விருப்பமில்லாமல் ஓர் கிறுக்கல் :(

by பூர்ணகுரு Fri Mar 29, 2013 10:33 am

உன்னை விரும்ப நான் இல்லை

என்னை விரும்ப நீ இல்லை

நம்மை விரும்ப நாம் இல்லை

நாளை உலகில் யாரும் இல்லை !

நீ மாற வேண்டாம்

நான் திருந்த வேண்டாம்

நாம் வருந்தா விட்டால்

நாளை உலகில் யாரும் இல்லை !

மது மங்கை மயக்கம்

எல்லோர் உயிரிலும் அடக்கம்

மனித மிருகத்தை வெளி விட்டால்

நாளை உலகில் யாரும் இல்லை !

அவசர சிகிச்சைப் பிரிவில்

நாளும் அறுவை சிகிச்சை

போதை தெளிந்து பார்க்கும்போது

நாளை உலகில் யாரும் இல்லை !

பிணக் கிடங்கில் சலனம்

பெண் மடந்தையின் சடலம்

காமம் நீங்கி பார்க்கும்போது

நாளை உலகில் யாரும் இல்லை !

உன்னால் என்னால் நம்மால்

பிறருக்கு நேரும் துன்பம்

வலியை உணர்ந்துப் பார்த்தால்

நாளை உலகில் யாரும் இல்லை !

நாம் மாற வேண்டும்

இதை யார் சொல்ல முடியும்

நானும் ஒழுக்கம் இல்லை - இங்கு

நாடே ஒழுங்காய் இல்லை !

நாளை உலகில் யாரும் இல்லை !