கூடங்குளம் அணுஉலையில் இருந்து கதிர்வீச்சு: இலங்கை அமைப்பு எதிர்ப்பு

by **ராஜா** Sun Mar 03, 2013 4:30 pm

கூடங்குளம் அணுஉலையில் இருந்து கதிர்வீச்சு கசிவு ஏற்படுவதாக இலங்கையைச் சேர்ந்த தனியார் அமைப்பு ஒன்று குற்றம்சாட்டியுள்ளது. அவ்வாறு எந்த கசிவும் இல்லை என்று கடந்த வாரம் இலங்கையில் உள்ள இந்தியத் தூதரகம் மறுப்புத் தெரிவித்திருந்தது.

இந்நிலையில், கூடங்குளம் அணுமின் நிலையத்திற்கு எதிரான மக்கள் இயக்கம் என்ற அமைப்பு வெளியிட்டுள்ள அறிக்கையில், கடந்த மாதம் 27-ம் தேதி முதல் அங்கு கதிர்வீச்சு கசிவு உள்ளதாக குறிப்பிட்டுள்ளது.

மேலும், இந்த விவகாரத்தில் இலங்கை அரசு கண்டுகொள்ளாமல் இருப்பதாக குற்றம்சாட்டியுள்ள அந்த அமைப்பு, இதில் அரசு உண்மையை தெரிவிக்க வேண்டும் என்றும் வலியுறுத்தியுள்ளது. கூடங்குளம் அணுஉலைக்கு எதிராக சமீப காலமாக இலங்கையில் போராட்டங்கள் நடைபெற்று வருகின்றன.

ஜெனிவாவில் அமெரிக்கா கொண்டு வரும் தீர்மானத்தின் மீது, இலங்கைக்கு எதிராக இந்தியா வாக்களிக்க வாய்ப்புள்ளதாக கூறப்படும் நிலையில், அதை தடுக்கும் முயற்சியாக இவ்வாறு கூடங்குளத்திற்கு எதிராக கருத்துகள் பரப்பப்படுவதாகவும் குற்றம்சாட்டப்படுகிறது.

கடந்த ஆண்டு ஜெனிவாவில் இலங்கைக்கு எதிராக தீர்மானம் கொண்டு வரப்பட்ட நேரத்திலும், கூடங்குளம் தொடர்பாக இலங்கை எரிசக்தி அமைச்சர் சம்பிகா ரணவாகா சர்ச்சைக்குரிய கருத்துகளை தெரிவித்திருந்தார்.

-puthiyathalaimurai

by **இளமாறன்** Sun Mar 03, 2013 4:43 pm

அப்படி கசிவு இருந்தால் தமிழ் நாட்டிலேயே தெரியுமே .. இலங்கை வரை கசிவு உணரபடுகிறதா என்ன?

by **Muthumohamed** Sun Mar 03, 2013 4:59 pm

இளமாறன் wrote:அப்படி கசிவு இருந்தால் தமிழ் நாட்டிலேயே தெரியுமே .. இலங்கை வரை கசிவு உணரபடுகிறதா

யோசிக்க வேண்டிய விடயம் இது

by **ராஜா** Sun Mar 03, 2013 5:24 pm

இளமாறன் wrote:அப்படி கசிவு இருந்தால் தமிழ் நாட்டிலேயே தெரியுமே .. இலங்கை வரை கசிவு உணரபடுகிறதா

அதானே , எங்கள் பாண்டிச்சேரி பெற்றெடுத்த தங்கம் மத்திய அமைச்சர் அணுவிஞ்ஞானி நாறவாய் சாமிக்கு (ச்சே , நாராயணசாமி )தெரியாமல் எப்படி கசிவு இலங்கை வரைக்கு போனுச்சு