தங்கமே தங்கம்...தங்கம் வாங்க போறீங்களா..?!- அதிர்ச்சி தகவல்

by **கரூர் கவியன்பன்** Mon Nov 12, 2012 6:21 pm

நண்பர்களே படித்து பகிர்ந்து ஒரு விளிப்புணர்வை ஏற்ப்படுத்தவும்.- அதிர்ச்சி தகவல்"

தங்கமே தங்கம்...தங்கம் வாங்க போறீங்களா..?!

நண்பர் ஒருவரின் ஆதங்கம் எனக்கு
மிகச் சரியாகவே பட்டது. அவர் சொன்னது இதுதான். வெளி நாட்டைச் சேர்ந்த ஒரு பெண் நகைக் கடையில் நகை வாங்கிய போது பில்லில் காட்டப்பட்ட சேதாரம் பற்றி விசாரித்ததோடு "சேதாரத்திற்கு பணம் பிடித்தம் செய்யப்படும் போது அந்த சேதாரத்திற்கான
தங்கத்தைத் திருப்பித் தந்தாக வேண்டும், அது வாடிக்கையாளருக்குச் சொந்தமானது" என்று உரிமைக் குரல் எழுப்பினாராம்! வாயடைத்துப் போன கடை நிர்வாகம் வேறு வழியில்லாமல் சேதாரப் பணத்தைத் தள்ளுபடி செய்ததாம்! இதனை அருகில் இருந்து பார்த்துக்கொண்டிருந்த ஒரு பிரபலப் பேச்சாளர் தனக்கும் சேதாரம் பிடிக்க கூடாது என்று முழங்கி
அவரும் காரியத்தைச் சாதித்துக் கொண்டாராம்!
நண்பரின் ஆதங்கம் இதுதான். ' சேதாரம் என்ற பெயரில் நகைக் கடைகளில் பெருங் கொள்ளையடிப்பதை நம்மவர் யாரும் ஏன் கண்டு கொள்வதே இல்லை? என்பதே அவரது நியாயமான கேள்வி"
அவரது குமுறல் மிக நீதியானதே என்பதுதான் எனது வாதமும். 16 கிராமில் ஒருவர் நகை வாங்கினால் ஏறக்குறைய 3 கிராம் சேதாரம் என்று கணக்கிட்டு ஒன்பதாயிரம் ரூபாய் வரையில் பெருங்கொள்ளையடிக்
கிறார்கள் நகைக் கடை முதலாளிகள். இன்றைய தங்க விற்பனை விலை 16 கிராமுக்கு ரூ48000 என்றால் கடைமுதலாளிக்கு சேதாரம் என்ற பெயரில் "ஒன்பதாயிரம் ரூபாய்" தெண்டம் அழ வேண்டும். ஏறக்குறைய 16 சதவீதம்? "எதற்காக இந்த தெண்டம்? பதினாறு கிராமுக்கு மூணு கிராம் எப்படி சேதாரமாகும்?" எந்த அதிமேதாவியும் இது வரை கேள்வி கேட்டதில்லை. அப்படி புத்தியோடு யாரும் தைரியமாக எதுவும் கேட்டு விடக்கூடாது என்று சொல்லித்தான் அவர்களாக சில நூறு ரூபாய்களை பிச்சை போடுவார்கள். போனவுடன் குடிக்க ஏதாவது கொடுத்து ஆட்களை' கூல்' பண்ணுவார்கள். இப்பொழுதெல்லாம் சேதாரத்தைச் சட்டப்பூர்வமாகவே ஆக்கி விட்டார்கள். அதாவது எந்தப் பொருளையும் கொடுக்காமலேயே பல்லாயிரக்கணக்கில் கொள்ளையடிப்பது...
சில கடைகளில் மிகக் குறைந்த சேதாரம் என்ற விளம்பரம் வேறு...
உற்றுப் பார்த்தால் ஆறு சதவீதம் முதல் என்று இருக்கும். என்னுடைய கேள்வி என்னவென்றால் ஏன் சேதாரமில்லாமல் யாரும் நகை விற்பனை செய்ய முடியாதா? பொருளுக்குள்ள உண்மை விலையை மட்டும்தானே வாங்க வேண்டும்? செய்கூலி கேட்பது நியாயம்தான். 16 கிராமில் நகை செய்ய மூன்று கிராமா சேதம் ஆகும்? இந்த அக்கிரமத்தை ஏன் அரசாங்கங்கள் கண்டு கொள்வதில்லை? பலசரக்குக் கடைக்கு விலைப் பட்டியல் வைக்க வேண்டுமென்று உத்தரவிட்டிருக்கும் அரசாங்கம் ஏன் நகைக் கடைகளுக்கு சேதார அளவுக்கு வரம்பு வைக்க வில்லை? எத்தனை எத்தனை ஏழை மக்கள் குருவி சேர்ப்பது போல் பணம் சேர்த்து நகை வாங்க வருகிறார்கள்? அவர்களிடம் வழிப்பறி செய்வதை விட மோசமான செயல் அல்லவா சேதாரம் என்ற பெயரில் திருடுவது? பின்னர் ஏன் நாட்டில் ஏழை ஏழையாகவே இருக்க மாட்டான்? ஒரு நகைக் கடை வைத்தவன் ஊரெல்லாம் நகைக் கடை திறக்க மாட்டான்? மில்லி கிராம் தங்கம் கூட சொந்தமில்லாத ஏழைகள் இந்த மண்ணில் கோடிக்கணக்கில். கோடிக்கணக்கான ஏழைகளைச் சுரண்டித்தான் ஒருவன் பணக்காரனாக கொழுக்க முடிகிறது. இது போன்ற பகற் கொள்ளைக்காரர்கள் திருந்த வேண்டும்...
அல்லது திருத்தப் பட வேண்டும். விரைவில்
இம்மண்ணில் இது நிகழ்ந்தாக வேண்டும்...!
அதுவும் உங்களால் தான் முடியும்...

