மௌனம் ......

by பூவன் Sun Oct 28, 2012 4:10 pm

நித்தம் உன்னை காணும்
போது சத்தம் இல்லாமல்
என்னை முத்தம் இடும்
உன் கண்களுக்கு முன்பாக
முந்தி கொள்கிறது
உன் மௌனம் ....

மொழிகளை புதைத்து
இதழ்கள் இறுதி ஊர்வலம்
நடத்துகின்றன !!!

உன் வார்த்தைகள் அழகு என்றால்
உன் மௌனம் என்ன பேரழகா ?

எழுத்துகள் போர் தொடுத்தால்
மொழிகள் பிறக்கும்
உன் மௌனம் போர் தொடுத்தால்
அந்த மொழியும் இறக்கும் அல்லவா !!

போதும் போதும்
உன் மௌனத்தை புதைத்து விடு பெண்ணே ?

இனியும் வேண்டாம் இன்னும் ஒரு மௌனப்போர் .....

by சென்னையன் Sun Oct 28, 2012 5:48 pm

by பூவன் Sun Oct 28, 2012 8:08 pm

நன்றி சென்னையன்

by **கரூர் கவியன்பன்** Sun Oct 28, 2012 8:13 pm

என்னை...
மீண்டும் மீண்டும்
வாழத்தூண்டுவதும்
வாழவிடாமல்
இருதலைக்கொள்ளியாக
துன்பப்படுத்துவது
உன் மௌனம்
ஒன்று மட்டுமே

மௌனத்தின் மொழிகள் அருமை பூவன்

by பூவன் Sun Oct 28, 2012 8:17 pm

உன் விழிகள் மட்டுமல்ல
மௌன மொழிகளும்
என்னை கொல்லும்
கொடுரூரமான ஆயுதங்கள் தான் ....

by **கரூர் கவியன்பன்** Sun Oct 28, 2012 8:30 pm

பூக்களைப் போல
கையாள வேண்டிய
மனித இருதயத்தை
வருங்கால மனையாளியே
வன்முறையால்
வார்த்து எடுக்கிறாயே
உன் இமை மூடிய
ஆயுதங்களால்

by பூவன் Sun Oct 28, 2012 8:37 pm

உன் இமை மூடிய ஆயுதங்கள் .....

உன் பார்வை கணைகள்
போர்களில் தாக்கும் எவுகனையோ ??

தாங்கி வரும் போதெல்லாம்
என் மனதை அல்லவா !!
துவம்சம் செய்கிறாய் ....

உன் இமை மூடிய
விழி கவசங்கள்
என் சுவாசத்தையும் விடவில்லை ...

by sureshyeskay Sun Oct 28, 2012 8:43 pm

நீ என்னுடன் பேசாமல்
விடுவதை விட
பேசிக்கொண்டேயிருந்து
பேசாமல் விடும்போதுதானடி
இதயம் றணமாகிறது (நன்றி: ஜன்னல்)

by **கரூர் கவியன்பன்** Sun Oct 28, 2012 8:44 pm

கவசங்கள்
பாதுகாக்கத்தானே
இது என்ன
உன் விழி மூடிய
கவசங்களும்
ஆயிரமாயிரம் கவிதைகள்
பகர்கின்றது என்னிடம்

by பூவன் Sun Oct 28, 2012 8:49 pm

ஆயிரம் ஆயிரம் கவிதைகள் ...

பேசும் மொழிகள் தான்
கருத்துக்கள் உணர்த்தும் என இருந்தேன்
பேசா உன் விழிகளும்
ஆயிரம் ஆயிரம் கருத்துகள் உணர்த்துவதை
உன்னை பார்த்த பின்பு தான் அறிந்தேன் .....