நெய்தல் நில காதலனுக்கு ...

by பிரியாநாராயண் Mon Dec 10, 2012 12:59 pm

வங்காள விரிகுடா எல்லையிலுள்ள
ஆழிப்பேரலையை தடுத்து நிறுத்தும்
அசாத்திய சக்தி கொண்ட
அலையாத்தி மரங்களிடத்து வசிக்கும்
அழகிய வண்ணமிக்க பறவையே ...

நீர் ! வசிக்கும்
அங்கே சென்றுபார்
அறிவில் உயர்ந்தவன்
அன்பில் என்
அன்னையை மிஞ்சுபவன்
பண்பில் சிறந்தவன் -அங்குள்ள
பாமர மக்களின்
கண்ணான கண்ணனவன்(...)

உன்போல்
பல பாசபறவைகளின்
கூட்டில் வசித்து
கொண்டிருக்கும் பால்மனம்
கொண்ட பூவினும்
மென்மையான வீரனவன் (...)

அவனிடத்து சென்று சொல்
உன்னில் காதல் கொண்டபின்
உன்னினியவள் !!!
உன்னை நினைத்து
உறக்கம் தொலைத்து
உன்னவள் தனிமையை
அனலாக்கி அதிலிறங்கியும்
அனல் புனலாகிறதே
எனபுலம்பி தவிக்கிறாலென்று ....

உன் அன்பிற்கு ஏங்கி
உன்னை சேரும் நாளை
எண்ணி காத்திருக்கும்
அவளை விரைந்து சென்று
அழைத்து வா என்று
அன்பு கட்டளையிட்டு வா ( ...)

by பூவன் Mon Dec 10, 2012 1:02 pm

கவிதை அருமை , ஆனால் இதை கவிதை பகுதியில் பதியவும் ......

கவிதை பகுதியில் சொந்தகவிதை , ரசித்த கவிதை , என இருக்கும் அந்த அந்த பகுதியில் ஏற்றவாறு பதியவும் ...