‘விஸ்வரூபம்’ பட பிரச்சினை: முஸ்லிம்களுக்கு, ரஜினிகாந்த் வேண்டுகோள் ‘‘படத்தை வெளியிட உறுதுணையாக இருங்கள்’’

‘‘விஸ்வரூபம் படத்தை வெளியிட உறுதுணையாக இருங்கள்’’ என்று முஸ்லிம்களுக்கு வேண்டுகோள் விடுத்து ரஜினிகாந்த் அறிக்கை வெளியிட்டு இருக்கிறார்.

வழக்கு

முஸ்லிம் அமைப்புகள் எதிர்ப்பு காரணமாக, கமல்ஹாசன் நடித்த ‘விஸ்வரூபம்’ படத்துக்கு தமிழக அரசு தடை விதித்து இருக்கிறது. இந்த தடையை எதிர்த்து, கமல்ஹாசனின் பட நிறுவனமான ராஜ்கமல் பிலிம்ஸ், சென்னை ஐகோர்ட்டில் மனு தாக்கல் செய்தது.மனுவை விசாரித்த நீதிபதி, வழக்கு விசாரணையை 28–ந்தேதிக்கு தள்ளி வைத்தார். இன்று (சனிக்கிழமை) படத்தை பார்ப்பதாகவும் அவர் கூறியிருக்கிறார்.

ரஜினிகாந்த் அறிக்கை

இந்த நிலையில், முஸ்லிம்களுக்கு வேண்டுகோள் விடுத்து ரஜினிகாந்த் நேற்று அறிக்கை வெளியிட்டார். அதில் அவர் கூறியிருப்பதாவது:–‘‘என்னை வாழவைக்கும் தெய்வங்களான தமிழ் மக்களுக்கு என் வணக்கத்தை தெரிவித்து கொள்கிறேன். கடந்த சில நாட்களாக ‘விஸ்வரூபம்’ திரைப்பட பிரச்சினைகளை அறிந்து மிகவும் வேதனைப்படுகிறேன்.

இஸ்லாமிய சமூகத்தின் மீது மரியாதை

கமல், எனது 40 ஆண்டு கால நண்பர். யாருடைய மனதையும் புண்படுத்தும்படியாக நடந்து கொள்ளாதவர் என்பதை நன்கு அறிவேன். இந்த திரைப்படம் தணிக்கையான பிறகு தியேட்டர்களில் வெளியிடுவதற்கு முன்பே, இஸ்லாமிய சகோதரர்களின் வேண்டுகோளை ஏற்றுக்கொண்டு அவர்களுக்கு திரையிட்டு காண்பித்ததில் இருந்தே இஸ்லாமிய சமூகத்தின் மீது கமல் கொண்டுள்ள மதிப்பையும், மரியாதையையும் தெள்ளத்தெளிவாக காட்டுகிறது.மேலும் கமல்ஹாசன் இந்த படம் தயாரிக்க சுமார் 100 கோடி ரூபாய் முதலீடு செய்வதற்கு என்னென்ன சிரமங்கள் அனுபவித்திருக்கிறார் என்பதை அறியும்போது, என் மனம் கலங்குகிறது.

பாதிப்பு வராத வகையில்

கமல் ஒரு சாதாரண கலைஞன் அல்ல. தமிழ் சினிமாவை உலக அளவில் கொண்டு செல்வதற்கு ஒரு காரணமாக உள்ள மகா கலைஞன். இதையெல்லாம் மனதில் கொண்டு இந்த படத்தை முழுசா தடை செய்யணும் என்ற கருத்தில் இருந்து மாறி, கமல் வந்த பிறகு கலந்து பேசி, கதைக்கு பாதிப்பு வராத வகையில் சரி செய்து படத்தை வெளியிட உறுதுணையாக இருக்குமாறு மிலாது நபி வாழ்த்துக்களுடன் இஸ்லாமிய சகோதரர்களை கேட்டுக்கொள்கிறேன். ஜெய்ஹிந்த்.’’இவ்வாறு அந்த அறிக்கையில் ரஜினிகாந்த் கூறியிருக்கிறார்.

அப்பாடி இப்பவாவது வாய் திறந்தாரே பாபாஜி : :

கமல் வந்த பிறகு கலந்து பேசி, கதைக்கு பாதிப்பு வராத வகையில் சரி செய்து படத்தை வெளியிட

திரையுலகில் எவ்வளவு பேர் இருக்க ரஜினியும் பாரதி ராஜா வும் மட்டும் தான் கமலுக்கு சப்போர்ட் ஆக இருக்கிறார்கள்.!

அருண் wrote:திரையுலகில் எவ்வளவு பேர் இருக்க ரஜினியும் பாரதி ராஜா வும் மட்டும் தான் கமலுக்கு சப்போர்ட் ஆக இருக்கிறார்கள்.!

பிரகாஷ் ராஜ் கூட ஆதரவா ஏதோ பத்திரிக்கையில பேசி இருந்தாரே அருண்

balakarthik wrote:
பிரகாஷ் ராஜ் கூட ஆதரவா ஏதோ பத்திரிக்கையில பேசி இருந்தாரே அருண்

அப்படியா பாஸ்.! விஸ்வரூபம் மகா ரூபம் ஆகா ஆகும் போல.!

புதிய டிரெண்டுகளை உருவாக்குகிறவர்கள் நிறைய பிரச்சினைகளைச் சந்திக்க வேண்டியிருப்பது இயற்கையே கமலஹாசனின் இந்த படத்தால் யாருக்கும் கஸ்டம் இருக்காது என்பதே என் நம்பிக்கை. எதிர்க்கிறவர்கள் வெறும் அச்சத்தால்தான் எதிர்க்கிறார்கள் என்பது என் துணிவு. பிரச்சினைகளைச் சந்திக்கும் துணிவை கமலஹாசனுக்குக் கடவுள் அருளட்டும்.

இது நம்ம இசைஞானி இளையராஜா கமலின் கடவுள் நம்பிக்கை பற்றி கேள்வி பதிலில் சொன்னது இங்கே பொருத்தமா இருக்குமுன்னு சொல்லுறேன் அவருக்குக் கடவுள் மீது நம்பிக்கை இல்லாவிட்டாலும் கடவுளுக்கு அவர் மீது நம்பிக்கை இருக்கிறது
(நன்றி : இசைஞானி - குமுதம் இதழ் ராஜ பவனி கேள்வி பதில்)