பிரபல பின்னணி பாடகி சின்மயி, போலீஸ் கமிஷனரிடம் பரபரப்பு புகார் மனு கொடுத்தார். இணையதளத்தில் ஆபாச படங்களை வெளியிட்டு, செக்ஸ் மிரட்டல் விடுக்கிறார்கள் என்றும், அவர்கள் மீது நடவடிக்கை எடுக்க வேண்டும் என்றும் அந்த மனுவில் கோரிக்கை வைத்துள்ளார்.

தாயாருடன் வந்தார்

பிரபல சினிமா பின்னணி பாடகி சின்மயி, நேற்று காலை தனது தாயார் பத்மாசினியுடன் சென்னை போலீஸ் கமிஷனர் அலுவலகத்துக்கு வந்தார். அவர் போலீஸ் கமிஷனர் ஜார்ஜை சந்தித்து இரண்டு புகார் மனுக்களை கொடுத்தார். அவர் கொடுத்த புகார் மனுக்கள் மீது நடவடிக்கை எடுக்க சென்னை மத்திய குற்றப்பிரிவு இணை கமிஷனருக்கு கமிஷனர் ஜார்ஜ் உத்தரவிட்டார்.

பின்னர் பாடகி சின்மயி தான் கொடுத்த புகார் மனுக்களை விளக்கி நிருபர்களுக்கு பேட்டி அளித்தார். அவர் கூறியதாவது:-

ஆபாச படம்

நான், தமிழ் உள்பட ஏழு மொழிகளில் சுமார் 600 சினிமா பாடல்களை பாடி உள்ளேன். கன்னத்தில் முத்தமிட்டால் படத்தில் `தெய்வம் தந்த பூவே' என்ற பாடல் மூலம் சினிமாவுக்கு அறிமுகமானேன். மக்களின் ஆதரவால் எனக்கு புகழ் கிடைத்தது. எனக்கு கிடைத்த புகழை அழிக்கும் சம்பவங்களும் கடந்த 2 ஆண்டுகளாக நடந்து வருகிறது.

டுவிட்டர் இணையதளத்தில் என்னைப்பற்றி ஆபாசமான தகவல்களை அனுப்பி மிரட்டி வருகிறார்கள். ஆபாச படங்களையும் வெளியிட்டு விடுகிறார்கள்.

டுவிட்டர் இணையதளத்தில் வெளியிடப்பட்ட இதுபோன்ற ஆபாச படங்களையும், தகவல்களையும் நாங்கள் தடுத்துவிட்டோம். இருந்தாலும் பேஸ் புக்கில் இதுபோல் ஆபாச தகவல்களையும், படங்களையும் தொடர்ந்து அனுப்பி வருகிறார்கள்.

6 பேர்

இதுபோன்ற செயல்களில் ஈடுபடுபவர்கள் யார்? என்பதை நான் கண்டு பிடித்து, போனில் பேசி கண்டித்துவிட்டேன். கண்டிக்கும்போது என்னை கெட்ட வார்த்தைகளால் திட்டுகிறார்கள். எனது சாதியை சொல்லி இழிவான வார்த்தைகளால் திட்டுகிறார்கள். நீ ஒரு தமிழச்சியா என்று கேட்கிறார்கள். பிரபலமானவர்கள் இதை எல்லாம் சந்தித்துதான் ஆக வேண்டும் என்கிறார்கள்.

எனக்கு மட்டுமல்லாமல், அரசியல் மற்றும் சினிமாவில் என்னைப்போல பிரபலமானவர்களை குறிப்பாக பெண்களை இதுபோல் இழிவுபடுத்துவது சிலருக்கு பொழுது போக்காக உள்ளது. இதுபோன்ற செயல்கள் மூலம் அவர்கள் புகழ்பெற நினைக்கிறார்கள் என்று நினைக்கிறேன். எனக்கு தொல்லை கொடுக்கும் 6 பேர் பெயர், அவர்கள் முகவரி போன்றவற்றை நான் புகார் மனுவில் இணைத்துள்ளேன். உதவி பேராசிரியர் ஒருவர் கூட அதில் இருக்கிறார். போலீசார் இவர்களை சட்டப்படி என்ன செய்வார்களோ, அதை செய்யப்பட்டும்.

இவ்வாறு சின்மயி தெரிவித்தார்.

ரூ.12 லட்சம் மோசடி புகார்

மும்பையைச் சேர்ந்த சாய்பாபா டெலிபிலிம்ஸ் பட நிறுவனத்தின் அதிபர் கஜேந்திரசிங் சென்னை, மும்பை ஆகிய நகரங்களில் நடத்திய இசை நிகழ்ச்சியில் கலந்து கொண்டதற்காக ரூ.12 லட்சம் தர வேண்டியுள்ளது. அந்த பணத்தையும் வசூலித்து தரவேண்டும் என்றும், சின்மயி தான் கொடுத்த இன்னொரு புகார் மனுவில் குறிப்பிட்டுள்ளார்.

கஜேந்திரசிங்கை தற்போது கான்பூர் போலீசார் மோசடி வழக்கில் கைது செய்துவிட்டார்கள் என்றும், அவர் மீதும் நடவடிக்கை எடுக்க வேண்டுகிறேன் என்றும் சின்மயி தனது பேட்டியில் தெரிவித்தார்.

பேட்டியின்போது அவரது தாயார் பத்மாசினி உடன் இருந்தார். பெண்கள் மற்றும் குழந்தைகள் நலனுக்காக சின்மயி நல்லது செய்யும் பணியில் ஈடுபட்டு வருவதாக பத்மாசினி கூறினார்.

-----

சின்மயிக்கு தொல்லை கொடுக்கும் 6 பேர் யார்?

சின்மயிக்கு செக்ஸ் தொல்லை கொடுக்கும் 6 பேர் பெயர்கள் புகார் மனுவில் தெரிவிக்கப்பட்டுள்ளது. அவினாசியைச் சேர்ந்த ராஜன் மற்றும் செந்தில்குமார், மந்திரமூர்த்தி, சரவணகுமார், ராமநாதன் போன்ற 6 பெயர்கள் புகார் மனுவில் உள்ளதாக தெரிகிறது.

அவர்களை வேட்டையாடி பிடிக்கும் நடவடிக்கையில் சைபர் கிரைம் போலீசார் உடனடியாக இறங்கி உள்ளனர்.

தினத்தந்தி

பலர் இதுபோன்ற செயல்களில் பொழுதுபோக்காக ஈடுபட்டுக்கொண்டிருக்கின்றனர். அறிவியலின் கண்டுப்பிடிப்பிர்க்கான நோக்கம் தவறாக பயன்படுத்துவது வேதனைக்குரிய விஷயம்

காசு பறிப்பதற்கான வேலையாக இருக்கும்.
பெண்கள் தங்களின் படங்களை முகநூலில் போடவேண்டாம் என்று ஒரு செய்தி அடிக்கடி வருகிறது. முகத்தை மட்டும் வெட்டி ஆபாசப்படம் தயாரித்து வெளியிடுகிறார்கள் என்பதே உண்மை.

Dr.சுந்தரராஜ் தயாளன் wrote:காசு பறிப்பதற்கான வேலையாக இருக்கும்.
பெண்கள் தங்களின் படங்களை முகநூலில் போடவேண்டாம் என்று ஒரு செய்தி அடிக்கடி வருகிறது. முகத்தை மட்டும் வெட்டி ஆபாசப்படம் தயாரித்து வெளியிடுகிறார்கள் என்பதே உண்மை.

சினிமா பக்கம் என்றாலே இவர்களைப் பற்றிக் கூறவும் வேண்டுமா?