உலக சூப்பர் சீரிஸ் பேட்மிண்டன்: சாய்னா அரையிறுதிக்கு முன்னேற்றம்

by அச்சலா Sat Dec 15, 2012 12:00 am

உலக சூப்பர் சீரிஸ் பேட்மிண்டன்: சாய்னா அரையிறுதிக்கு முன்னேற்றம்

சீனாவின் ஷென்ஜென் நகரில் உலக சூப்பர் சீரிஸ் பைனல்ஸ் பேட்மிண்டன் போட்டிகள் நடைபெற்று வருகின்றன. இதில் மகளிருக்கான ஒற்றையர் பிரிவில் இந்தியாவின் சாய்னா நேவால், குரூப் பி பிரிவில் இடம்பெற்றிருந்தார். அவர் தனது முதல் இரண்டு லீக் ஆட்டங்களிலும் அடுத்தடுத்து தோல்வி கண்டு பின்தங்கியிருந்தார்.

இந்நிலையில், இன்று நடைபெற்ற கடைசி லீக் ஆட்டத்தில், ஜெர்மன் வீராங்கனை ஜூலியன் செங்குடன் மோதினார். 37 நிமிடங்கள் பரபரப்பாக நடந்த இந்த போட்டியில், 21-7, 21-18 என்ற நேர்செட்களில் சாய்னா நேவால் வெற்றி பெற்றார்.

குரூப் பி பிரிவில் தாய்லாந்து வீராங்கனை ரட்சனோக் இட்டானன், 3 லீக் ஆட்டங்களிலும் வென்று முதலிடம் பிடித்தார். சாய்னா, சுவிட்சர்லாந்தின் டின் பான், ஜெர்மனின் செங்க் ஆகியோரும் தலா ஒரு போட்டியில் வென்றிருந்தனர். ஆனால், குறைந்த அளவு கேம் இழப்பு அடிப்படையில் சாய்னா அரையிறுதிக்கு தகுதி பெற்றார்.

அரையறுதியில் சாய்னா, ஒலிம்பிக் சாம்பியன் லீ சுவேரூயை (சீனா) சந்திக்க உள்ளார். இருவரும் 6 முறை நேருக்கு நேர் மோதியுள்ளனர். இதில் சாய்னா 2 முறை மட்டுமே வெற்றி பெற்றுள்ளார். மற்றொரு அரையிறுதியில் சீனாவின் ஷிஜியான் வாங், ரட்சனோக்கை எதிர்கொள்கிறார்.

மாலை மலர்