பிரதமரை அடிக்கவா முடியும்? மம்தா கேள்வி?

by DERAR BABU Tue Jan 22, 2013 9:44 am

விலை உயர்வைக் கட்டுப்படுத்தத் தவறி, தொடர்ந்து மக்கள் விரோத நடவடிக்கைகளை மேற்கொள்கிறார் என்பதற்காக பிரதமர் மன்மோகன் சிங்கை நான் அடித்து உதைக்கவா முடியும் என்று மேற்கு வங்க முதல்வர் மம்தா பானர்ஜி கேள்வி எழுப்பினார்.

மத்தியில் ஆளும் கூட்டணி அரசில் இருந்தபோதும், அதில் இருந்து வெளியேறிய பின்னரும் அரசின் பல்வேறு நடவடிக்கைகளைத் தீவிரமாக எதிர்த்து வருகிறார் திரிணமூல் காங்கிரஸ் தலைவர் மம்தா பானர்ஜி.

முக்கியமாக சில்லறை வர்த்தகத்தில் அன்னிய நேரடி முதலீட்டை அனுமதிப்பது, பெட்ரோல், டீசல் விலை உயர்வு, மானிய விலை கேஸ் சிலிண்டர் எண்ணிக்கையைக் குறைத்தது, ரயில் கட்டண உயர்வு உள்ளிட்டவற்றை மம்தா தீவிரமாக எதிர்த்து வருகிறார்.

இந்நிலையில் மேற்குவங்கத்தின் கன்னிங் நகரில், உரவிலை உயர்வு தொடர்பாக அவர் கூறியது: உரங்களின் விலை தொடர்ந்து அதிகரிப்பது உள்ளிட்ட மக்களை பாதிக்கும் பல்வேறு பிரச்னைகள் தீர நடவடிக்கை எடுக்க வலியுறுத்தி பிரதமர் மன்மோகன் சிங்கை நான் 10 முறை சந்தித்து விட்டேன். ஆனால் பலன் ஏதும் கிடைக்கவில்லை.

இதற்காக நான் பிரதமரை அடித்து உதைக்கவா முடியும். அப்படி செய்தால் நீங்கள் என்னை ரெüடி என்றுதான் அழைப்பீர்கள். நான் ஒன்றும் செய்யாமல் இருக்கும்போதே என்னை அப்படித்தான் கூறி வருகிறீர்கள். ஆனால் நான் அதைப்பற்றியெல்லாம் கவலைப்படவில்லை.

உர விலை உயர்வைத் தடுக்க மாநிலத்திலேயே உரத் தொழிற்சாலைகள் அமைக்கப்படும். இதற்கு 4 முதல் 5 ஆண்டுகள் வரை ஆகும் என்றார் மம்தா.

தினமணி