படித்ததில் பிடித்தது...
நன்றி :- திரு.முத்துராமலிங்க அவர்களின் பக்கத்தில் எடுக்கப்பட்டது.

எல்லோரும் கேளுங்க ...முக்கியமான விஷயம் 406888_469852429731758_1772952700_n

எல்லோரும் கேளுங்க ...முக்கியமான விஷயம் 406888_469852429731758_1772952700_n

நன்றி: ரிலாக்ஸ் [பிளீஸ்

by றினா Mon Nov 12, 2012 6:27 pm

நியாயமானதுதான்.

by **ராஜா** Mon Nov 12, 2012 6:30 pm

இந்தியாவில் என்ன பண்ணிலாலும் கேட்பதற்கு ஆள் இல்லை என்பதால் தான் இப்படி எல்லாம் நடக்கிறது.

இங்கு கத்தார் நாட்டில் அனைத்து நகைகளுக்கும் செய்கூலி மட்டும் தான் வாங்குவார்கள். தங்கத்தின் தரமும் பல வருடம் ஆனாலும் புதுசு போல இருக்கும்.

by **கரூர் கவியன்பன்** Mon Nov 12, 2012 6:35 pm

சில மாதங்களுக்கு முன்னால் நாங்களும் தங்கம் வாங்கினோம். ஆனால் அப்போது இந்த உண்மை எனக்கு தெரியாமல் போனது, தோணாமல் போனது. இனி பாத்துக்குறேன் . எனக்கு தெரிஞ்சவங்க போனாலும் சொல்லி அனுப்பிவைப்பேன்

by **சிவா** Mon Nov 12, 2012 6:39 pm

அனைவரும் யோசிக்க வேண்டிய பதிவு, ஆனால் இதைப் பற்றி நகைக்கடையில் கேட்டால் வெளியே விரட்டிவிடுவார்களே! பணம் உள்ளோர் வாக்கே வேத வாக்கு! அவ்வகையில் அரசும் சட்டமும் அவர்களுக்குத்தான் உதவி செய்யும்!

by **கரூர் கவியன்பன்** Mon Nov 12, 2012 6:52 pm

சிவா wrote:அனைவரும் யோசிக்க வேண்டிய பதிவு, ஆனால் இதைப் பற்றி நகைக்கடையில் கேட்டால் வெளியே விரட்டிவிடுவார்களே! பணம் உள்ளோர் வாக்கே வேத வாக்கு! அவ்வகையில் அரசும் சட்டமும் அவர்களுக்குத்தான் உதவி செய்யும்!

உண்மைதான் அண்ணா அந்நிலையை மாற்ற வேண்டும் ஒன்றிணைந்து

by **ராஜா** Mon Nov 12, 2012 7:14 pm

கொஞ்சம் கொஞ்சமாக நகை மீதுள்ள மோகத்தை மக்கள் கைவிட வேண்டும். அப்போ தான் அவனுங்களின் கோட்டம் அடங்கும்.
கருப்பு பணத்தை வெள்ளையாக்கும் மிகச்சிறந்த வழியாக இப்போ நகைக்கடை உள்ளது இந்தியாவில் (குறிப்பாக தமிழ்நாட்டில் )

by அசுரன் Mon Nov 12, 2012 8:28 pm

இது அநியாயமா இருக்கே... சிவா சொல்வது போல நகைக்கடையில் கேட்டால் விரட்டி விடுவார்களே சோகம்

by **கரூர் கவியன்பன்** Mon Nov 12, 2012 8:33 pm

அசுரன் wrote:இது அநியாயமா இருக்கே... சிவா சொல்வது போல நகைக்கடையில் கேட்டால் விரட்டி விடுவார்களே

உங்களது சட்டைப்பையில் இருந்து உங்களுக்கு தெரியாமல் ஒருவன் பத்து ரூபாய் எடுத்தால் என்னசெய்வீங்க அண்ணா

by அசுரன் Mon Nov 12, 2012 8:37 pm

கரூர் கவியன்பன் wrote:
அசுரன் wrote:இது அநியாயமா இருக்கே... சிவா சொல்வது போல நகைக்கடையில் கேட்டால் விரட்டி விடுவார்களே

உங்களது சட்டைப்பையில் இருந்து உங்களுக்கு தெரியாமல் ஒருவன் பத்து ரூபாய் எடுத்தால் என்னசெய்வீங்க அண்ணா

போயிட்டு போறான்னு விட்டுருவேன் (வடிவேலு ஒரு ஜோக்குல சொல்லுவாரு புன்னகை

)