மீள வளர்ந்த மனித மண்டையோடு

by மீனு Sun Oct 11, 2009 7:15 pm

விபத்தொன்றில் மண்டையோட்டின் அரைப் பகுதி சேதமடைந்த ஒருவருக்கு அப்பகுதி மீளவும் வளர்ச்சியடைந்துள்ள அதிசய சம்பவம் பிரித்தானியாவில் இடம்பெற்றுள்ளது.

ஹெக்ஸ்ஹாம் நகரைச் சேர்ந்த கோர்டன் ரிக்கே (72 வயது) இவ்வாறு மண்டையோடு மீள வளர்ச்சி பெற்றுள்ளது.

1995 ஆம் ஆண்டு கோர்டன் ரிக்கு ஏற்பட்ட விபத்தையடுத்து சேதமடைந்த மண்டையோட்டுக்குப் பதிலாக டைட்டானியம் தகடு பொருத்தப்பட்டுள்ளது.
இந் நிலையில் மேற்படி டைட்டானிய தகட்டால் பக்க விளைவுகள் ஏதாவது ஏற்பட்டுள்ளதா எனக் கண்டறிய மருத்துவர்கள் அறுவைச் சிகிச்சை மேற்கொண்டபோது அத்த தகட்டுக்குள் இழக்கப்பட்ட மண்டையோடு மீள வளர்ந்திருப்பதை கண்டு அதிசயித்துள்ளனர்.

இது தொடர்பில் கோர்டன் ரி விபரிக்கையில், "என்னுடைய மண்டையோட்டின் அரைப் பகுதி ஒரு போதும் வளராது என மருத்துவர்கள் கூறியபோது அதிர்ச்சியடைந்தேன். ஆனால் தற்போது மண்டையோடு மீளவும் வளர்ந்துள்ளமை எனக்கு மகிழ்ச்சியைத் தருகிறது'' என்று கூறினார்.