இன்று சுனாமி நினைவு தினம்

by அபிரூபன் Wed Dec 26, 2012 3:21 pm

சுனாமியால் உயிர் இழந்தவர்களுக்கு ஒரு நிமிடம் மெளன அஞ்சலி செலுத்தி அவர்களது ஆத்மா
சாந்தியடைய வேண்டிக்கொள்வோம்.

ஏ கடலே
உன் கரையில் இதுவரையில்
கிளிஞ்சல்கள்தானே சேகரித்தோம்
முதன் முதலாய்ப் பிணங்கள் பொறுக்குகிறோம்

ஏ கடலே
நீ முத்துக்களின் பள்ளத்தாக்கா
முதுமக்கள் தாழியா

உன் அலை எத்தனை விதவைகளின் வெள்ளைச் சேலை?

உன் மீன்களை நங்கள் கூறுகட்டியதற்காக
எங்கள் பிணங்களை நீ கூறுகட்டுகிறாய்?

அடக்கம் செய்ய ஆளிராதென்றா
புதை மணலுக்குள்
புதைத்துவிட்டே போய்விட்டாய்?

பிணங்களை அடையாளம் காட்டப்
பெற்றவளைத் தேடினோம்
அவள் பிணத்தையே காணோம்

மரணத்தின் மீதே மரியாதை போய்விட்டது
பறவைகள் மொத்தமாய் வந்தால் அழகு
மரணம்
தனியே வந்தால் அழகு
மொத்தமாய் வரும் மரணத்தின் மீது
சுத்தமாய் மரியாதையில்லை

இயற்கையின் சவாலில்
அழிவுண்டால் விலங்கு

இயற்கையின் சவாலை
எதிர்கொண்டால் மனிதன்.

-வைரமுத்து
சோகம்

by **Ahanya** Wed Dec 26, 2012 3:27 pm

சுனாமியில் உயிர் நீர்த்த அனைத்து மக்களினதும் ஆத்மா சாந்தியடைய இறைவன் அருள் புரியட்டும்.

by **Muthumohamed** Wed Dec 26, 2012 3:49 pm

சுனாமி பேரலையில் சிக்கி உயிர் நீத்த அனைத்து மக்களுக்கும் எனது ஆழ்ந்த வருத்தத்தை தெரிவித்து கொள்கிறேன் அவர்களின் மறுமை வாழ்க்கை சிறக்க இறைவனிடம் நாம் பிரார்த்திப்போமாக சோகம்

by பாலாஜி Wed Dec 26, 2012 3:56 pm

சுனாமியில் உயிர் நீர்த்த அனைத்து மக்களினதும் ஆத்மா சாந்தியடைய இறைவன் அருள் புரியட்டும். அன்பு மலர்

by **ஜாஹீதாபானு** Wed Dec 26, 2012 4:35 pm

அவர்களின் ஆன்மா சாந்தியடையட்டும்

by ச. சந்திரசேகரன் Wed Dec 26, 2012 6:12 pm

விண் பசியாற கடல்நீரை கடன் கேட்கும்
மண் பசியாற மரங்களிடம் கடன் கேட்கும்
உன் பசியாற உயிர்களையே கேட்டாயே
உண்ட உயிர்களை கடலே!! திருப்பித் தர மாட்டாயோ
உறவுகள் இழந்து உயிர்த்திருக்கும் உன் குழந்தைகளுக்கு
திறவுகோல் எங்கே உனைத்திறந்து அவரை திரும்பப் பெற

by அபிரூபன் Wed Dec 26, 2012 6:19 pm

ச. சந்திரசேகரன் wrote:விண் பசியாற கடல்நீரை கடன் கேட்கும்
மண் பசியாற மரங்களிடம் கடன் கேட்கும்
உன் பசியாற உயிர்களையே கேட்டாயே
உண்ட உயிர்களை கடலே!! திருப்பித் தர மாட்டாயோ
உறவுகள் இழந்து உயிர்த்திருக்கும் உன் குழந்தைகளுக்கு
திறவுகோல் எங்கே உனைத்திறந்து அவரை திரும்பப் பெற

மிக அருமையான வரிகள்