ஏற்றங்களை மாற்றம் செய்!

by **Aathira** Sun Nov 25, 2012 9:04 pm

எட்டியும் அருகியும் இருக்கும்
ஏற்றங்களை உனதாக மாற்றம் செய்!

உழைப்புச் சாவியால் பூட்டிக் கிடக்கும்
புலன்களை விடுதலை செய்

தேம்பும் குழந்தை மனத்தை
தேக்கு மரத்தால் இழைத்து விடு

உதட்டு முற்றத்தில் மகரந்தப்
பூக்களின் புன்னகை தேக்கு

பருந்தின் கூரிய பார்வையை
கீழ்மையகற்றி மேல்நோக்கி வீசு

விரல் நுனிகளால்
உலக விசையை முடுக்கு

சீமைக் குதிரையின் சீறும் குளம்படியை
குதிகாலில் பூட்டிக்கொள்

இதய இருட்டை
தண்ணொளியால் நிரப்பு

கிழிபடாத ஓசோனாய்
அறிவு வெளிச்சத்தைப் பாய்ச்சு

வெற்றி திராவகத்தைத்
தேகமெங்கும் தெளித்துக் கொள்

எட்டியும் அருகியும் இருக்கும்
ஏற்றங்களை உனதாக மாற்றம் செய்!

by **கரூர் கவியன்பன்** Sun Nov 25, 2012 9:22 pm

மாற்றத்தை மாற்றம் செய்
மாற்றம் என்பது
வெறும் முன்பிருந்த நிலையை
முன்னேற்றி விடுவது மட்டுமல்ல
அந்த மாற்றம் என்ற சொல் மாறட்டும்
அது அத்துணை உயிர்களுக்கும்
ஒரு அத்தியாயத்தைப்
பிறப்பெடுக்க வைக்கட்டும்

தங்களின் மாற்றம் மாற்றட்டும் மாந்தரினத்தை....
தாக்கம் சற்று அதிகம் என்பதால்
நானும் கிறிக்கிவிட்டேன்

அருமை அக்கா தாங்கள் வடித்தது

by **Aathira** Mon Nov 26, 2012 4:10 pm

உங்க கவிதை ரொம்ப நல்லா இருக்கு கவியன்பன். நன்றி

by **கரூர் கவியன்பன்** Mon Nov 26, 2012 4:17 pm

Aathira wrote:உங்க கவிதை ரொம்ப நல்லா இருக்கு கவியன்பன். நன்றி

அனைத்தும் தங்கள் சித்தம் அக்கா

தேம்பும் குழந்தை
இதயத்தை
தேக்கு மரத்தால்
இழைத்து விடு

..................சிறப்பான வரிகள்! உங்களின் கவியாற்றல் அற்புதம். தொடர்ந்து எழுதுங்கள்.
சிறப்பு.