அன்னிய நேரடி முதலீடு விவகாரத்தில் தி.மு.க. மத்திய அரசுக்கு ஆதரவு: கருணாநிதி

by **சிவா** Wed Nov 28, 2012 7:56 am

சில்லரை வர்த்தகத்தில் அன்னிய நேரடி முதலீடு பிரச்சனை தொடர்பாக பாரதீய ஜனதா உள்ளிட்ட எதிர்க்கட்சிகளின் அமளியால் பாராளுமன்றம் 4வது நாளாக முடங்கியுள்ளது. இந்நிலையில், சில்லரை வர்த்தகத்தில் அன்னிய நேரடி முதலீட்டு விவகாரத்தில் அரசுக்கு எதிர்ப்பு தெரிவித்து வந்த திராவிட முன்னேற்ற கழகம் தற்போது ஆதரவு தெரிவித்துள்ளது. காங்கிரஸ் அரசு கவிழ்ந்து மதவாத அரசு மீண்டும் ஆட்சிக்கு வந்துவிடக்கூடாது என்பதற்காக இத்தகைய நடவடிக்கை எடுத்துள்ளதாக அக்கட்சியின் தலைவர் கருணாநிதி அறிக்கை மூலம் தெரிவித்துள்ளார்.

மேலும், ஐக்கிய முற்போக்கு கூட்டணி அரசு நீடிப்பது என்பது இன்றைய சூழ்நிலையில் காலத்தின் கட்டாயமாகும் என்று கருணாநிதி தெரிவித்துள்ளார். ஆட்சி கவிழ்ந்து விட்டால் அதனால் ஏற்படும் எதிர்மறை விளைவுகளை எண்ணிபார்த்து ஆதரவு தெரிவிப்பதாக தெரிவித்துள்ளார். வாக்கெடுப்பு நடத்தப்பட்டால் மத்திய அரசுக்கு ஆதரவாக வாக்களிக்கப்படும் என்றும் அவர் தெரிவித்துள்ளார். சில்லரை வர்த்தகத்தில் அன்னிய நேரடி முதலீட்டு பிரச்சனையில், சமாஜ்வாடி, பகுஜன் சமாஜ், திரிணாமுல் காங்கிரஸ் கட்சியை தொடர்ந்து தற்போது திராவிட முன்னேற்ற கழகமும் மத்திய அரசுக்கு ஆதரவு தெரிவித்துள்ளது.

by அசுரன் Wed Nov 28, 2012 9:29 am

எல்லாரும் திருட்டு பயலுங்க... அவங்க காரியம் ஆகனும்னு தான் முடிவெடுப்பாங்க.. மக்களை பற்றியோ வியாபாரிகளை பற்றியோ யாருக்கும் அக்கரை இல்லை... மக்கள் தேர்தலில் தக்க பதிலடி கொடுக்க வேன்டும்.