என் மூச்சிலும் எத்தனை எத்தனை பெண்கள்-ஜேன்

by ஹர்ஷித் Fri 8 Mar 2013 - 14:10

இருபத்தொரு நூறாண்டுகள்
கடந்துவந்தன காலம்

இவ்வுலகையும் உன்னையும் என்னையும்
காத்துவந்தது யார்

வருடத்திற்கொருமுறை மகளீர் தினமாய்
மலர்தூவி ஆராதிப்போம் உன்னை

வருடம் முழுதாய் அடிமைப்பெண் என
சீரழிப்பேன் உனை

என் நாட்டை தாய் நாடெனும் என் மனம்
எந்தன் தாய் பாசத்தை ஏலம் விட்டது என்?

என் மொழியை தாய்மொழி எனும் நான்
அவளை காக்க மறந்திட்டதேனோ?

என் மூச்சிலும் எத்தனை எத்தனை பெண்கள்.
உயிர் மூச்சளித்து உணவூட்டி அன்னையாய்
பசியில் திளைத்த எனக்கு இன்றுவரை
இரண்டாம் அமுதூட்டிய கோமாதாவாய்
அ-அம்மா ஆ-ஆடு என அறிவுட்டி என் ஆசானாய்
இந்தியா எனது தாய்நாடு-என முழங்கும்போது
மயிர்கூச்செறியச்செய்த என் பாரத மாதாவாய்
அரும்பு மீசையுடன் விரும்பி எழுதிய
வரிகளை ததும்பி வாசித்த என் முதல் காதலியாய்
அது மாறி,துக்கம் சந்தோசம் கோபம் தாபம்
என என் மூன்றாம் கையாய் மாறிப்போன என் மனைவியாய்
பள்ளிக்கு சென்ற முதல் நாளும்
மணமகளாய் பிரிந்த முதல் நாளும்
கண்ணீராலேயே பேசிய என் மகளாகவும்
அத்தனைக்கும் மேலாய் என்னுயிர் மூச்சு
அடங்கித்தீர்க்கும்வரை என்னுடனே வாழும்
என் தமிழ்த்தாயாய்!!!!!!!!!!!!!!!!!!!!!!!!!!!!!!!
என் மூச்சிலும் எத்தனை எத்தனை பெண்கள்.
என் மூச்சிலும் எத்தனை எத்தனை பெண்கள்.
அத்தைனையும் என் கண்கள்.

சூளுரைப்போம் இன்று "பெண்களை இழிவு செய்யும் மாந்தரை கொளுத்துவோம்" என்று.

நன்றி
ஜேன்