என் நண்பனுக்காகப் பிரார்த்தனை செய்யுங்கள் உறவுகளே! - ரமணீயன்

by **T.N.Balasubramanian** Tue Oct 30, 2012 6:46 am

எனது நண்பர் ராகவன் .56 வருட நட்பு. உடலால் இருவர் எனினும் ஒத்த கருத்துக்கள் மூலம் ஒருவர் ஆனோம் ஒருவருக்கு துன்பம் வர மற்றவனுக்கு வலிக்கும். அவன் வீட்டில் அவன் இல்லை எனில் என் வீட்டில் அவனை பார்க்கலாம் இன்ஜினியரிங் கடைசி வருடம் ஒரு மார்க்கால் தேர்வில் தோல்வி அடைந்து முதல் வகுப்பை கோட்டை விட்டபோது
அவனை விட அதிகம் அழுதது நான். என் வீட்டில் அவன் ஒரு அங்கம் அதேபோல் அவன் வீட்டில் நான் ஒரு அங்கம். இன்னும் எவ்வளவோ சொல்லலாம் ஆனால் எவ்வளவு நாள் சொல்லமுடியும் எனத் தெரியவில்லை. எனது நண்பனுக்கு புற்றின் தாக்கம் கணையத்தில் இதற்கு புற்று சிகிச்சையோ சஸ்திர சிகிச்சை செய்வதோ அரிதிலும் அரிதாம். திரவ உணவில் இருக்கும் அவனை காண்கையில் கஷ்டம் மேலிடுகிறது. உபாதைகள் அவனை சங்கடபடுத்தாது இருக்க எல்லாம் வல்ல இறைவன் கருணை காட்டவேண்டும். ஈகரை உறவுகளே என் நண்பருக்காக பிரார்த்தனை செய்வீர்களா?

ரமணியன்

--

by **சாமி** Tue Oct 30, 2012 7:10 am

நிச்சயமாக செய்வோம் அய்யா! எல்லாம் வல்ல பரம்பொருள் வேண்டியதைச் செய்வாராக!
தீராப்பிணிகள் மறைந்து நலமுடன் வாழ பின்வரும் பதிகங்களை நண்பரை ஓதச் செய்யுங்கள்.
மந்திர மாவது நீறு வானவர் மேலது நீறு
சுந்தர மாவது நீறு துதிக்கப் படுவது நீறு
தந்திர மாவது நீறு சமயத்தி லுள்ளது நீறு
செந்துவர் வாயுமை பங்கன் திருவால வாயான் திருநீறே.

வேதத்தி லுள்ளது நீறு வெந்துயர் தீர்ப்பது நீறு
போதந் தருவது நீறு புன்மை தவிர்ப்பது நீறு
ஓதத் தகுவது நீறு வுண்மையி லுள்ளது நீறு
சீதப் புனல்வயல் சூழ்ந்த திருவால வாயான் திருநீறே.

முத்தி தருவது நீறு முனிவ ரணிவது நீறு
சத்திய மாவது நீறு தக்கோர் புகழ்வது நீறு
பத்தி தருவது நீறு பரவ வினியது நீறு
சித்தி தருவது நீறு திருவால வாயான் திருநீறே.

காண வினியது நீறு கவினைத் தருவது நீறு
பேணி யணிபவர்க் கெல்லாம் பெருமை கொடுப்பது நீறு
மாணந் தகைவது நீறு மதியைத் தருவது நீறு
சேணந் தருவது நீறு திருவால வாயான் திருநீறே.

பூச வினியது நீறு புண்ணிய மாவது நீறு
பேச வினியது நீறு பெருந்தவத் தோர்களுக் கெல்லாம்
ஆசை கெடுப்பது நீறு அந்தம தாவது நீறு
தேசம் புகழ்வது நீறு திருவால வாயான் திருநீறே.

அருத்தம தாவது நீறு அவல மறுப்பது நீறு
வருத்தந் தணிப்பது நீறு வான மளிப்பது நீறு
பொருத்தம தாவது நீறு புண்ணியர் பூசும்வெண் ணீறு
திருத்தகு மாளிகை சூழ்ந்த திருவால வாயான் திருநீறே.

எயிலது வட்டது நீறு விருமைக்கு முள்ளது நீறு
பயிலப் படுவது நீறு பாக்கியமாவது நீறு
துயிலைத் தடுப்பது நீறு சுத்தம தாவது நீறு
அயிலைப் பொலிதரு சூலத் திருவால வாயான் திருநீறே.

இராவணன் மேலது நீறு வெண்ணத் தகுவது நீறு
பராவண மாவது நீறு பாவ மறுப்பது நீறு
தராவண மாவது நீறு தத்துவ மாவது நீறு
அராவணங் குந்திரு மேனி யால வாயான் றிருநீறே.

மாலொ டயனறி யாத வண்ணமு முள்ளது நீறு
மேலுறை தேவர்கள் தங்கண் மெய்யது வெண்பொடி நீறு
ஏல வுடம்பிடர் தீர்க்கு மின்பந் தருவது நீறு
ஆலம துண்ட மிடற்றெம் மால வாயான் றிருநீறே.

