தீபாவளிக்குத் திரைக்கு வரும் திரைப்படங்கள்

by **சிவா** Mon Nov 12, 2012 9:42 am

இந்த வருடம் தீபாவளி விருந்தாக, 4 புதிய படங்கள் திரைக்கு வருகின்றன. வருகிற 13–ந் தேதி தீபாவளி அன்று இந்த படங்கள் வெளிவர உள்ளன. அந்த படங்கள் வருமாறு:–

1. துப்பாக்கி:– விஜய்–காஜல் அகர்வால் ஜோடியாக நடித்த படம். ஏ.ஆர்.முருகதாஸ் டைரக்டு செய்துள்ள இந்த படத்தை எஸ்.தாணு தயாரித்து இருக்கிறார்.

மும்பையில் நடந்த குண்டு வெடிப்பு சம்பவங்களை கருவாக கொண்ட படம் இது. இந்த படத்தில் விஜய், மும்பையில் வசிக்கும் தமிழராக–ராணுவ அதிகாரி வேடத்தில் நடித்து இருக்கிறார்.

2. போடா போடீ:– சிலம்பரசன் கதாநாயகனாக நடித்த படம். இவருக்கு ஜோடியாக வரலட்சுமி நடித்து இருக்கிறார். விக்னேஷ் சிவன் டைரக்டு செய்திருக்கிறார்.

நேமிசந்த் ஜெபக், ஹித்தேஷ் ஜெபக் ஆகிய இருவரும் தயாரித்துள்ளனர்.

இது, முழுக்க முழுக்க நகைச்சுவைக்கு முக்கியத்துவம் உள்ள கதை. ஒரு இளைஞனுக்கும், இளம் பெண்ணுக்கும் இடையே ஏற்படும் காதலை மையமாக வைத்து, கதை உருவாக்கப்பட்டு இருக்கிறது.

3. அம்மாவின் கைப்பேசி:– தங்கர்பச்சான் டைரக்டு செய்து, முக்கிய வேடத்தில் நடித்திருக்கும் படம். சாந்தனு–இனியா ஆகிய இருவரும் கதாநாயகன்–கதாநாயகியாக நடித்துள்ளனர். தங்கர் திரைக்களம் தயாரித்து இருக்கிறது. 9 பிள்ளைகளை பெற்ற ஒரு தாயையும், அவளுக்குப் பிடித்த கடைசி மகனையும் சுற்றி வரும் கதை.

4. காசி குப்பம்:– புதுமுகம் அருண் கதாநாயகனாக நடித்து, டைரக்டு செய்த படம். லிவிங்ஸ்டன், ஆடுகளம் நரேன், கீர்த்திசாவ்லா, சுஜா வாருணி ஆகியோரும் நடித்து இருக்கிறார்கள். பாலமுருகன் பிலிம்ஸ் தயாரித்துள்ளது. கடலோர மக்களின் வாழ்வியலை சித்தரிக்கும் படம் இது.