திருமால் சிவபெருமான் சிலேடை சகோதரி மீனுவுக்காக

by nandhtiha Sun Oct 11, 2009 10:17 pm

அன்புச் சகோதரி மீனுவுக்கு
இதோ இன்னுமொரு சிலேடைக் கவிதை
திருமாலுக்கும் சிவபெருமானுக்கும் சிலேடை

சங்கத்தை தாங்குதலால் தாமரையாள் ஒன்றுதலால்
செங்குன்று அங்கையில் சேர்தலால் - மங்காத
ஆலம் பொருந்துதலால் ஆரணங்கே ஓர்ந்து பார்
மாலரனின் ஒற்றுமையின் மாண்பு.

திருமால்
வெண் சங்கை ஏந்துதலாலும் தாமரை மேலுள்ள இலக்குமி திருமாலின் மார்பில் உறைதலாலும் கோவர்தனம் என்ற மலையை ஸ்ரீ கிருஷ்ணாவதாரத்தில் தூக்கியமையாலும்
பிரளய காலத்தின் முடிவில் சிறு குழந்தையாய் ஆலிலையில் துயில்வதாலும்

சிவபெருமான்
தமிழ்ச் சங்கத்தின் தலைவனாதலாலும் உமையம்மை தன் பாதி உடலால் சேர்தலாலும் திரிபுரம் எரிக்கும் கால் மேருமலையை வில்லாகக் கொண்டதாலும் ஆலகால விஷத்தை உண்டதாலும்

திருமாலுக்கும் சிவபெருமானுக்கும் உள்ள ஒற்றுமைகள் தெளிவாகின்றன
அன்புடன்
நந்திதா

by யாழவன் Sun Oct 11, 2009 10:19 pm

அப்போ நாங்க படிக்க கூடாதா?

by Chocy Sun Oct 11, 2009 10:19 pm

நந்திதா அக்கா அருமையாக உள்ளது.

by nandhtiha Sun Oct 11, 2009 10:22 pm

வணக்கம்
திரு யாழவன் அவர்களே உங்களுக்கா தடை, உங்களிடம் கற்க வேண்டியது நிறைய உள்ளன என்று ஏற்கனவே எழுதி இருக்கிறேனே
அன்புடன்
நந்திதா

by nandhtiha Sun Oct 11, 2009 10:23 pm

அன்புச் சகோதரி சோக்கி
வணக்கம்
பாராட்டுக்கு நன்றி
அன்புடன்
நந்திதா

by யாழவன் Sun Oct 11, 2009 10:24 pm

nandhtiha wrote:வணக்கம்
திரு யாழவன் அவர்களே உங்களுக்கா தடை, உங்களிடம் கற்க வேண்டியது நிறைய உள்ளன என்று ஏற்கனவே எழுதி இருக்கிறேனே
அன்புடன்
நந்திதா

திருமால் சிவபெருமான் சிலேடை சகோதரி மீனுவுக்காக 678642

by மீனு Tue Oct 13, 2009 11:54 am

அன்பின் நந்திதா அக்காவுக்கு..வணக்கமும் நன்றிகளும் அக்கா...உங்கள் இந்த சிலேடை கவிதை படித்தேன் அக்கா..திருமாலுக்கும் சிவனுக்கும் உள்ள வேறுபாட்டை என்ன அழகா கவிதையில் சொல்லி .இந்த மீனுவுக்கே புரியும் படி தந்தது ரொம்ப அருமை அக்கா..சிறிய இலையில் துயில் கொள்வதால் திருமால்...
விஷம் உணடதாலும்..உமையை பாதியாக உடலில் கொண்டதால் ..சிவபெருமான் என்று என்ன ஒரு விளக்கம்..ரொம்ப நன்றிகள் அக்கா..
தமிழென்றால் அமுதென்று பெயர்..
ஆனா இப்போ தமிழ் என்றால் நந்திதா என்று பெயர் என்று சொல்லுமளவுக்கு உயர்ந்து விட்ட்டீர்கள் அக்கா..
அன்புடன் மீனு

by nandhtiha Tue Oct 13, 2009 12:04 pm

வணக்கம்
சகோதரி மீனு
//திருமாலுக்கும் சிவனுக்கும் உள்ள வேறுபாட்டை?// சிலேடை என்பது இரு வேறு தத்துவங்களை ஒற்றுமைப் படுத்திப் பார்ப்பது. சிவபெருமானுக்கும் திருமாலுக்கும் உள்ள ஒற்றுமையைத்தான் கூறி உள்ளேன்
அன்புடன்
நந்திதா