காற்றில் உந்தன் நினைவுகள் ...

by பூர்ணகுரு Fri Mar 29, 2013 10:54 am

நீயொரு நீயொரு காவியம் - என்
மனதினில் வாழ்ந்திடும் ஓவியம்
நாளொரு நாளொரு பூவையும்
உனக்கெனத் தருவேன் என் ஆவியும்
பாசமும் நேசமும் வாசமும் சுவாசமும்
சேர்ந்தது எந்தன் காதல் களஞ்சியம் !

(நீயொரு)

வாழ்க்கை என்பது உயிரே
வாழ என்பது அறவே
மறந்திருந்தேன் நான் மறைந்திருந்தேன்

வானம் பூமியை வெல்லவே
வாழ்த்து ஒன்றை மெல்லவே
சொல்லவந்தாய் என்னை அள்ளிச்சென்றாய்

காதல் கொண்ட கனவுகள்
காற்றில் உந்தன் நினைவுகள்
மாறும் உந்தன் இளமைகள்
மாறா தெந்தன் வார்த்தைகள்
காமமும் மோகமும் ஆசையும் பாசையும்
கடந்தது எந்தன் காதல் பயணம் !

(நீயொரு)

ஆண்மை என்பது மனமே
ஆளச் சொல்லும் விதமே
துறந்திருப்பேன் நான் தொலைந்திருப்பேன்

காதல் கவிதை பாடவே
மாலை ஒன்று சூடவே
உறவுவந்தாய் என்னை உறையச்செய்தாய்

காயம் கண்ட எண்ணங்கள்
மாற்றும் உந்தன் உறவுகள்
காலம் தந்த கோலங்கள்
ஆறா தெந்தன் ஏக்கங்கள்
தாபமும் தாகமும் காலையும் மாலையும்
மலர்ந்தது எந்தன் காதல் பூவனம் !

(நீயொரு)

by **Muthumohamed** Fri Mar 29, 2013 11:07 am

நினைவுகள் கவிதை சூப்பருங்க

தொடருங்கள் உறவே

by பூவன் Fri Mar 29, 2013 3:38 pm

காயம் கண்ட எண்ணங்கள்
மாற்றும் உந்தன் உறவுகள்
காலம் தந்த கோலங்கள்
ஆறா தெந்தன் ஏக்கங்கள்
தாபமும் தாகமும் காலையும் மாலையும்
மலர்ந்தது எந்தன் காதல் பூவனம் !

உங்கள் காதல் பூவனம் அருமை சூப்பருங்க