விதைகள்

by யாழவன் Mon Oct 12, 2009 4:22 pm

வெயிலில் நெடுந்தூரம் பறந்து வந்த நாடோடிப் பறவைகள் முகில்களின் இடையே நுழைந்தபோது குளிரில் நனைந்து களித்தன.

கொஞ்ச நேரத்தில் மழைத் துளிகளாக முகில் கூட்டம் கீழே விழத்தொடங்கியது.

'ஐயோ! நல்ல முகில்கள் விழுகின்றனவே....' என்று இரங்கி அழுதது ஒரு பறவை.

வழிக்காட்டிப் பறவையோ 'எல்லாம் நன்மைக்கே' என்றது.

'குளங்கள் நிரம்பும் - நாம் மீன்கள் பிடிக்கலாம்.
மரங்கள் தழைக்கும் - நாம் கூடு கட்டலாம்'.

அது சொன்னது :-
'நல்லவர்கள் எழுந்தாலும் நன்மைக்கே
விழுந்தாலும் நன்மைக்கே'.