நனைந்த நேரம் !

by Arunjk Mon Dec 10, 2012 1:28 pm

அலுவலகம் முடிந்த ஒரு மாலை நேரம் .
சாலையெங்கும் மக்கள்,
நெருக்கி தள்ளும் வாகனங்கள்,
கூடு திரும்பும் அவசரத்தில் பறவைகளும்,
வீடு திரும்பும் அவசியத்தில் மனிதர்களும்.
பேருந்திற்காக நிறுத்தத்தில் நான்
மனைவியின் கோபத்தை போல
சட்டென்று ஆரம்பித்தது மழை !

யார் இன்று அதிசயமாய் குளித்தார்களோ ?
எந்த காதலி காதலனுக்காக செலவு செய்தாளோ?
அப்படி ஒரு ஆர்ப்பரிக்கும் மழை !!

நிழற்குடை நீர் குடையாய் மாறிப்போனது,
மழை முடிந்த வரை அனைத்தையும் நனைத்துக்கொண்டிருந்தது !
இரண்டடி தூரத்தில் ஒரு தாயும் மகனும் !
பள்ளி சீருடையில் அவன் பல்லை காட்டி நின்று கொண்டிருந்தான்
அவன் மீது மழை படாமல் இருக்க அந்த தாய் படாத பாடு
பட்டுக்கொண்டிருந்தாள் !
அவனை இருக்க கட்டி வயிற்றுக்குள் கட்டினாள்.
அந்த கதகதப்பு என்னை சுட்டது !
அவள் உடலைப்பற்றி அவள் கவலை கொள்ளவில்லை
உலகத்தில் அவன் மட்டுமே அவளுக்கு உயர்திணை போல் ஒரு எண்ணம் !
வயதான பின் அந்த அரவணைப்பு அவளுக்கு அவனிடம் கிடைக்குமா ?
என்ற கேள்வியே அவள் கண்ணில் இல்லை

கடவுளைப்போல் குடுக்க மட்டுமே தெரிந்த அன்னையின் சுபாவம் !
மழை என்னை முழுதாய் நனைத்தது போல் ஒரு எண்ணம் !!
ஓடிப்போய் பேருந்தில் ஏறினேன் நடத்துனர் கேட்டார் " எங்க போகணும்பா ?"
தானாகவே வந்தது "அம்மாகிட்ட" .

by யினியவன் Mon Dec 10, 2012 1:31 pm

வாவ் அருமை அருண்.

விலகிவிட்டோம் பனி நிமித்தம், புதிதாய் இணைந்த உறவுகளினால் மற்றும் இன்ன பிற காரணங்களுக்காகவும்.

முடியுமா மீண்டும் போக? இல்லை அந்த நினைவுகளில் இருந்து மீளத்தான் முடியுமா?

by பூவன் Mon Dec 10, 2012 1:32 pm

வாவ் அருமை அருண்.

என்ன ஆங்கிலமா ???

by Arunjk Mon Dec 10, 2012 1:34 pm

யினியவன் wrote:வாவ் அருமை அருண்.

விலகிவிட்டோம் பனி நிமித்தம், புதிதாய் இணைந்த உறவுகளினால் மற்றும் இன்ன பிற காரணங்களுக்காகவும்.

முடியுமா மீண்டும் போக? இல்லை அந்த நினைவுகளில் இருந்து மீளத்தான் முடியுமா?

நன்றி நண்பரே !

by யினியவன் Mon Dec 10, 2012 1:34 pm

வாவென வந்த பாராட்டு கூட வாவ் ஆகிப் போகும் பூவன்.

by பூவன் Mon Dec 10, 2012 1:34 pm

நிழற்குடை நீர் குடையாய் மாறிப்போனது,
மழை முடிந்த வரை அனைத்தையும் நனைத்துக்கொண்டிருந்தது !
இரண்டடி தூரத்தில் ஒரு தாயும் மகனும் !
பள்ளி சீருடையில் அவன் பல்லை காட்டி நின்று கொண்டிருந்தான்
அவன் மீது மழை படாமல் இருக்க அந்த தாய் படாத பாடு
பட்டுக்கொண்டிருந்தாள் !
அவனை இருக்க கட்டி வயிற்றுக்குள் கட்டினாள்.
அந்த கதகதப்பு என்னை சுட்டது !
அவள் உடலைப்பற்றி அவள் கவலை கொள்ளவில்லை
உலகத்தில் அவன் மட்டுமே அவளுக்கு உயர்திணை போல் ஒரு எண்ணம் !
வயதான பின் அந்த அரவணைப்பு அவளுக்கு அவனிடம் கிடைக்குமா ?
என்ற கேள்வியே அவள் கண்ணில் இல்லை

தாயின் அன்பை சொன்ன விதம் அருமை , ஈடு இணை இல்லாத அன்பு தாய் மட்டுமே அருமை அருண் ....

by ஹர்ஷித் Mon Dec 10, 2012 1:36 pm

அருமை அருண் அவர்களே..., சூப்பருங்க

by Arunjk Mon Dec 10, 2012 1:36 pm

பூவன் wrote:
நிழற்குடை நீர் குடையாய் மாறிப்போனது,
மழை முடிந்த வரை அனைத்தையும் நனைத்துக்கொண்டிருந்தது !
இரண்டடி தூரத்தில் ஒரு தாயும் மகனும் !
பள்ளி சீருடையில் அவன் பல்லை காட்டி நின்று கொண்டிருந்தான்
அவன் மீது மழை படாமல் இருக்க அந்த தாய் படாத பாடு
பட்டுக்கொண்டிருந்தாள் !
அவனை இருக்க கட்டி வயிற்றுக்குள் கட்டினாள்.
அந்த கதகதப்பு என்னை சுட்டது !
அவள் உடலைப்பற்றி அவள் கவலை கொள்ளவில்லை
உலகத்தில் அவன் மட்டுமே அவளுக்கு உயர்திணை போல் ஒரு எண்ணம் !
வயதான பின் அந்த அரவணைப்பு அவளுக்கு அவனிடம் கிடைக்குமா ?
என்ற கேள்வியே அவள் கண்ணில் இல்லை

தாயின் அன்பை சொன்ன விதம் அருமை , ஈடு இணை இல்லாத அன்பு தாய் மட்டுமே அருமை அருண் ....