செவ்வாய் கிரகத்தில் நீரோடை: கியூரியாசிட்டி கண்டுபிடித்தது....

by பூவன் Fri Sep 28, 2012 9:15 pm

செவ்வாய் கிரகத்தில் நீரோடை இருப்பதை கியூரியா சிட்டி விண்கலம் கண்டுபிடித்துள்ளது.

செவ்வாய் கிரகத்தில் உயிரினங்கள் வாழ முடியுமா? என்பது குறித்து ஆய்வு நடத்த அமெரிக்காவின் 'நாசா' மையம் கியூரியாசிட்டி என்ற ஆய்வு விண்கலத்தை செவ்வாய் கிரகத்துக்கு அனுப்பியது. அது கடந்த ஆகஸ்டு 6-ந் தேதி வெற்றிகரமாக அங்கு தரை இறங்கி ஆய்வு மேற்கொண்டு வருகிறது.

செவ்வாய் கிரகத்தின் நிலப்பரப்பை போட்டோ எடுத்து அனுப்பியது. மேலும், அங்குள்ள மலையின் பாறையை படம் எடுத்து ஆய்வு மேற்கொண்டு வருகிறது. செவ்வாய் கிரகத்தில் தண்ணீர் இருப்பது எற்கனவே நடந்த ஆய்வில் தெரிய வந்தது.

தற்போது அங்கு மிகப் பெரிய அளவில் நீரோடை சரளை கல் படுகை இருப்பதை கியூரியா சிட்டி விண்கலம் கண்டுபிடித்துள்ளது. இவை காலே கிராடர் எரிமலையின் வட பகுதியில் உள்ளது. அதன் மூலம் இங்கு நீரோடை மற்றும் சிற்றாறுகள் இருப்பது தெரிய வந்துள்ளது.

இதை 'கேத்தாக்' என நாசா விஞ்ஞானிகள் அழைக்கின்றனர். இந்த சரளை கற்களின் பாறைகள் உருண்டை வடிவத்தில் உள்ளன. காற்றின் மூலம் அடித்து வரப்பட்டால் இது போன்று உருவம் கிடைக்காது. நீரோட்டத்தின் வேகத்தை பொறுத்து வடிவம் மாறியிருக்கலாம் என கருதப்படுகிறது.

மேலும், அந்த பாறைகளின் வடிவத்தின் அடிப்படையில் நீரோடை மற்றும் சிற்றாறுகளில் வினாடிக்கு 3 அடி தண்ணீர் ஓடியிருக்கும் என கணக்கிடப்பட்டுள்ளது.

கியூரியாசிட்டி விண்கலம் ஆய்வுக் கூடத்தின் இந்த கண்டுபிடிப்பு மிக முக்கியத்துவம் வாய்ந்ததாக கருதப்படுகிறது. அது இன்னும் 2 ஆண்டுகள் செவ்வாய் கிரகத்தில் தங்கி ஆய்வு மேற்கொள்ளும். எனவே, செவ்வாய் கிரகத்தில் இருந்து இன்னும் பல அதிசய தகவல்கள் வெளியாகும் என எதிர்பார்க்கப்படுகிறது.

நன்றி tcn

by **கரூர் கவியன்பன்** Fri Sep 28, 2012 9:22 pm

அப்போ அங்கும் பட்டா போடும் நாள் வெகுதொலைவில் இல்லைன்னு சொல்லுங்க..

by பூவன் Fri Sep 28, 2012 9:24 pm

KARUR KAVIYANBAN wrote:அப்போ அங்கும் பட்டா போடும் நாள் வெகுதொலைவில் இல்லைன்னு சொல்லுங்க..

பட்டாவும் போடுவார்கள் விட்டா
பங்களாவும் கட்டுவார்கள் ...

நன்று

by யினியவன் Fri Sep 28, 2012 10:01 pm

நம்ம ஷங்கர் ஐஸ்வர்யாவை வைத்து
பாடல் காட்சி எடுக்க கிளம்பிடப் போறாரு...

by பூவன் Fri Sep 28, 2012 10:05 pm

யினியவன் wrote:நம்ம ஷங்கர் ஐஸ்வர்யாவை வைத்து
பாடல் காட்சி எடுக்க கிளம்பிடப் போறாரு...

கிளம்பினாலும் சொல்வதற்கு இல்லை ,

by **மாணிக்கம் நடேசன்** Sat Sep 29, 2012 6:33 am

யாராவது அங்க போய் பட்டா போடுரது, பங்களா கட்டுரதுன்னு எந்த முயற்சியும் செய்துடாதீங்க, ஏற்கனவே செவ்வாய் கரகத்த வாங்க முன்பணம் செலுத்தி எக்ரிமண்ட் எல்லாம் போட்டாச்சி. அப்பறம் நான் உங்க மேல கேஸ் போட்டுருவேன். எனவே இதன் மூலம் உங்களுக்கு எல்லாம் தெரிவிப்பது என்னவென்றால், இன்று முதல் இங்குள்ள யாரும் செவ்வாய் கிரகத்தின் மீது எந்த உரிமையும் கொள்ள முடியாது, இது எனது சொத்தாக போகிறது.

by பூவன் Sat Sep 29, 2012 9:49 am

மாணிக்கம் நடேசன் wrote:யாராவது அங்க போய் பட்டா போடுரது, பங்களா கட்டுரதுன்னு எந்த முயற்சியும் செய்துடாதீங்க, ஏற்கனவே செவ்வாய் கரகத்த வாங்க முன்பணம் செலுத்தி எக்ரிமண்ட் எல்லாம் போட்டாச்சி. அப்பறம் நான் உங்க மேல கேஸ் போட்டுருவேன். எனவே இதன் மூலம் உங்களுக்கு எல்லாம் தெரிவிப்பது என்னவென்றால், இன்று முதல் இங்குள்ள யாரும் செவ்வாய் கிரகத்தின் மீது எந்த உரிமையும் கொள்ள முடியாது, இது எனது சொத்தாக போகிறது.

நேற்று முதல் தான் உங்கள் சொத்து ஆனால் நான் கியூரியா சிட்டி போகும் போதே பணம் கொடுத்து அனுப்பிட்டேன் எனவே எனக்குடையது இது .....

by **மாணிக்கம் நடேசன்** Sat Sep 29, 2012 12:14 pm

டாக்குமொண்ட்ஸ் காட்டுங்க, சும்மா எல்லாரு தலையில மொளகா அறைக்ககூடாது. முடி இல்லேன்னா மூள கூடவா இல்லாம போகும். நாட்டாம கிட்ட சொல்லி தீர்ப்ப மாத்தியிருக்கேன். போதுமா இன்னும் வேணுமா.

by balakarthik Sat Sep 29, 2012 12:19 pm

செவ்வாய் கிழமை எந்த காரியம் செய்தாலும் உருப்புடாதாம் இதுல செவ்வாய் கிரகத்தில் பொய் குடியேறினா எப்படி உருப்படமுடியும் ஆகவே புதன் கிரகத்தில் வாழமுடியுமா என்று கண்டு பிடித்து சொல்லவும் - இவன் நிலவில் பாட்டி வடசுட பைனான்ஸ் தந்த பக்கிரி சாமி சித் பான்ஸ் குழுமம் ஓமன் கிளை