போலீஸ் விசாரணையின் போது கதறி அழுத துரை தயாநிதியின் மனைவி அனுஷா.

by பூவன் Mon Oct 08, 2012 10:27 am

கிரானைட் முறைகேடு தொடர்பான வழக்கில், மத்திய அமைச்சர் மு.க.அழகிரியின் மகன் துரைதயாநிதியை போலீஸôர் தேடிவரும் நிலையில் துரைதயாநிதியின் மனைவி மற்றும் மாமனாரிடம் ஞாயிற்றுக்கிழமை மதுரையில் விசாரணை நடைபெற்றது.

கிரானைட் முறைகேடு வழக்கில் ஒலிம்பஸ் நிறுவன பங்குதாரராக இருந்த துரைதயாநிதியின் முன்ஜாமீன் மனு உயர் நீதிமன்ற மதுரைக் கிளையால் ஏற்கெனவே தள்ளுபடி செய்யப்பட்டது. இதையடுத்து, அவரைக் கைது செய்யும் நடவடிக்கையில் போலீஸôர் தீவிரமாக ஈடுபட்டுள்ளனர். மேலும், அவரது வர்த்தகத் தொடர்புகளை அறிவதற்காக மு.க.அழகிரியின் உறவினர்கள், நண்பர்கள், திமுக பிரமுகர்கள் என பலருக்கு சம்மன் அனுப்பி விசாரணைக்கு உள்படுத்தி வருகின்றனர்.

துரைதயாநிதியின் மனைவி அனுஷா, மாமனார் சீதாராமன் (அனுஷாவின் தந்தை) ஆகியோருக்கும் மதுரை ஊரகக் காவல் கண்காணிப்பாளர் அலுவலகத்திலிருந்து சம்மன் அனுப்பி வைக்கப்பட்டிருந்தது. இதையடுத்து, ஞாயிற்றுக்கிழமை காலையில் அனுஷா, சீதாராமன் ஆகியோர் மதுரை சர்வேயர் காலனியில் உள்ள ஊரகக் காவல் கண்காணிப்பாளர் அலுவலகத்துக்கு வந்தனர். காந்தி அழகிரியும் உடன் வந்திருந்தார்.

அவர்களுடன் திமுக வழக்குரைஞர் பிரிவைச் சேர்ந்த மோகன்குமார், செந்தில்வேல், குபேந்திரன் ஆகியோரும் வந்தனர். சீதாராமனிடமும், அனுஷ்காவிடமும் தனிப்படை உயரதிகாரிகள் விசாரணை நடத்தினர்.

அழுதாரா அனுஷா? அனுஷாவிடம் துரைதயாநிதியின் இருப்பிடம், அவரது தொழில்கள் குறித்து கேட்டதாக காவல் உயரதிகாரிகள் வட்டாரம் தெரிவித்தது. அவரது பேஸ் புக், நெருங்கிய நண்பர்கள், மும்பை சென்றது குறித்து போலீஸôர் கேள்வி எழுப்பியபோது, அனுஷா அழுததாகவும் கூறப்படுகிறது.

ஏற்கெனவே தயாரிக்கப்பட்ட கேள்விகள் அடிப்படையில் அனுஷாவிடம் விசாரணை நடந்ததாகத் தெரிகிறது. அனுஷாவின் தந்தை சீதாராமனிடம் முழுமையாக விசாரணை நடத்தப்படவில்லை. அனுஷா சென்ற பிறகும் சீதாராமனிடம் விசாரணை நடந்தது.

இந்தநிலையில் மதுரை முன்னாள் துணைமேயர் பி.எம். மன்னனும் ஞாயிறு மாலையில் விசாரணைக்காக காவல் கண்காணிப்பாளர் அலுவலகத்துக்கு வந்திருந்தார். அவரிடம் தனிப்படை போலீஸôர் விசாரணை நடத்தினர்.

ரித்தீஷ் எம்.பி. ஆஜர்: ராமநாதபுரம் மக்களவை திமுக உறுப்பினரும், நடிகருமான ரித்தீஷ் திடீரென விசாரணைக்கு வந்தார். இதனால் பரபரப்பு ஏற்பட்டது.

தனக்கு சம்மன் வந்திருப்பதாகவும், அதனடிப்படையில் விசாரணைக்கு வந்ததாகவும் ரித்தீஷ் எம்.பி. குறிப்பிட்டார். ஆனால், திங்கள்கிழமை விசாரணைக்கு ஆஜராகுமாறு காவல்துறை அதிகாரிகள் கூறியதையடுத்து ரித்தீஷ் எம்.பி. திரும்பிச் சென்றதாகவும் காவல்துறை வட்டாரங்கள் தெரிவித்தன.

