"எனக்குப் பிறகு ஸ்டாலின்தான். அவரை மறந்து விடாதீர்கள்' என்று திமுக தலைவர் கருணாநிதி கூறினார்.
:-
வேலூர் மாவட்ட பாமக முன்னாள் செயலாளர் சாமுவேல் செல்லப்பாண்டியன்தலைமையில் 500-க்கும் மேற்பட்டோர் கருணாநிதி முன்னிலையில் திமுகவில் சேர்ந்தனர். சென்னை அண்ணா அறிவாலயத்தில் வியாழக்கிழமை நடைபெற்ற இந்த நிகழ்ச்சியில் கருணாநிதி பேசியது:
:-
ஒரு காலத்தில் மிகமிக வேண்டிய தலைமையாகத்தான் பாமக எனக்கு இருந்தது.
அந்தத் தலைமையைப் பற்றி நான் அவதூறாகவோ அல்லது விமர்சனம் செய்தோ பேசியதில்லை.
:-
ஆனால் வீணாக என்னை வம்புக்கு இழுத்து, நான் பதில் பேசாவிட்டாலும், என்னைத் தரக்குறைவாக அந்தத் தலைமை பேசி வருகிறது.
இந்தியாவில் எந்த மாநிலத்திலும் இல்லாத அளவு திமுக ஆட்சியில் அம்பேத்கருக்கு மணி மண்டபம், அம்பேத்கர் பெயரில் சட்டக் கல்லூரியை அமைத்திருக்கிறோம்.
:-
என்னுடைய மகன் மு.க.அழகிரிக்கு மனைவியாக வாய்த்தவர் தலித் சமுதாயத்தைச் சேர்ந்த காந்தி. என்னுடைய மனைவியை அத்தை என்று காந்தி அழைக்கும்போதும், என்னுடைய மனைவி அந்தப் பெண்ணை மருமகளாக ஏற்றுக் கொண்டிருப்பதைப் பார்க்கும்போதும் பெரிதும்மகிழ்ச்சி அடைகிறேன்.
:-
இப்படிச் சமுதாயத்தில் கலப்பு ஏற்பட்டு, எல்லோரும்மனிதர்கள் என்ற நிலை ஏற்பட வேண்டும்.
ஜாதியைப் பற்றியெல்லாம் பேசிக் கொண்டிருந்தால், நாடு வாழாது. இந்த நலிவுகளைப் போக்கத்தான் ஜாதி மறுப்புத் திருமணங்கள் நடைபெறுகின்றன.
:-
பெரியாருக்கும், அண்ணாவுக்கும் சமத்துவத்திலே ஒரு நம்பிக்கையையும், உறுதிப்பாட்டையும் ஏற்படுத்தக்கூடிய அளவுக்கு ஒத்துழைப்பு காட்டியவர் அம்பேத்கர். அவருடைய செயல்பாடுகளைப் போற்றிப் பாதுகாப்பதுதான் திமுகவின்கடமை. இந்தச் சமுதாய மேன்மைக்காக, என் (கருணாநிதி) ஆயுள் இருக்கும்வரை பாடுபடுவேன்.
:-
அப்படியானால் அதற்குப் பிறகு என்ற கேள்விக்குப் பதில்தான் ஸ்டாலின். அவரை நீங்கள் மறந்துவிடக்கூடாதுஎன்றார் கருணாநிதி.
:-
தினமணி

ஐயா உமது வரலாறை நாங்கள் ஏறகனவே படித்து விட்டோம். இப்போது தமிழ்நாட்டு மக்கள் உம்மை பற்றி ஓரளவிற்கு புரிந்து கொண்டு விட்டார்கள்.

ஸ்டாலின் அவர்களுக்கு பட்டாபிஷேகம் பண்ணுவதென்றால் அதை நேரடியாக செய்யுங்கள் ,அதை விட்டுவிட்டு அண்ணாவையும் அம்பேத்கரையும் வைத்து அரசியல் பண்ண வேண்டாம்

அதானே அவருக்குப்பினால் அவர்தான் எல்லா புகைப்படங்களிலும் நிற்கிறார்.,

ஹர்ஷித் wrote:அதானே அவருக்குப்பினால் அவர்தான் எல்லா புகைப்படங்களிலும் நிற்கிறார்.,

ஊரறிஞ்ச ரகசியத்த ஏன் இப்டி காதுல ஓதறீங்க தலைவரே?...
நம்மாளுங்களுக்கு ஏற்கனவே காது குத்தியாச்சே…

இந்தச் சமுதாய மேன்மைக்காக, என் (கருணாநிதி) ஆயுள் இருக்கும்வரை பாடுபடுவேன்.

இவர் பெண் எடுத்த இடங்களெல்லாம் இவரை விட செல்வந்தர்களோ அல்லது சட்டத்தில் மிக பெரிய பதவி உள்ளவர்களோ தான். இவருக்கு நிதி அண்ட் பதவி தான் முக்கியம். இவர் சாதாரண பிரஜைகளை தன குடுமபத்தில் திருமணம் செய்ய விட்டாரா என்பது அவருக்கு தான் வெளிச்சம்