தமிழகத்தின் கடற்கரையோரங்களில் மிதக்கவிடப்பட்டிருக்கிறதாம் வெடிகுண்டுகள்! - இலங்கை கடற்படை அதிகாரிகள் மீது குற்றச்சாட்டு

by **அகிலன்** Sun Nov 18, 2012 4:29 pm

தமிழகத்தின் கடற்கரையோரப் பகுதிகளுக்கும் மீனவர்களுக்கும், புலனாய்வுப் பிரிவினர் கடலில் மிதந்து வருகின்ற எந்தவிதமான சந்தேகப் பொருட்களையும் தொடவேண்டாம் என எச்சரிக்கை விடுத்துள்ளனர். முன்னாள் இலங்கை கடற்படை அதிகாரிகளினால் முறையற்ற வகையில் தயாரிக்கப்பட்ட வெடிபொருள் மிதக்கவிடப்பட்டிருப்பதாகவே புலனாய்வு பிரிவினர் எச்சரிக்கை விடுத்துள்ளனர்.

அத்துடன் மீனவர்களை எச்சரிக்கையாக இருக்குமாறு எச்சரித்ததுடன், கடல் மற்றும் கடலோர பாதுகாப்பை பன்மடங்காக அதிகரித்துள்ளனர். அத்துடன் கடலில் மிதந்து வருகின்ற எதனையும் தொடவேண்டாம் என்றும் எச்சரித்துள்ளனர். புலனாய்வுப் பிரிவின் தகவல்கள் கடந்த வெள்ளிக்கிழமை கிடைத்ததை அடுத்து தமிழக கடலோர பாதுகாப்பு பொலிஸ் தங்களது ரோந்து நடவடிக்கைகளை தீவிரப்படுத்தியுள்ளதுடன், முறையற்ற வகையில் தயாரிக்கப்பட்ட வெடிபொருள் குறித்து சிவப்பு எச்சரிக்கை ஒன்றையும் விடுத்துள்ளது.

ஒவ்வொரு நிலையத்தில் இரண்டு படகுகளுக்கும் மேற்பட்ட 12 கடலோர காவல் நிலையங்களை சேர்ந்தோர் கண்காணிப்பு பணியில் ஈடுபட்டுள்ளனர். மொத்தமாக 14 படகுகள் வெள்ளிக்கிழமை இரவு முதல் கண்காணிப்பு பணிகளில் ஈடுபட்டு வருகிறது. கடலில் ஏதாவது சந்தேகத்திற்கிடமான மிதக்கும் பொருளை பார்த்தால் அதனை தொட்டு பார்க்கவோ அல்லது பரிசோதிக்கவோ வேண்டாம் என தெரிவித்துள்ள பாதுகாப்பு பிரிவினர், அது தொடர்பில் கடலோர பாதுகாப்பு சேவைக்கு உடனடியாக அறிவிக்க வேண்டும் என்றும் மீனவர்கள் அறிவுறுத்தப்பட்டுள்ளனர்.

செய்தி.கொம்

by ஹர்ஷித் Sun Nov 18, 2012 7:43 pm

சீக்கிரம் வெடிகுண்டுகளை அகற்றவேண்டும்.ஏற்க்கனவே ஏகப்பட்ட இழப்பு மீனவர்களுக்கு.இதுல இது வேறையா?

by அசுரன் Sun Nov 18, 2012 10:57 pm

நமது கடலோர ராணுவம் கையால் ஆகாத ராணுவம்.. சோகம்

by Guest Mon Nov 19, 2012 10:18 am

சாக போவது தமிழன் தானே ! பிறகு எந்த இராணுவத்திற்கும் என்ன கவலை ! என்ன கொடுமை சார் இது

by றினா Mon Nov 19, 2012 11:25 am

அசுரன் wrote:நமது கடலோர ராணுவம் கையால் ஆகாத ராணுவம்..

அப்படி பச்சையா சொல்லிடவும் முடியாது.

by **கரூர் கவியன்பன்** Mon Nov 19, 2012 12:25 pm

புரட்சி wrote:சாக போவது தமிழன் தானே ! பிறகு எந்த இராணுவத்திற்கும் என்ன கவலை !

ராணுவத்தில் மட்டும் தமிழன் இல்லையா

by **கரூர் கவியன்பன்** Mon Nov 19, 2012 12:27 pm

இந்திய அரசின் மௌனம் என்பது முதுகெலும்பற்ற புழுவின் எதிர்ப்புகளுக்கு கூட இணை இல்லை

by **கரூர் கவியன்பன்** Mon Nov 19, 2012 2:07 pm

அசுரன் wrote:நமது கடலோர ராணுவம் கையால் ஆகாத ராணுவம்..

என்னால் இதனை ஏற்றுக்கொள்ள முடியவில்லை அண்ணா. ஆட்சிக்கட்டில் அமர்திருப்பவர்களை விட்டுவிட்டு இவர்கள் என்ன கூறமுயும்.

நமது ராணுவம் பல சிறப்பான செயல்பாடுகளையும், அதிரடியான நடவடிக்கைகளையும் வரலாறு சொல்லும்.

நமது அரசியல் அமைப்பு உரிமைக்காக போராடுபவர்களை விட உயர்ந்த அதிகாரத்தில் உள்ளவர்களுக்கே செவி மடுக்கும் நிலையில் அமையப்பெற்றுள்ளதன் விளைவு தான் இது.
அதைவிட அவர்கள் எந்த மனநிலையை கொண்டுள்ளனர் என்பதும் குறிப்பிடத்தக்கது

by **அகிலன்** Mon Nov 19, 2012 3:34 pm

இந்தியாவின் வெளியுறவுக் கொள்கை சரியாக இல்லை, சிறிது சிறிதாக இந்தியாவுக்கு ஆபத்தை ஏற்படுத்திக்கொண்டிருக்கிறது.

by அசுரன் Mon Nov 19, 2012 9:17 pm

றினா wrote:
அசுரன் wrote:நமது கடலோர ராணுவம் கையால் ஆகாத ராணுவம்..

அப்படி பச்சையா சொல்லிடவும் முடியாது.

மீனவர்கள் தாக்குதல் தொடர்பாக ஒரு சாதகமான நடவடிக்கை கூட எடுக்காத இந்திய ராணுவத்தில் தமிழர்கள் இருந்து மட்டும் என்ன பயன். கடலில் எல்லை தாண்டுகிறார்கள் என்று சொல்பவர்கள் அவர்களுக்கு வழிகாட்டினார்களா? தெரியவில்லை.

கொழும்புவிற்கு கப்பல் விட மட்டும் தெரிகிறது.. மக்களை காக்க தவறும் எந்த அரசும் வீண் தான் நண்பரே!

by Sponsored content

www.karurkaviyanban.blogspot.in

www.karurkaviyanban.blogspot.in

www.karurkaviyanban.blogspot.in