பள்ளி குழந்தைகளுக்கு பரிமாறப்பட்ட உணவில் செத்த எலி !

by DERAR BABU Mon Jan 28, 2013 6:57 pm

உத்தர பிரதேச மாநிலத்தில் உள்ள ஒரு அரசு பள்ளி விடுதியில், குழந்தைகளுக்கு பரிமாறப்பட்ட உணவில் செத்த எலி இருந்தது அதிர்ச்சியை ஏற்படுத்தியுள்ளது.

உத்தர பிரதேச மாநிலம் பாண்டா பகுதியில் உள்ள ஹருதுவாளி கிராமத்தில் இருக்கும் ஒரு அரசு பள்ளி விடுதியில் பரிமாறப்பட்ட உணவை சாப்பிட்ட 9 குழந்தைகளுக்கு கடும் வயிற்றுபோக்கு, வாந்தி மற்றும் மயக்கம் ஏற்பட்டது. பாதிப்புக்குள்ளான 5 - 12 வயதுக்குட்பட்ட மாணவர்களை பரிசோதித்த மருத்துவர்கள் அவர்கள் உண்ட உணவில் இருந்த நச்சு காரணமாக உடல் நலம் பாதிக்கப்பட்டதாக தெரிவித்தார்கள்.

இதனை தொடர்ந்து பள்ளியில் சமைத்து பரிமாறப்பட்ட உணவை பரிசோதித்த அரசு மருத்துவ அலுவலர்கள், குழந்தைகளுக்கு பரிமாறப்பட்ட உணவில் இறந்துபோன எலி இருந்ததை கண்டு அதிர்ச்சி அடைந்தனர்.

இதுகுறித்து கூறிய அரசு மருத்துவ அலுவலர், ஆர். எஸ் வர்மா கூறுகையில், நேற்று இரவு பள்ளியில் பரிமாறப்பட்ட உணவில் இறந்துபோன எலி இருந்தது. இதனை உண்டு பாதிப்புக்குள்ளான குழந்தைகளுக்கு மருத்துவமனையில் சிகிச்சை அளிக்கபட்டுவருகின்றது.இச்சம்பவம் குறித்து விசாரணை மேற்கொள்ளப்படவுள்ளது என தெரிவித்தார்.......

வெப்துனியா