பல ஆயிரம் கோடி ரூபாய் கிரானைட் முறைகேடு தொடர்பான வழக்கில் திமுக தென்மண்டல அமைப்பாளரும், மத்திய அமைச்சருமான மு.க. அழகிரியின் மகன் துரைதயாநிதி மீது போலீஸôர் வழக்குப் பதிந்த நிலையில், அவரைக் கைது செய்யும் வகையில் துரைதயாநிதி மனைவி மற்றும் கட்சிப் பிரமுகர்களிடம் விசாரணை நடத்தப்படுவது அக்கட்சி வட்டாரத்தில் பரபரப்பை ஏற்படுத்தி உள்ளது.

நன்றி தமிழ் source

by **சிவா** Mon Oct 08, 2012 11:16 am

அழுகையா? இது உலகமகா நடிப்புடா சாமி!

தமிழகத்தையே ஒரு குடும்பம் கொள்ளையடித்து வைத்திருக்கிறதே!

by யினியவன் Mon Oct 08, 2012 11:19 am

வீட்ல தரைக்கு என்ன கல்லு போட்டு இருக்கீங்கன்னு கேட்டப்ப
கடப்பா கல்லுன்னு சொல்றப்ப கண் கலங்கிடுச்சாம் பாஸ். புன்னகை

by **சிவா** Mon Oct 08, 2012 11:21 am

யினியவன் wrote:வீட்ல தரைக்கு என்ன கல்லு போட்டு இருக்கீங்கன்னு கேட்டப்ப
கடப்பா கல்லுன்னு சொல்றப்ப கண் கலங்கிடுச்சாம் பாஸ்.

கடப்பா கல்லுன்னா என்ன?

by அசுரன் Mon Oct 08, 2012 11:21 am

யினியவன் wrote:வீட்ல தரைக்கு என்ன கல்லு போட்டு இருக்கீங்கன்னு கேட்டப்ப
கடப்பா கல்லுன்னு சொல்றப்ப கண் கலங்கிடுச்சாம் பாஸ்.

தரையில கடப்பா கல்லு போட்டா... கீழ பார்த்தா எல்லாம் தெரியுமே கண்ணாடி மாதிரி அய்யோ, நான் இல்லை

by யினியவன் Mon Oct 08, 2012 11:24 am

அசுரன் wrote:தரையில கடப்பா கல்லு போட்டா... கீழ பார்த்தா எல்லாம் தெரியுமே கண்ணாடி மாதிரி

கண்ணும் கண்ணும் நோக்கினால்

அப்படி நோக்கனும் - உங்க நோக்கமே சரி இல்லையே.

by வின்சீலன் Mon Oct 08, 2012 11:53 am

சிவா wrote:அழுகையா? இது உலகமகா நடிப்புடா சாமி!

தமிழகத்தையே ஒரு குடும்பம் கொள்ளையடித்து வைத்திருக்கிறதே!

இது எல்லாம் தாத்தாவோட நாடகம் தான்

by பூவன் Mon Oct 08, 2012 11:57 am

வின்சீலன் wrote:
சிவா wrote:அழுகையா? இது உலகமகா நடிப்புடா சாமி!

தமிழகத்தையே ஒரு குடும்பம் கொள்ளையடித்து வைத்திருக்கிறதே!

இது எல்லாம் தாத்தாவோட நாடகம் தான்

ராஜா படத்துக்கு அப்புறம் இந்த படம் தான் நல்ல ஓடும் போல தெரியுதே ... புன்னகை

தி மு க என்ற மாபெரும் இயக்கத்தை ஒன்றுமில்லாமல் செய்துவிட்டார்கள் சோகம்

by **T.N.Balasubramanian** Mon Oct 08, 2012 6:34 pm

இவர்கள் ஒரு பிசினெஸ் ஸ்கூல் நடத்தலாம்.
டிக்கெட் வாங்குவதற்கு பணம் இல்லாமல் ரயிலில் திருட்டுத்தனமாக வந்து , பிறகு தன்னுடைய இடை (அந்த இடை இல்லைங்க! ) விடா உழைப்பால், தன் குடும்பம்,தன் மகளின் தாயாரின் குடும்பம்,தன் இரு சகோதரிகள் குடும்பம், அடுத்த நாலு தலை முறைகள் குடும்பம் யாவற்றிற்கும் பல பல கோடிகள், உலகத்தின் எல்லா கோடிகளிலும் நிலம் பங்களா முதலியவை ஒரு தனி மனிதனால் உருவாக்க முடியும் எனில், இவர் ஒரு பல்கலை கழகம் நடத்தி, மேலும் உலக பெரும் பெயர் பெறலாம்.
கிரானைட் கல் தொழிலில் ஈடுபாடு எதற்கு ?????
யாரறிவார் வருங்காலம்தான் பதில் சொல்லவேண்டும்.

ரமணியன்