எனது புதிய அவதாரம் !

அன்புள்ள ஈகரை உறவுகள் அனைவருக்கும் என் வணக்கம். :வணக்கம்:

இப்போதெல்லாம் முன்னைப்போல் ஈகரையில் தொடர்ந்து வந்து பதிவுகளும் பின்னுட்டங்களும் இட முடியவில்ல. அதிகமான வேலைப்பளு மற்றும் உடல் நலக்குறைவு தான் முக்கியமான காரணம் என்றால் அது மிகையாகாது. ஒருநாளைக்கு மூன்று இன்சுலின் ஊசிகளும் பத்து மாத்திரைகளும் எடுத்துக்கொள்ள வேண்டிய கட்டாயத்தில் நான் இருப்பது எனது நண்பர்கள் நிறைய பேருக்கு தெரிந்ததுதான்.

கடந்த சில மாதங்களாகவே எனக்கு தூக்கமின்மை, அதிகமான குறட்டை, மூச்சு விடுவதில் சிரமம், காலையில் தலை சுற்றல், தலைவலி, எந்த வேலையும் செய்ய முடியாத நிலை, அதிக அயற்சி என்ற தொல்லைகள் இருந்துவந்தது. இவையெல்லாம் கடந்த இருபத்தைந்து வருடங்களாக உள்ள சக்கரை வியாதியின் பரிமாணங்கள் என்றுதான் நான் நினைத்திருந்தேன். ஆயினும் இது முற்றிலும் மாறுபட்ட ஒரு குறைபாடு என்பது இப்போது சோதனையில் தெரியவந்துள்ளது.

OSA அதாவது, Obstructive Sleep Apnea என்பது மூச்சு விடுவதில் உள்ள ஒரு சிக்கல். அதிக குறட்டை இருப்பதுடன், ஒவ்வொரு குறட்டைக்கு பின்பும் மூச்சு முற்றிலும் நின்றுபோய் மீண்டும் புதிதாக துவங்குகிறது. 10 வினாடி முதல் 40 வினாடிகள் எனக்கு மூச்சு முற்றிலுமாக நின்று விடுவது கண்டுபிடிக்கப்பட்டது. ஆக, ஒரு மணிநேரத்தில் 95 முறை இவ்வாறு விட்டு விட்டு சுவாசிப்பது தெரியவந்தது. இதனால் எனது உடலுக்குத் தேவையான பிராணவாயு 45 சதவிகிதம் குறைவாக இருப்பதும் கண்டுபிடிக்கப்பட்டது. இதுவே நான் மேற்சொன்ன எனது குறைபாடுகளுக்கு காரணம் என்றும் தெரிய வந்தது. இதை கவனிக்காமல் விட்டால், 10 ல் இருந்து 40 வினாடிகள் என்பது சற்று கூடுதலாகி 1 நிமிடம் அல்லது அதற்குமேல் என்று வரும்போது, தூக்கத்திலேயே இறந்துவிடுவதற்கான வாய்ப்பு அதிகமாக உள்ளது. ஆகவே, இங்கு காட்டப்பட்டுள்ள இந்த இயந்திரத்தை உபயோகித்து, முகக்கவசம் அணிந்து உறங்க வேண்டிய கட்டாயம் எனக்கு ஏற்பட்டுள்ளது.

https://2img.net/r/ihimizer/img29/8890/img0384j.jpg

எனது புதிய அவதாரம் ! Img0387tm

இந்த இயந்திரம் தொடர்ந்து எனது உடலுக்குத் தேவையான காற்றை உட்செலுத்திக்கொண்டே இருப்பதால், மூச்சு நின்று மீண்டும் துவங்குவது முற்றிலுமாக நின்றுபோய் விட்டது. அயர்ந்த உறக்கம் வருவதுடன் குறட்டை விடுவதும் அறவே நின்றுவிட்டது. மூன்று இன்சுலின் ஊசி மற்றும் பத்து மாத்திரைகளோடு இனி எனது வாழ்நாள் முழுவதும் இந்த இயந்திரத்தை உபயோகித்து, முகக்கவசம் அணிந்து உறங்கவேண்டிய கட்டாயத்தில் நான் உள்ளேன். எனவேதான் இதை எனது “புதிய அவதாரம்” என்று குறிப்பிட்டுள்ளேன்.

