டில்லியில் மேலும் ஒரு பெண் கற்பழிப்பு

by chinnavan Thu Dec 27, 2012 11:54 am

புதுடில்லி : டில்லியில் ஓடும் பஸ்சில் மருத்துவ மாணவி பாலியல் பலாத்காரம் செய்யப்பட்ட சம்பவம் நாடு முழுவதும் பெரும் எதிர்ப்பை ஏற்படுத்தி வரும் நிலையில் தென்கிழக்கு டில்லியில் மற்றொரு பெண் 3 பேர் கொண்ட கும்பலால் பாலியல் பலாத்காரம் செய்யப்பட்டுள்ள சம்பவம் அம்பலத்திற்கு வந்துள்ளது. உத்திர பிரதேசத்தில் ஜெய்பூரைச் சேர்ந்த 42 வயதான பெண், ஆண் நண்பர் ஒருவரை சந்தித்து விட்டு வீடு திரும்பும் போது, தனது நண்பர்கள் 2 பேருடன் சேர்ந்து அப்பெண்ணை காரில் கடத்திச் சென்று பாலியல் பலாத்காரம் செய்து பின் காரில் இருந்து தூக்கி எரியப்பட்டுள்ளார். ரோட்டில் கிடந்த பெண் அருகில் இருந்தவர்களின் உதவியுடன் போலீசில் புகார் அளித்துள்ளார். தற்போது அப்பெண் மருத்துவமனையில் சிகிச்சை பெற்று வருகிறார். அப்பெண் தெரிவித்த விபரங்களைக் கொண்டு குற்றவாளிகளில் ஒருவனை போலீசார் கைது செய்துள்ளனர்.

----------------------

யாஹூ இணையத்திலிருந்து

என்னங்க இது கொடுமை? இத்துணை தண்டனை அறிவிப்புகளுக்கு பிறகுமா?
இன்னும் உண்மையான சுதந்திரம் பெண்களுக்கு கிடைக்கவில்லை என்று சொல்வதில் உண்மை இருக்கத்தான் செய்கிறது.

by **ஜாஹீதாபானு** Thu Dec 27, 2012 12:21 pm

நாய் என்று கூட திட்ட தகுதி இல்லாத ஜென்மங்கள்

by DERAR BABU Thu Dec 27, 2012 12:47 pm

இவ்வளவு பிரச்சனைகளுக்கு இடையே இந்த செய்தி . எவ்வளவு தைரியம் இருந்தால் இப்படி பண்ணுவார்கள் ... கடுமையான தண்டனை தவிர வேறு வழியில்லை ..... அவங்களுக்கு பயம் இல்லை ............

by யினியவன் Thu Dec 27, 2012 12:57 pm

வெளிவரும் கொஞ்ச செய்திகளுக்கே பதறினால் எப்படி!!!

வெளிவராத அட்டூழியங்கள் எத்தனை எத்தனை???

by பாலாஜி Thu Dec 27, 2012 1:11 pm

திருவாரூர் அருகே தனியார் மருத்துவமனை நர்ஸ் இரயில் தண்டவாளம் அருகே படுகொலை செய்யப்பட்டார் .. பாலியல் பலாத்காரம் செய்யப்பட்டு கொலை செய்ய பட்டு இருக்கலாம் என்ற கோணத்தில் போலீஸ் விசாரணையை துவங்கி உள்ளது ..

-- சன் டிவி

by chinnavan Fri Dec 28, 2012 12:54 pm

மத்திய பிரதேசம் மாநிலம் போபால் காவல் நிலையத்தில் ஒரு இளம் பெண் புகார் ஒன்று கொடுத்துள்ளார். அதில், கடந்த 17-ம் தேதி பரஸ்வாரா பகுதியில் உள்ள பாரதீய ஜனதா அலுவலகத்திற்கு சென்ற போது அங்குள்ள தனது உறவினர் தன்னை கற்பழித்து விட்டதாகவும் இது குறித்து வெளியே சொன்னால் கொன்று விடுவேன் என்று மிரட்டல் விடுத்ததாகவும் கூறி உள்ளார். இதே போல், கான்பூரில் 11 வயது சிறுமி 4 பேரால் கற்பழிக்கபட்டு உள்ளார்.
----------------------
தினதந்தி

by chinnavan Fri Dec 28, 2012 12:59 pm

ஜம்மு காஷ்மீர் மாநிலம் சம்பா மாவட்டத்தில் மினி பஸ்சில் வீடு திரும்பிக் கொண்டிருந்த ஒரு கல்லூரி மாணவியை, அந்த பஸ்சில் பயணம் செய்த ராஜிந்தர் சிங் என்ற போலீஸ்காரர் மானபங்கப்படுத்தினார். பஸ்சில் இருந்த மாணவர்கள் இதை தடுக்க முயன்றனர். அவர்களை அவர் பஸ்சில் இருந்து கீழே இறக்கி அடித்து விரட்டினார். இதுபற்றிய தகவல் கிடைத்ததும், அந்த போலீஸ்காரரை கைது செய்யக்கோரி பாரிபிரஹமானா சவுக் என்ற இடத்தில் பொதுமக்கள் நெடுஞ்சாலையில் திரண்டு மறியல் செய்தனர். இதைத்தொடர்ந்து மாணவியை மானபங்கப்படுத்திய ராஜிந்தர் சிங்கை போலீசார் கைது செய்தனர்.

by chinnavan Fri Dec 28, 2012 1:01 pm

வேலூர் மாவட்டம் வாணியம்பாடி அருகே 9 வயது மாணவி கொலை செய்யப்பட்டுள்ளார். நேற்று விளையாட சென்ற சிறுமி வாழை தோட்டத்தில் இறந்த நிலையில் கிடந்துள்ளார். போலீசார், உடலை கைப்பற்றி மருத்துவமனைக்கு அனுப்பி வைத்துள்ளனர். இது தொடர்பாக 10வகுப்பு மாணவர்களை அழைத்து சென்று விசாரணை மேற்கொண்டு வருகின்றனர். சிறுமி கற்பழிக்க முயற்சி செய்யப்பட்டுள்ளார் என்று தகவல்கள் தெரிவித்துள்ளன.