வன்முறையை தூண்டுவதாக ராமதாஸ் மீது போலீசில் புகார்

by **டார்வின்** Sun Nov 25, 2012 9:51 am

தலித் மக்கள் மோசமானவர்கள்' என, சித்தரித்து, பத்திரிகைகளுக்கு பேட்டியளித்துள்ள, பா.ம.க., நிறுவனர் ராமதாஸ், அதே கட்சியின், காடுவெட்டி குரு எம்.எல்.ஏ., மீது நடவடிக்கை கோரி, போலீஸ் கமிஷனரிடம், வழக்கறிஞர்கள் புகார் அளித்தனர்.வழக்கறிஞர் ரஜினிகாந்த் அளித்த புகார் விவரம்:

தர்மபுரி மாவட்டம், நாய்க்கன் கொட்டாய், நத்தம், அண்ணாநகர், கொண்டம்பட்டி ஆகிய தலித் பகுதிகளுக்குள், ஒரு தரப்பினர் நடத்திய வன்முறை சம்பவம் தொடர்பாக, கடந்த 17ம் தேதி, சென்னையில், பத்திரிகையாளர்களுக்கு பா.ம.க., நிறுவனர் ராமதாஸ், காடுவெட்டி குரு எம்.எல்.ஏ., ஆகியோர் பேட்டி அளித்தனர்.தலித் மக்கள் வாழும் பகுதிகளில் செல்லும், பிற சமுதாயத்தைச் சேர்ந்த பெண்களுக்கும், மாணவியருக்கும் எந்த பாதுகாப்பும் இல்லை. இதனால், பல மாணவியரின் படிப்பு பாதிக்கப்படுகிறது என, தெரிவித்துள்ளனர்.

அதாவது, தலித்துக்களை மோசமானவர்கள் என, சித்தரித்து, இழிவுபடுத்த வேண்டும் என்ற உள் நோக்கத்துடன் கருத்து தெரிவித்துள்ளனர்.இதில், மிகப்பெரிய விஷமத்தனம் அடங்கியிருக்கிறது. பிற சமூகத்தினரை தூண்டிவிட்டு, பகைமையை ஏற்படுத்தி, அதில் ராமதாஸ் குளிர்காய நினைக்கிறார்.தலித்கள் மோசமானவர்கள், சமூக விரோதிகள் என, பொது இடத்தில் இழிவு படுத்திய அவர்களது செயல், தாழ்த்தப்பட்டோர் மற்றும் பழங்குடியினருக்கு எதிரான் வன் கொடுமை தடுப்புச் சட்டப் படி, தண்டனைக்குரிய குற்றம். எனவே, ராமதாஸ் மற்றும் காடு வெட்டி குரு மீது சட்டப்படி நடவடிக்கை எடுக்க வேண்டும்.இவ்வாறு புகாரில் தெரிவிக்கப்பட்டுள்ளது
தின மலர் ,,

by யினியவன் Sun Nov 25, 2012 9:57 am

இனத்தால் ஜாதியால் மக்களைப் பிரித்து துண்டாடி அதில் குளிர் காய நினைக்கும் இதுபோன்ற அரசியல்வாதிகளை மக்கள் இனம் கண்டு அப்புறப் படுத்த வேண்டும் - வழக்கோ சட்டத்தின் தண்டனையோ இவர்களை ஒன்றும் செய்ய இயலாது.

by **டார்வின்** Sun Nov 25, 2012 9:59 am

யினியவன் wrote:இனத்தால் ஜாதியால் மக்களைப் பிரித்து துண்டாடி அதில் குளிர் காய நினைக்கும் இதுபோன்ற அரசியல்வாதிகளை மக்கள் இனம் கண்டு அப்புறப் படுத்த வேண்டும் - வழக்கோ சட்டத்தின் தண்டனையோ இவர்களை ஒன்றும் செய்ய இயலாது.

by **மாணிக்கம் நடேசன்** Sun Nov 25, 2012 4:08 pm

இருக்கட்டும் விடுங்க.

by காதல் ராஜா Sun Nov 25, 2012 5:45 pm

யாரும் சீண்டிப் பார்க்காதவரை எல்லா மக்களும் பண்பானவர்களே..

தேவையின்றி சீண்டிப் பார்த்து வாங்கிக் கொள்கிறீர்கள்.. அப்புறம் அடிவாங்கிவிட்டு நான் அப்பவே சொன்னேன்ல என்று மக்களிடம் அழுது நாடகமாடுவது..

எப்பத்தான்டா திருந்துவீங்க? சே..

by அசுரன் Sun Nov 25, 2012 6:15 pm

மீண்டும் பழைய பாணியில் இவர் அரசியல் செய்கிறார். தேர்தலில் இவர்கள் தோற்றாலும் விடாது இதுமாதிரி விஷமத்தனமான செயல்களில் ஈடுபட்டுக்கொண்டு தான் இருப்பார்கள்.