சமய குரவர் துதி மற்றும் சந்தான குரவர் துதி !

by **சாமி** Tue Dec 11, 2012 10:14 am

சைவ சமய குரவர் நால்வர். அவர்கள்.
திருஞான சம்பந்தர்
அப்பர் (திருநாவுக்கரசர்)
சுந்தரர்
மாணிக்கவாசகர்

சமய குரவர் துதி
பூழியர் கோன் வெப்பொழித்த புகலியர் கோன் கழல் போற்றி
ஆழிமிசை கன்மிதப்பில் அணைந்தபிரான் அடி போற்றி
வாழிதிரு நாவலூர் வன்றொண்டன் பதம் போற்றி
ஊழிமலி திருவாதவூரர் திருத்தாள் போற்றி

சந்தான குரவர் துதி
சந்தான குரவர்களில் இருவகை உண்டு.
1. அகச்சந்தான குரவர்கள் 2. புறச் சந்தான குரவர்கள்

அகச்சந்தான குரவர்கள் கயிலாயத்துடன் தொடர்பு கொண்டவர்கள்: அவர்கள்
நந்தி
சனற்குமாரர்
சத்தியஞான தரிசினிகள்
பரஞ்சோதியார்

அகச்சந்தான குரவர் துதி
அருட்குரவர் எழிற்கயிலை முழுக்காவல்
நந்திபிரான் அடிகள் போற்றி
தெருட்சிபெறு மனக்கமல சனற்குமார
முனிவனிரு திருத்தாள் போற்றி
இருட்டுமலத் தகல்சத்ய ஞானதரி
சினி சரண இணைகள் போற்றி
மருட்சியுறு பரஞ்சோதி யருஞ்சீல
குருபரங்கால் மலர்கள் போற்றி

புறச்சந்தான குரவர்கள் தமிழ்நாட்டுடன் தொடர்பு கொண்டவர்கள். இவர்கள்
மெய்கண்ட சிவம்
அருணந்தி சிவம்
மறைஞான சிவம்
உமாபதி சிவம்

(இவர்களை சிவம் என்றுதான் அழைக்க வேண்டுமே தவிர 'சிவாச்சாரியார்' என அழைத்தல் கூடாது)

புறச்சந்தான குரவர் துதி
ஈராண்டிற் சிவஞானம் பெற்றுயர்ந்த
மெய்கண்டார் இணைத்தாள் போற்றி
நாராண்ட பல்லடியார்க் கருள்புரிந்த
அருணந்தி நற்றாள் போற்றி
நீராண்ட கடந்தைநகர் மறைஞான
சம்பந்தர் நிழற்றாள் போற்றி
சீராண்ட தில்லைநகர் உமாபதியார்
செம்பதுமத் திருத்தாள் போற்றி