நான்கு கால்களின் பயணத்தின் போது...

by **கரூர் கவியன்பன்** Tue Nov 06, 2012 11:08 pm

இரவின் ஆர்ப்பாட்டம்
வெண்ணிறக் கள்வன் பின்
தொடருகையில்
காலாற பயணம் மேற்கொண்டன
நான்கு கால்கள்

பௌர்ணமி வெளிச்சத்தில்
பளிச்சென மின்னியது
தங்கமன்று - அது
பருவ நங்கையின்
பால் வண்ண மேனி

கைகோர்த்துக் காதலிப்பவன்
கைபிடித்தக் காளையனே
நெருக்கத்தில் நெருங்கி இருந்தது
கைகளின்றி நெஞ்சமும் தான்

சிறு சிறு சில்மிசங்களால்
வெட்கத்தில் வியர்க்கிறாள்
வெள்ளி வண்ண தேகம்
அந்த வாடைக்காற்றிலும்

பதட்டத்தில்....
இடறி விழுகையில்
இடையில் கை கோர்த்தன
இல்லவனின் கைகள்

துணைவன் உடன் இருக்கையில்
துரத்திப் பிடிக்க நினைத்து
காதலிக்கும் கள்வனுக்குப்
போட்டியாக...
கண்ணடித்து காதலிக்கும் முயற்ச்சியில்
விண்ணின் மைந்தர்கள்

by **ஜாஹீதாபானு** Wed Nov 07, 2012 3:33 pm

அருமையா இருக்கு கவியன்பன் சூப்பருங்க

by ஜெமில் Wed Nov 07, 2012 4:07 pm

சூப்பர் அண்ணா

by Pakee Wed Nov 07, 2012 4:47 pm

அருமை அண்ணா சூப்பருங்க

by **கரூர் கவியன்பன்** Wed Nov 07, 2012 8:06 pm

ஜாஹீதாபானு wrote:அருமையா இருக்கு கவியன்பன்

மிக்க நன்றி

by றினா Wed Nov 07, 2012 8:37 pm

அருமையான கவி வரிகள்.

by பூவன் Wed Nov 07, 2012 8:42 pm

விண்ணின் மைந்தர்கள்
இந்த மண்ணின் மைந்தர் காதலிக்க
துடித்த விதம் அருமை கவி .....

எட்டி பிடிக்க முடியாமல்
கொட்ட கொட்ட பார்த்து
எட்டி போன வெண்ணிலாவாக
இந்த பெண்ணிலவும்
எட்டி போகட்டும் .....