குண்டிகைக் கையர்க ளோடு சாக்கியர் கூட்டமுங் கூடக்
கண்டிகைப் பிப்பது நீறு கருத வினியது நீறு
எண்டிசைப் பட்ட பொருளா ரேத்துந் தகையது நீறு
அண்டத் தவர்பணிந் தேத்து மால வாயான் றிருநீறே.

ஆற்ற லடல்விடை யேறு மால வாயான்றிரு நீற்றைப்
போற்றிப் புகலி நிலாவும் பூசுரன் ஞானசம் பந்தன்
தேற்றித் தென்ன னுடலுற்ற தீப்பிணி யாயின தீரச்
சாற்றிய பாடல்கள் பத்தும் வல்லவர் நல்லவர் தாமே.

by **சிவா** Tue Oct 30, 2012 7:13 am

உங்கள் நண்பர் விரைவில் குணமடைய எல்லாம் வல்ல இறைவனை வேண்டுகிறேன் ஐயா!

by பூவன் Tue Oct 30, 2012 8:16 am

உங்கள் நண்பர் குணமடைய இறைவனை பிராத்திக்கிறேன் .....

by காதல் ராஜா Tue Oct 30, 2012 8:18 am

உடல் நலக் குறைவு என்பது இறைவனை நினைவில் வைத்து தியானிக்க சரியான நேரம்..

தங்களது நண்பரை அதிகமதிகம் தியானிக்கச் சொல்லுங்கள்..

அவரது உடல் பூரண குணமடையப் பிரார்த்திக்கிறேன்..

by **ராஜா** Tue Oct 30, 2012 12:04 pm

T.N.Balasubramanian wrote:எனது நண்பனுக்கு புற்றின் தாக்கம் கணையத்தில் இதற்கு புற்று சிகிச்சையோ சஸ்திர சிகிச்சை செய்வதோ அரிதிலும் அரிதாம். திரவ உணவில் இருக்கும் அவனை காண்கையில் கஷ்டம் மேலிடுகிறது. உபாதைகள் அவனை சங்கடபடுத்தாது இருக்க எல்லாம் வல்ல இறைவன் கருணை காட்டவேண்டும். ஈகரை உறவுகளே என் நண்பருக்காக பிரார்த்தனை செய்வீர்களா?ரமணியன்

ஆறுதல் சொல்ல வார்த்தைகள் இல்லை ஐயா , இந்த கொடிய நோயின் விளைவுகளை பக்கத்தில் இருந்து பார்த்தவன்.

ஐயா ராகவன் அவர்களுக்கு இறைவன் மன அமைதியை வழங்கவும் நோயின் தாக்கம் அதிகமாக அவரை பாதிக்காமல் இருக்கவும் எனது மனமுருகிய பிரார்த்தனைகள்.

by **அருண்** Tue Oct 30, 2012 12:19 pm

மிகவும் கொடுமையிலும் கொடிய வியாதி அனைவரும் அறிவோம் அய்யா!
கவலை படாதிர்கள் இறைவன் இவர் கூட துணை நிர்ப்பார்!

by **கரூர் கவியன்பன்** Tue Oct 30, 2012 4:33 pm

தங்களின் நண்பருக்கு என்றுமே இறைவன் துணை நின்று அருள் புரிய அவனை வேண்டுகின்றேன்

by பாலாஜி Tue Oct 30, 2012 5:30 pm

உங்கள் நண்பர் விரைவில் குணமடைய எல்லாம் வல்ல இறைவனை பிராத்திக்கிறேன் .....

ஏக இறைவனின் அன்பும் சாந்தியும் அருளும் அவர் மீதும் அவர் குடும்பத்தினர் மீதும் நிலைக்க வேண்டுகிறேன் !

உலக வாழ்விலேயே மூழ்கிகிடந்து ஆத்துமாவுக்கு ஒன்றுமே தேடாத வாழ்வால் ஒரு முழு பிறவி பயனற்று பலருக்கு போய் விடுகிறது ! அடுத்த பிறவிக்கு பாவம் புண்ணீயம் ஞானம் தவிற ஒன்றுமே கூட வராது ! ஓய்வு காலத்தில் கடவுளை நாடும்படியான அழைப்பு வியாதியாய் வெளிப்படுகிறது ! முன்பு காலங்களில் என்ன வியாதி என அறியாமல் பலர் கடைசியை எட்டினார்கள் ! இப்போது வியாதியின் பெயர் விபரம் தெரிகிறது ! இருப்பினும் கடவுளை நாடியவுடன் வியாதியின் தீவிரம் குறைந்து பிரார்த்தனை வாழ்வில் பல ஆத்துமாகள் முன்னேறுகின்றன ! அந்த பேறு திரு ராகவன் அவர்களுக்கு கடவுள் அருளும்படியாக பிராதிக்கிறேன் !