வயிறு....

by **rameshnaga** Sat Feb 23, 2013 7:03 pm

வயிறு....

ஒரே ஒரு சாண்தான்...
உடம்பின் மத்தியில் உட்கார்ந்து கொண்டு
என்னமாய் படுத்துகிறது.....

வேளா... வேளைக்கு....
சோறு போடாவிட்டால்...
குடலைப் பிடித்திழுத்து...கண்ணை இருட்ட வைத்து...
தன் வலிமையை நிரூபிக்கிறது.

கையோ....காலோ....ஏன்....மூளையோ கூட...
தனக்கான வேலை குறித்து
விசனப்பட்டதில்லை என்னிடம்.
இந்த வயிறு மட்டும்...
வேளாவேளைக்கு...தன்னை நிரப்பிக்கொண்டே...
ஓவர்டைமாய் நொறுக்குத் தீனிக்கு
இடம் ஒதுக்கிக் கொள்கிறது.
அமுத சுரபியையே...விழுங்கினாலும்...
அடுத்த வேளைக்கும் பசிப்பதாய்ச் சொல்லி
படாதபாடு படுத்துகிறது.

தன் வேலையை...
ரொம்ப ரொம்ப ஒழுங்காய்ச் செய்து
படாதபாடு படுத்தும் இதனிடமிருந்து தப்பிக்கத்தான்...

யாருக்கும்...
எந்த வழியும் இல்லை.