அறிமுகம்: ரமணி

by **ரமணி** Wed Oct 31, 2012 9:17 am

அறிமுகம்: ரமணி

என்னைப் பற்றி சொல்லிக்கொள்ள அதிகம் இல்லை. அறுபது வயதைக் கடந்த ஓர் எளிய, ஓய்வுபெற்ற வங்கி ஊழியன். கணினித்துறை, தமிழ், ஸம்ஸ்க்ருத, ஆங்கில மொழிகளில் உள்ள படைப்புகளில் எனக்குப் பிடித்த கதை, கவிதை, கட்டுரைகளில் ஆர்வம் உண்டு. வழக்கமான உலகியல் பொழுதுபோக்குகளுடன் ஆன்மீகத்தில் நாட்டம் உண்டு. கல்லூரி நாட்களில் தமிழ் ஒரு பாடமாகப் பயின்ற போது யாப்பிலக்கணத்தில் ஈடுபாடு ஏற்பட்டுக் கவிதை முனைய, சரிவராமல் ஒதுங்கிவிட, இப்போது பிடித்துக் கொள்கிறது, கவிதையும் யாப்பும்! மரபுக் கவிதையின் ஒழுங்கும், சவாலும் எனக்குப் பிடித்தவை. புதுக் கவிதைகளில் அதிகம் நாட்டமில்லை. ஈகரை வட்டத்தில் இணைவது எனக்கு மகிழ்ச்சி அளிக்கிறது. படித்தும், பகிர்ந்தும் தமிழ்ப் படைப்புகளில் முன்னேற இது ஒரு நல்ல வாய்ப்பாகத் தோன்றுகிறது. அனைவருக்கும் வணக்கம்.

by அச்சலா Wed Oct 31, 2012 11:03 am

வாருங்கள் ரமணி...
வருக வருக என வரவேற்ப்பத்தில் மகிழ்ச்சி..

by அசுரன் Wed Oct 31, 2012 11:10 am

வாருங்கள் ஐயா!.... இனிய வரவேற்புகள்

by **சிவா** Wed Oct 31, 2012 11:24 am

பன்மொழி வித்தகர் ரமணி ஐயாவை வரவேற்பதில் மகிழ்ச்சியடைகிறேன்! உங்கள் படைப்புக்களையும், இங்கு வெளிவரும் படைப்புக்களுக்கான உங்கள் ஆதரைவையும் தந்து என்றும் எங்களுடன் இணைந்திருக்க வேண்டுகிறேன்!

by பாலாஜி Wed Oct 31, 2012 11:48 am

ஈகரை சார்பாக அன்போடு வரவேற்கின்றேன் :நல்வரவு:

by **krishnaamma** Wed Oct 31, 2012 12:01 pm

வாங்கோ வாங்கோ ரமணி மாமா புன்னகை

உங்கள் வரவு நல்வரவாகுக புன்னகை

by **ரமணி** Wed Oct 31, 2012 1:11 pm

நண்பர்களுக்கு வணக்கம்.

01. என்னை தயவுசெய்து ’ஐயா’ என்றோ ’மாமா’ என்றோ அழைக்க வேண்டாம். ’நண்பரே’ என்று எல்லோரும் அழைத்தால் போதும்.

02. நான் ஸம்ஸ்க்ருதம் இப்போதுதான், தானே விட்டும் தொட்டும் கற்றுக்கொள்ள முனைந்துள்ளேன். எல்லோரையும் போலவே ஆங்கிலக் கதைகள், கட்டுரைகள் படித்திருக்கிறேன். தமிழிலோ இங்குள்ளவர்களை விடக் குறைவாகவே கதை கவிதைகள் படித்திருப்பேன் என்பது உறுதி. எனவே நான் ’பன்மொழி வித்தகன்’ அல்ல. அந்தப்பட்டம் ’பன்மொழிப் புலவர் அப்பாதுரை’, கி.வா.ஜ. போன்றோருக்கே உரியது.

03. இங்குள்ள பலரின் அஞ்சல் எண்ணிக்கைகளைப் பார்க்கும்போது நான் பல ஜாம்பவான்கள் நடுவில் இருப்பது தெரிகிறது. என் படைப்புகளை நிச்சயம் இங்கு அஞ்சலிடுகிறேன். நேரம் கிடைத்தவரை மற்ற படைப்புகளைப் படித்துப் பின்மொழிய முயல்கிறேன்.

04. என் படைப்புகளின் குறை-நிறைகள் பற்றிப் பின்னூட்டங்களை நான் எப்போதும் வரவேற்கிறேன்.

எல்லோருக்கும் நன்றி.

by **krishnaamma** Wed Oct 31, 2012 1:14 pm

//என்னை தயவுசெய்து ’ஐயா’ என்றோ ’மாமா’ என்றோ அழைக்க வேண்டாம். ’நண்பரே’ என்று எல்லோரும் அழைத்தால் போதும்.//
.
உங்கள் சித்தம் எங்கள் பாக்கியம் நண்பரே ! அன்பு மலர்

by **ராஜா** Wed Oct 31, 2012 1:23 pm

ஈகரைக்கு அன்புடன் வரவேற்கிறேன் திரு.ரமணி அவர்களே

by **மாணிக்கம் நடேசன்** Wed Oct 31, 2012 1:28 pm

ரமணி சார், வாங்க சார் உங்கள் வருகை எங்களுக்கெல்லாம் பரவசமளிக்கிறது.
வாழ்த்துகிறேன் ஐயா.

எங்க அக்கா இருக்காங்களே அதான் கிருஷ்ணம்மா (கிருஷ்ணாவின் அம்மா) இப்படித்தான் எல்லாரையும் மாமான்னு சொல்லுவாங்க. அவுங்க தம்பியான என்னையே மறந்து போய் மாமான்னு சொல்லிட்டாங்க. மண்டேய பிச்சிக்கிட்டேன்,அதானல தலையில இருந்த ரெண்டு மூனும் இப்ப போச்சி.