கல்லூரி காதல்

by ருக்மணி Wed Oct 24, 2012 3:55 pm

கல்லூரி சாலையில்
உன்னை கடந்த போது
உன் ஸ்பரிசம்
என் கவனத்தை ஈர்த்தது...

அன்று முதல்
ஒவ்வொரு நாளும்
உன் அழகை
ரசிக்க தவறியதில்லை...

நாளொரு மேனியும்
பொழுதொரு வண்ணமுமாய்
உன் வளர்ச்சி கண்டு
ஏங்குவோர் பலர்....

உன் இதழ்களின் அசைவினில்
காதலை உணரும் வேளையில்
இதழ்களை மூடிக் கொண்டாய்..
இது என்ன இன்ப விளையாட்டு?

உன் இதழ்கள் மீது
அமர்ந்திருந்த தேனீக்களிடம்
எனக்கு வந்தது
பொல்லாத கோபம்…

கோபம் பொறாமையாக மாறி
சூழ்ச்சியும் செய்து
அந்த வித்தையை
கற்றேன் தேனீயிடம்

இன்று உன் இதழ் மீது
தேனீக்கள் இல்லை..
இடமாற்றம் செய்து
என் இதழ் வந்தது...

கல்லூரி வந்து செல்லும்
நேரம் போதவில்லை எனக்கு
எப்போதும் உன்னுடன்
இருக்கும் வரம் வேண்டினேன்...

வீட்டிற்கு உன்னை அழைத்து
செல்ல திட்டமிட்டேன்...
பெற்றோர்கள் தான் வல்லவர்களாயிற்றே
காதலை பிரிப்பதில்!!!

என் பெற்றோர் மட்டும்
விதி விலக்கா என்ன!!
உன்னை வளர்ப்பதே போதும்
உனக்காக இது வேறா என்றார்கள்!!!

ஏதும் ஏறவில்லை மண்டையில்
பெற்றோரிடம் சண்டையிட்டேன்
என் காதலுக்காக
இன்று நீ என் இல்லத்தில்!!!

தினமும் கண் விழிப்பதே
உன் முகத்தில் தானே!!
எத்தனை பேருக்கு
இந்த பாக்கியம் கிட்டும்!!!

உன் மீதான காதலை
யாராலும் பிரிக்க முடியாது
என்றென்றும் வாழ்வேன்
உன்னுடன் இன்பமாக!!!

by பூவன் Wed Oct 24, 2012 4:00 pm

கல்லூரி காதல்
எனக்குள்ளும் நினைவு ஊறியது அருமையான வரிகள் ....

by **ஹிஷாலீ** Wed Oct 24, 2012 4:34 pm

சூப்பர் கவிதை

by **அருண்** Wed Oct 24, 2012 6:39 pm

உணர்வுபூர்வமான கல்லூரி காதல் கவிதை!
சூப்பர் ருக்குமணி அக்கா..! மகிழ்ச்சி

by **ரா.ரமேஷ்குமார்** Wed Oct 24, 2012 6:55 pm

அருமையாக வரிகள்...

by **அகல்** Wed Oct 24, 2012 7:22 pm

அழகான வரிகள்.. ஆனால் பாதி வாரிகளுக்குமேல் உரைநடை பாணியில் கவிதை பயணித்ததாக உணர்கிறேன்... எல்லா காதலர்களும் கடைசீல பெத்தவங்கள வில்லன் அக்கிடிரீன்களே... ஹி ஹி.. வாழ்த்துக்கள்..

by **மாணிக்கம் நடேசன்** Thu Oct 25, 2012 7:55 am

உங்களுக்கு இந்த ஒரு காதலிதான்,
இது போன்று எனக்கு பல காதலிகள் இருக்கிறார்கள்.
ஒவ்வொரு நாள் காலையிலும் இவர்களை
முகர்ந்து முத்தமிட்டு மகிழும் சுவைக்கு
இணையில்லா ஈரைக்கு ஈடு.