ஒன்றே குலம்; ஒருவனே தேவன்!

by **சாமி** Sat Oct 06, 2012 8:59 pm

ஒன்றே குலமும் ஒருவனே தேவனும்
நன்றே நினைமின் நமனில்லை நாணாமே
சென்றே புகுங்கதி யில்லை நும் சித்தத்து
நின்றே நிலைபெற நீர்நினைந் துய்மினே.

விளக்கம் :
> உலகத்தார் பல சாதிகளைக் கூறுவராயினும் உண்மையில் உள்ளது ஒரு சாதியே.
> அது சிவ சாதி.
> உலகத்தார் பல கடவுளர்களைக் கூறிக் கொண்டாடுவராயினும் உண்மையில் உள்ள கடவுள் ஒருவனே.
> அவன் சிவன்.
> இவற்றை நீவிர் முதலில் நன்றாக உணருங்கள்.
> உணர்ந்தால், நமனும் உங்களை அணுகான்; வெட்கமின்றி முன்முன் பிறந்து இறந்த பிறப்புகளிலே மீண்டும் மீண்டும் பிறக்கும் நிலையும் உங்களுக்கு இல்லையாகும்.
> அப்பால் மேற்கூறிய உண்மைகள் உங்கள் உள்ளத்தில் அசையாது நிலைபெற, அதன்வழிப் பின்னர்ச் சிவனை இடையறாது நினைந்து உய்தி பெறுங்கள்.
(திருமூலரின் திருமந்திரம்)

by யினியவன் Sat Oct 06, 2012 10:16 pm

எந்த மதமோ எந்த சாதியோ - ஒன்றே குலம் ஒருவனே தேவன் என்று நினைத்திட்டால் உலகத்தில் பிரச்சினையே இருக்காது இவற்றால்.

ஒன்றே குலம்; ஒருவனே தேவன்!

ஒன்றே குலம்; ஒருவனே தேவன்!

Re: ஒன்றே குலம்; ஒருவனே தேவன்!