நான்கு சூரியன்களால் ஒளிபெறும் புதிய கிரகம் கண்டுபிடிப்பு

by அசுரன் Sun Oct 21, 2012 3:22 pm

அக்டோபர் ௧௮ வாக்கில் வானில் இரு சூரியன்கள் தோன்றும் என்று நாஸ்டர் டாமஸ் எழுதியிருந்தார். இதை கூட ஒரு மாதத்திற்கு முன்பு ஈகரையில் விவாதித்தோம். இப்பொழுது இந்த செய்தியை பார்க்கும்கோது ஏதோ லிங்க் இருக்குமோன்னு தோனுது... - அசுரன்

நான்கு சூரியன்களால் ஒளிபெறும் புதிய கிரகம் கண்டுபிடிப்பு Newplanet-seithy-20121017-150

நான்கு சூரியன்களால் ஒளிபெறும் புதிய கிரகத்தை வானியலாளர்கள் கண்டுபிடித்திருக்கிறார்கள். இப்படியானதொரு கிரகம் கண்டுபிடிக்கப்பட்டிருப்பது இதுவே முதல்முறை என்கிறார்கள் இந்த கிரகத்தை கண்டுபிடித்திருக்கும் வானியலாளர்கள்.

பிளானட் ஹண்டர்ஸ் என்கிற இணையதளமும், ஐக்கிய ராஜ்ஜியம் மற்றும் அமெரிக்காவில் இருக்கும் வானியல் ஆய்வு மையங்களும் இணைந்து இந்த கண்டுபிடிப்பை செய்திருக்கின்றன. எனவே பிளானட் ஹண்டர்ஸ் இணையத்தின் பெயரை குறிக்கும் வகையில் இதற்கு பிஎச்1 என்று பெயரிடப்பட்டிருக்கிறது.

பூமியிலிருந்து சுமார் ஐந்தாயிரம் ஒளி ஆண்டுகள் தொலைவில் இருக்கும் இந்த கிரகம் இரண்டு சூரியன்களை சுற்றிவருகிறது. அதேசமயம் வேறு இரண்டு சூரியன்களும் இந்த இரண்டு சூரியன்களை சுற்றிவருகின்றன. எனவே இந்த குறிப்பிட்ட கிரகத்திற்கு நான்கு சூரியன்களின் ஒளியும் கிடைக்கும்.

இதுவரை வானியலாளர்கள் ஒரு சூரியனால் ஒளி பெறும் கிரகங்கள், இரண்டு சூரியன்களால் ஒளி பெறும் கிரகங்களை மட்டுமே கண்டறிந்திருக்கும் பின்னணியில், நான்கு சூரியன்களால் ஒளிபெறும் இந்த புதிய கிரகம் வானியலாளர்கள் மத்தியில் ஆச்சரியமான கண்டுபிடிப்பாக பார்க்கப்படுகிறது.

நெப்டியூனைவிட இந்த புதிய கிரகம் கொஞ்சம் பெரிய அளவில் இருப்பதாகவும் மதிப்பிட்டிருக்கிறார்கள்.

நன்றி : செய்தி.டாட் காம்

by யினியவன் Sun Oct 21, 2012 5:25 pm

கண்டுபிடிப்பு பகிர்வுக்கு நன்றி அசுரன்.

அம்மா இங்க ஒரு உதய சூரியன ஒழிக்க நினைக்கறப்ப
பாருங்க அங்க நாலு சூரியன் உதிச்சிடுச்சு...

by **ரா.ரமேஷ்குமார்** Sun Oct 21, 2012 5:53 pm

மாயன்கள் சொல்லிய படி நம்ம சூரியன் ஓய்வு எடுக்க இன்னும் 60 தினங்கள் 17 மணி நேரம் 17 நிமிடங்கள் இருக்கிறது...
நான்கு சூரியன்கள் ஒரே கிரகத்தில் இருந்தால் இரவு?