இந்த வருடத்தில் எனது வேலையில் இருந்து கட்டாய ஓய்வு பெறுவது என்றும் முடிவு செய்துள்ளேன். அலுவலக வேலையையும் பார்த்துக்கொண்டு தமிழில் மரபுக்கவிதைகளையும் எழுதிக்கொண்டிருக்க என்னால் இயலவில்லை. (உடல் நலத்தையும் பேணவேண்டிய கட்டாயம் வேறு). “இரண்டு எஜமானர்களுக்கு ஊழியம் செய்ய ஒருவனாலும் கூடாது” என்று இயேசு கிறிஸ்து அவர்கள் சொன்ன உவமை எனக்கு ஞாபகம் வருகிறது. ஆகவே எனக்கு எஞ்சியுள்ள அலுவலக வேலைகளை விரைந்து முடித்துவிட்டு கட்டாய ஓய்வுக்கு ஏற்பாடு செய்யவேண்டும். பின்பு தமிழில் தொடர்ந்து கவிதைகள் எழுதுவதை மீண்டும் தொடரவேண்டும், ஈகரையில் தொடர்ந்து இணைந்திருக்க வேண்டும் என்பதே என் பேரவா. எனவே தற்சமயம் ஈகரையில் முன்புபோல் தொடர்ச்சியாக இயங்க முடியாத நிலையில் நான் உள்ளேன் உறவுகளே. விரைந்து மீண்டும் வருவேன்.
“சாகும்வரை தமிழ்படித்துச் சாகவேண்டும் என்
சாம்பலிலும் தமிழ் மணந்து வேகவேண்டும்.”

வணக்கம் உறவுகளே.
அன்புடன்
Dr. சுந்தரராஜ் தயாளன். :வணக்கம்:

by பூவன் Sun Jan 06, 2013 10:20 pm

அய்யா உங்கள் உடல்நலம் விரைவில் குணம் அடைந்து இன்று போல் என்றும் ஈகரையில் இணைய இறைவனை பிராத்திக்கிறேன் .......

by **சாமி** Sun Jan 06, 2013 10:52 pm

ஐயா!
நீங்கள் பழைய புத்துணர்வுடன் பணியாற்ற, குணமடைய
எல்லாம் வல்ல பரம்பொருள் அருள்புரிய, வேண்டிக்கொள்கிறேன்.
தனிமடல் அனுப்பியுள்ளேன். பார்க்கவும்.

நன்றி
அன்புடன் சாமி.

by **கேசவன்** Sun Jan 06, 2013 10:52 pm

ஐயா , உடல் சீகிரம் சரியாகிவிடும் கவலைபடாதீர்கள் .மூவுலகமும் பூஜிக்கும் முருகனை அவ்வபோது நினைத்து கொள்ளுகள் அவர் அனைத்தையும் சரி செய்து விடுவார்.

by **கே. பாலா** Mon Jan 07, 2013 9:39 am

OSA குணப்படுத்தக்கூடிய நோய்தான்...விரைவில் நலம் பெறுவீ'ர்கள் அய்யா.. அன்பு மலர்

சற்று நேரத்தில் தனிமடலில் வருகிறேன் சிரி

by **Ahanya** Mon Jan 07, 2013 9:41 am

தங்கள் உடல்நிலை சரியாக இறைவன் அருள் புரியட்டும் ஐயா..... அன்பு மலர்

by **ராஜா** Mon Jan 07, 2013 10:45 am

அதிர்ச்சியாக உள்ளது தங்களின் பதிவு , பாலா சார் சொல்வது போல விரைவில் பூரண குணமடைந்து மீண்டும் பணிக்கு செல்வீர்கள் கவலை வேண்டாம் . இறைவன தங்களுக்கு துணை இருப்பான்

by balakarthik Mon Jan 07, 2013 10:49 am

மிகவும் அதிர்ச்சியான செய்தி ஐயா OSA பற்றி இப்போழுதுத்தான் கேள்விபடுகிறேன் தாங்கள் விரைவில் பூரண நலம் பெற்று மீண்டு வர எல்லாம் வல்ல இறைவன் துணை இருக்கட்டும் சோகம்