தொலைதூர பேருந்து பயணத்தில்...

by **அகல்** Wed Oct 17, 2012 8:23 pm

எனது Blog இல் பார்க்க இங்கே சொடுக்கவும்

மாலை நேரம் வேண்டும்
மலையோர பாதை வேண்டும்.
சில்லென சாரல் வேண்டும்
சலனம்தரா சாலை வேண்டும்,
அதன் உடலில் ஆங்காங்கே
வளைவும் வேண்டும்..!

உறங்காத ஓட்டுனர் வேண்டும்
உறக்கத்தை களைக்கா பேருந்தின்
சப்தம் வேண்டும்
தூக்கத்தின் ஏக்கம் வந்தால் - அதை
குரட்டையிட்டு துரத்தாதொரு
அன்பர் வேண்டும்..
மிளகாய் பொடி உண்டாலும்
அமைதிகாக்கும் அடிவயிறு வேண்டும்..!

மழலையின் அழுகுரல் வேண்டும்
அதை தணிக்க - தாய்
மார்போடணைத்து முத்தம் தரும்
சத்தம் வேண்டும்.
காதல் ஜோடியொன்று வேண்டும்
அவர்கள் கண்களால் செய்யும்
கசமுசாவும் வேண்டும்..!

புதுமண தம்பதி வேண்டும்
அவள் புது வளையல் அவ்வப்போது
சிணுங்க வேண்டும்.
அன்பினால், அழகான மனைவி வேண்டும்
அவளை மடி சாய்த்து, காது மடல் ஊர்ந்து,
கூந்தல் கோதுவதரியும் விரல்கள் வேண்டும்..!

மனைவியின் மடியில்
குறுந்தூக்கம் வேண்டும்
அவள் மார்பின் அடியில்
பெருந்தூக்கமும் வேண்டும்..!

வயது முதிவில் இருவர் வேண்டும்
அவர்கள் வாய்பாடும் "சுய புராணம்" வேண்டும்.
சோகத்தில் ஆழத்தில் சிலர் இருப்பின் - சற்று
ஆறுதல் தர அருகிலொரு நண்பர் வேண்டும்..!

இவைகளோடு சேர்ந்து..

அலட்டிக்கொள்ளா
ஆறேழு அழகான பெண்கள்
இருப்பதென்னவோ
பயணத்தில் ஒரு சிறப்பு..!

by யினியவன் Wed Oct 17, 2012 9:22 pm

ஆச அதிகம் வெச்சு மனச அடக்கி வெக்கலாமா என் மாமா
ன்னு அந்த பாட்டையும் மெலிதாக இசைக்க வேண்டும்
அப்ப சூப்பர் பயணம் தான் அகல் - அருமை

by **கரூர் கவியன்பன்** Wed Oct 17, 2012 9:25 pm

யினியவன் wrote:ஆச அதிகம் வெச்சு மனச அடக்கி வெக்கலாமா என் மாமா
ன்னு அந்த பாட்டையும் மெலிதாக இசைக்க வேண்டும்
அப்ப சூப்பர் பயணம் தான் அகல் - அருமை

அப்படியே பூவனும் அகலும் நீங்களும் ஒரு குத்தாட்டம் போடா கல்லா கட்டிடும்

சூப்பருங்க

by தர்மா Wed Oct 17, 2012 9:25 pm

பெரும்பாலான தொலை தூர பேருந்து பயணங்கள் வாழ்கையின் துவக்கத்திற்கு விடை கிடைக்காதா என்ற ஏக்கத்துடன் செல்லும் பயணங்களே நெஞ்சில் ஆயிரம் ஏக்கங்களுடன் சென்னைக்கு வேலை தேடி பயணிக்கும் இளைஞர்களின் நிலை தான் இந்தியாவில் தொலை தூர பேருந்து பயணங்கள்

by **அகல்** Wed Oct 17, 2012 11:00 pm

யினியவன் wrote:ஆச அதிகம் வெச்சு மனச அடக்கி வெக்கலாமா என் மாமா
ன்னு அந்த பாட்டையும் மெலிதாக இசைக்க வேண்டும்
அப்ப சூப்பர் பயணம் தான் அகல் - அருமை

ஏறக்குறைய இதுமாதிரி ஒரு பயணத்தை அனுபவித்த பிறகு நான் எழுதியது அண்ணா... உங்களுக்கு நன்றிகள் புன்னகை

by பூவன் Thu Oct 18, 2012 9:45 am

கரூர் கவியன்பன் wrote:
யினியவன் wrote:ஆச அதிகம் வெச்சு மனச அடக்கி வெக்கலாமா என் மாமா
ன்னு அந்த பாட்டையும் மெலிதாக இசைக்க வேண்டும்
அப்ப சூப்பர் பயணம் தான் அகல் - அருமை

அப்படியே பூவனும் அகலும் நீங்களும் ஒரு குத்தாட்டம் போடா கல்லா கட்டிடும்

நீங்க பாடினா நாங்கள் ஆட தயார் . கவியன்பன் ....

by **கரூர் கவியன்பன்** Thu Oct 18, 2012 1:24 pm

பூவன் wrote:
கரூர் கவியன்பன் wrote:
யினியவன் wrote:ஆச அதிகம் வெச்சு மனச அடக்கி வெக்கலாமா என் மாமா
ன்னு அந்த பாட்டையும் மெலிதாக இசைக்க வேண்டும்
அப்ப சூப்பர் பயணம் தான் அகல் - அருமை

அப்படியே பூவனும் அகலும் நீங்களும் ஒரு குத்தாட்டம் போடா கல்லா கட்டிடும்

நீங்க பாடினா நாங்கள் ஆட தயார் . கவியன்பன் ....

விதி யாரைத்தான் விட்டது. சரி பாடுகிறேன்.என் இனிய குரலில் பாடல் கேட்க வந்த உங்களை ஏமாற்ற மாட்டேன் பூவன் பாடுகிறேன்