உன்னாலே எல்லாம் ......

by பூவன் Sat Feb 23, 2013 12:47 am

எண்ணங்கள் எல்லாம்
எண்ணியபோதும் அது
வண்ணங்கள் ஆனது
என்னவோ மனம் கொண்ட
உன்னால் மட்டுமே ....

தினம் தினம்
நூறு கனவு அதில்
கணம் கணம்
ஆயிரம் நினைவு
என் மனதோடு மட்டுமே
மணம் வீசியே
உன்மனதை சேராமல் ....

இறுகிய மெழுகுவர்த்தியில்
உருகும் மெழுகு போல
நானும் உருகினேன்
இறுகிய உன் மனம் கண்டு .....

குளிரில் நடுங்கியவன்
ஏற்றிய சருகு தீ போல
நீயும் சுட்டெரிக்கிறாய்
குளிர் போக்கிட அல்ல
தளிரென நான் கருகிடவே ....

கேள்வியை தொடுத்து
விடை கேட்பார்கள்
நீயோ வேள்வியை தொடுத்தல்லவா
விடை கேட்கிறாய் ....

அழகு என்றால்
ஆபத்தாம் சொன்னார்கள்
யார் சொன்னார்கள்
அழகு என்றால் பேராபத்து ....

மிளகு காரம் விட
உன் பார்வை அழகு காரம்
என்னுள் எரிகிறது
என்னை எரிக்கிறது ...

தொட்டு தொட்டு தான் உரசியது
உன் பார்வை விழிகள்
தென்றல் என என்னை
இப்போது ஏனோ
விடாமல் வீசுகிறாய்
நான் விழும் வரை புயலாக .....

நேற்று வரை பூத்திருந்தேன்
உன் புன்னகையால்
இன்று ஏனோ காத்திருக்கின்றேன்
நான் கண்ணீரால் கலங்கியே .....
கண்ணீரில் கலங்கியே .....

by ச. சந்திரசேகரன் Sat Feb 23, 2013 1:37 am

உன்னாலே எல்லாம்
பெண்ணாலே எல்லாம்
தன்னாலே எல்லாம்
தவிப்புகள் மாறலாம்.

கலங்கி நிற்காது
கண்ணீரை துடைத்து
புலம்பி நிற்காது
பூமியை நகர்த்து

விருப்ப பொத்தானை பாவித்தேன். சூப்பருங்க

by பூவன் Sat Feb 23, 2013 1:41 am

ச. சந்திரசேகரன் wrote:
உன்னாலே எல்லாம்
பெண்ணாலே எல்லாம்
தன்னாலே எல்லாம்
தவிப்புகள் மாறலாம்.

கலங்கி நிற்காது
கண்ணீரை துடைத்து
புலம்பி நிற்காது
பூமியை நகர்த்து

விருப்ப பொத்தானை பாவித்தேன்.

நன்றி நண்பரே ....