வலி நிவாரணி மாத்திரைகள் காதுகளை செவிடாக்கும்

by **Powenraj** Sun Nov 18, 2012 9:13 pm

உடல்வலி மற்றும் தலைவலிக்காக பெண்கள் பயன்படுத்தும் மாத்திரைகள் காதுகளை செவிடாக்கும் என்று சமீபத்திய ஆய்வு ஒன்றில் கண்டறியப்பட்டுள்ளது. அதிகஅளவில் வலிநிவாரணி மாத்திரைகள் உட்கொள்பவர்கள் விரைவில் கேட்கும் திறனை இழக்க நேரிடும் என்று எச்சரிக்கின்றனர் நிபுணர்கள்.
ப்ரூபின், பாரசிட்டமால் போன்ற மாத்திரைகள் பெண்கள் அதிகம் உபயோகிக்கும் மாத்திரைகள்.இந்த மாத்திரைகள் உபயோகிப்பதனால் ஏற்படும் பாதிப்பு தொடர்பாக 1995 முதல் 2009 ஆம் ஆண்டுவரை 14 ஆண்டுகளாக இந்த ஆய்வு மேற்கொள்ளப்பட்டது. இதில் 31 வயது முதல் 48 வயது வரை 62000 பெண்கள் பங்கேற்றனர். அவர்களில் வலி நிவாரண மாத்திரை சாப்பிட்ட 13 சதவிகிதம் பெண்களின் காது கேட்கும் திறன் குறைந்துள்ளது தெரியவந்தது.
அவற்றில் ஒரு ரக மாத்திரையை வாரத்துக்கு 2 தடவை உபயோகித்தால் 24 சதவிகிதம் செவிட்டு தன்மையும், மற்றொரு ரக மாத்திரையை வாரத்துக்கு 6 தடவை பயன்படுத்தினால் 21 சதவிகிதம் செவிட்டு தன்மையும் ஏற்படுவதாகவும்ஆய்வாளர்கள் தெரிவித்துள்ளனர்.
ஆனால் ஆஸ்பிரின் மாத்திரை சாப்பிடும் பெண்களுக்கு இதுபோன்ற பாதிப்பு ஏற்படுவதில்லை என்றும் ஆய்வறிக்கையில் தெரிவிக்கப்பட்டுள்ளது. அதேபோல் ஆண்களுக்கு செவிட்டுத்தன்மை ஏற்படுவதாக எதுவும் தெரிவிக்கப்படவில்லை.

by **ரா.ரா3275** Sun Nov 18, 2012 9:22 pm

ஹலோ...ஹலோ...ஹலோ...ஹலோ...
என்னமோ பேசறீங்க...என்னன்னுதான் கேட்கல...
யாரு காதுலயாவது விழுதா?...

நல்ல பதிவு பவுன்ராஜ்...நன்றி பகிர்வுக்கு...

by அப்துல் Sun Nov 18, 2012 9:48 pm

நல்ல தகவல்,

by அசுரன் Sun Nov 18, 2012 9:51 pm

வலி நிவாரணிகளால் பின்விளைவுகள் ஏற்படும் என்பது உண்மைதான். காது மட்டும் தான் செவிடாகும் என்பது சரியா என்று தெரியவில்லை... தகவலுக்கு நன்றி நண்பரே

by **சிவா** Mon Nov 19, 2012 9:07 am

அசுரன் wrote:வலி நிவாரணிகளால் பின்விளைவுகள் ஏற்படும் என்பது உண்மைதான். காது மட்டும் தான் செவிடாகும் என்பது சரியா என்று தெரியவில்லை... தகவலுக்கு நன்றி நண்பரே

என் கருத்தும் இதேதான்!

by றினா Mon Nov 19, 2012 11:06 am

அசுரன் wrote:வலி நிவாரணிகளால் பின்விளைவுகள் ஏற்படும் என்பது உண்மைதான். காது மட்டும் தான் செவிடாகும் என்பது சரியா என்று தெரியவில்லை... தகவலுக்கு நன்றி நண்பரே

உண்மைதான்.

நம் கண்முன்னே இதற்கு உதாரணங்கள் இருக்கின்றன.

ஒன்று மைக்கல் ஜாக்சனின் மரணம் சர்ச்சையாக இருந்தாலும் அதிகளவு வலி நிவாரணி மருந்துகள் பயன்படுத்தியதும் ஒரு காரணம்.

by **கரூர் கவியன்பன்** Mon Nov 19, 2012 12:20 pm

வலி மாத்திரைகள் உண்மையிலேயே உடலில் ஒரு சில மாற்றங்கள் ஏற்படுத்தும் என்பது உண்மை. ஆனால் அனைத்து வகை மாத்திரைகளும் அவ்வாறு ஏற்படுத்தாது. வலி நிவாரணிகளை அதிகப்படியாக எடுத்துக் கொள்ளும்போதே, அதிக செறிவுள்ள மாத்திரைகலை எடுத்துக்கொள்ளும் போதே தான் விளைவு மோசமாகும். அடிக்கடி எடுத்துக்கொள்வது மிக மோசமான விளைவுகளை ஏற்படுத்தும் என்பது உறுதி

by **ராஜா** Mon Nov 19, 2012 12:25 pm

எந்த மாத்திரையானாலும் தொடர்ந்து உபயோகபடுத்துவது மிகுந்த ஆபத்தை தரும். குறிப்பாக வலிநிவாரணிகள் , Antibiotic , steroid வகைகள்.
(இரண்டு அல்லது மூன்று நாட்கள் உபயோகபடுத்துங்கள் அதன் பிறகு தூக்கி போட்டு விடுங்கள் )