண்பர்களுக்குள் சண்டை வருவது சகஜம் அதை பெரிதாக்குவது சுற்று வட்டம் தான் அது போல் தான் அமெரிக்காவும் தனது ஆயுதங்களை விற்க நண்பர்களின் சண்டையில் இடையில் வருகிறது ஆதாயம் பெறுகிறது