இன்று மகாகவி பாரதியார் பிறந்த தினம்!

by அச்சலா Tue Dec 11, 2012 1:14 pm

1882-ம் ஆண்டு டிசம்பர் 11 சின்னசாமி ஐயருக்கும் இலட்சுமி அம்மாளுக்கும் எட்டயபுரத்தில், பிறந்த பாரதி (சுப்பையா என்று அழைக்கப்பட்டார்) தனது 11-ம் வயதில் பள்ளியில் படித்து வரும்பொழுதே கவிபுனையும் ஆற்றலை வெளிப்படுத்தினார். 1897 ஆம் ஆண்டு செல்லம்மாளை மணந்தார். 1898 ஆம் ஆண்டு தொழிலில் ஏற்பட்ட நட்டத்தினால் வறுமை நிலையினை அடைந்தார். இதனை எட்டையபுரம் மன்னருக்குத் தெரிவித்து பொருளுதவி வழங்குமாறு கடிதத்தில் கேட்டுக்கொண்டார். பின்னர் எட்டையபுரம் அரண்மனையில் பணி கிடைத்தது. சிறிது காலங்களிலேயே அப்பணியை விடுத்து காசிக்குச் சென்றார். 1898 முதல் 1902 வரை அங்கு தங்கி இருந்தார். பின்னர் எட்டையபுரத்தின் மன்னரால் அழைத்து வரப்பட்டு அரண்மனை ஒன்றினில் பாரதி வாழ்ந்தார். ஏழு வருடங்கள் பாட்டெழுதாமல் இருந்தபின்னர், 1904 ஆம் ஆண்டு மதுரையில் பாரதி எழுதிய பாடல் விவேகபானு இதழில் வெளியானது. வாழ்நாள் முழுதும் பல்வேறு தருணங்களில் பத்திரிகை ஆசிரியராகவும் மதுரையில் சேதுபதி மேல்நிலைப் பள்ளியில் தமிழாசிரியராகவும் பணியாற்றியுள்ளார். 1921ல் செப்டம்பர் 11 நள்ளிரவு பாரதி, தேச விடுதலைக்கு முன்பாகவே உயிர்நீத்தார். காலங்களிலேயே அப்பணியை விடுத்து காசிக்குச் சென்றார். 1898 முதல் 1902 வரை அங்கு தங்கி இருந்தார். பின்னர் எட்டையபுரத்தின் மன்னரால் அழைத்து வரப்பட்டு அரண்மனை ஒன்றினில் பாரதி வாழ்ந்தார். ஏழு வருடங்கள் பாட்டெழுதாமல் இருந்தபின்னர், 1904 ஆம் ஆண்டு மதுரையில் பாரதி எழுதிய பாடல் விவேகபானு இதழில் வெளியானது. வாழ்நாள் முழுதும் பல்வேறு தருணங்களில் பத்திரிகை ஆசிரியராகவும் மதுரையில் சேதுபதி மேல்நிலைப் பள்ளியில் தமிழாசிரியராகவும் பணியாற்றியுள்ளார். 1921ல் செப்டம்பர் 12 நள்ளிரவு தாண்டி, காலை 1.30 மணி சுமாருக்கு பாரதி, தேச விடுதலைக்கு முன்பாகவே உயிர்நீத்தார்.

-தினமலர்

by பூவன் Tue Dec 11, 2012 1:18 pm

பார் போற்றும் பாரதி அவர் புகழ் சொல்ல வார்த்தைகள் இல்லை ,

என்றும் நீங்காமல் நம்முள் கவியாக வாழும் பாரதி கவியும் ,கவிதையும் போற்றுவோம்...

.

இன்று மகாகவி பாரதியார் பிறந்த தினம்! Bharathiar1

காக்கை குருவி எங்கள் சாதி
நீள் கடலும் மலையும் எங்கள் கூட்டம்

....என்று பாடி நமது மனத்தில் மனிதநேயத்தை வளர்த்த மகா கவி பாரதியாரின் பிறந்தநாளில் அவரை நினைவில் என்றும் கொள்வோம் .

by பிரியாநாராயண் Tue Dec 11, 2012 1:43 pm

என்றென்றும் அவர் நினைவில ஆழ்ந்து இருப்போம் ...........

by **பார்த்திபன்** Tue Dec 11, 2012 3:23 pm

மகாகவி பற்றி கவிஞர்.வாலி ஒரு கவியரங்கத்தில் சொன்னவற்றில் சில,

இலட்சுமி பெற்றெடுத்த சரஸ்வதி!
முண்டாசு கட்டிய பட்டாசு!
செருப்புப் போட்டு நடந்த நெருப்பு!

வைரமுத்துவின் வரிகளில்,

அது எப்படி?
எட்டயபுரத்தில் மட்டும்
ஒருத்திக்கு
நெருப்பைச் சுமந்த கருப்பை?
அது கூடச் சாத்தியம்தான்
ஆனால்- இது எப்படி
ஏகாதிபத்திய எரிமலையை
ஒரு
தீக்குச்சி சுட்டதே
இது எப்படி?

உன் பேனா
தமிழ்த் தாயின் கூந்தலுக்குச்
சிக்கெடுத்தது!
கிழிசல் கோட்டு
கவிதா தேவிக்குப்
பீதாம்பர மானது

தன் மீசையில்கூட வெள்ளையன்
இருந்துவிடக்கூடாது என்பதற்காக
முப்பத்தொன்பது வயதிலேயே
மரித்துப் போனவன்!

by **அகல்** Tue Dec 11, 2012 3:27 pm

// தேடிச் சோறு நிதந் தின்று - பல
சின்னஞ்சிறு கதைகள் பேசி - மனம்
வாடித் துன்பமிக உழன்று - பிறர்
வாடப் பல செயல்கள் செய்து - நரை
கூடிக் கிழப் பருவமெய்தி - கொடுங்
கூற்றுக் கிரையெனப் பின்மாயும் - பல
வேடிக்கை மனிதரைப் போலே - நான்
வீழ்வே னென்று நினைத்தாயோ? //

உன்னால் தமிழ் வாழும்.. நீ வீழமாட்டாய் எங்கள் முண்டாசுக் கவிஞனே முறுக்கு மீசைக் காரனே ..

by **ரா.ரா3275** Tue Dec 11, 2012 3:27 pm

பாரதிக்குப் பிறந்தநாள் பதிவும் பின்னூட்டங்களும் அருமை... சூப்பருங்க

இதில் என்னையும் இணைத்துக் கொள்கிறேன்...

by அச்சலா Tue Dec 11, 2012 3:47 pm

ரா.ரா3275 wrote:பாரதிக்குப் பிறந்தநாள் பதிவும் பின்னூட்டங்களும் அருமை...
இதில் என்னையும் இணைத்துக் கொள்கிறேன்...

நல்ல இணைத்துக்கொள்ளுங்கள்..
நீங்களும் நம்ம நண்பர்தானே..

by **ரா.ரா3275** Tue Dec 11, 2012 3:50 pm

அச்சலா wrote:
ரா.ரா3275 wrote:பாரதிக்குப் பிறந்தநாள் பதிவும் பின்னூட்டங்களும் அருமை...
இதில் என்னையும் இணைத்துக் கொள்கிறேன்...
நல்ல இணைத்துக்கொள்ளுங்கள்..
நீங்களும் நம்ம நண்பர்தானே..