சைவ மறை ஒழுகலாறு (அநுட்டானம்) செய்வது எப்படி? பயிற்சி முறை

by **சாமி** Tue Aug 07, 2012 9:52 pm

சிவவழிபாட்டினும் உயர்ந்தது ஒன்று இல்லை. கொடிய பாவங்களைப் போக்கவல்லது சிவபூசையும், திருவைந்தெழுத்துமே ஆகும்.

பீடும் பெற்றியும் பெறர்கரிய பேறுமாக விளங்கும் சைவ சமயத்தைச் சார்ந்தவர்கள் நாடோறும் ஆற்ற வேண்டிய தனிவழிபாடு ஒன்று உண்டு.

அதனை வடமொழியில் அநுட்டானம் என்பர். தமிழில் ‘மறை ஒழுகலாறு’ என்பர்.

அநுட்டானங்கள் பலப்பல. அவற்றில் சைவாகமத்தில் விதிக்கப்பட்டுள்ள சைவாநுட்டானம் எங்ஙனம் இயற்றுவது என்று அறியாத – ஆனால் அறிந்து கொள்ள ஆர்வம் உள்ள சைவர்கள் பலர். அவர்கள் அறியவும், புதியோர் புகுந்து மேற்கொண்டு போற்றவும் சைவாகம விதிப்படியான சைவாநுட்டானத்தை தமிழ் மறையால் எங்ஙனம் ஆற்றுவது என்பது வகுத்தளிக்கப்படுகிறது.

(தொடரும்)

by **சாமி** Wed Aug 08, 2012 6:30 am

சைவாநுட்டான முக்கிய மந்திரங்கள்
சைவப் பெருமக்களே! இனிவருவன சைவாநுட்டானத்தின் உயிருக்கொப்பான மந்திரங்களாம். இவையின்றி அநுட்டானம் இயற்றுதல் ஆகாது.

சைவாநுட்டானத்திற்கு அடிப்படையானவை உருவிரி மந்திரங்கள். இவை மொத்தம் 11. அவற்றில் ஐம்முக மந்திரங்கள் 5. ஆறுறுப்பு மந்திரங்கள் 6. அவை பின்வருமாறு:

ஐம்முக மந்திரங்கள்:
1. ஓம் தனியொளித்தலைவா போற்றி
2. ஓம் உயிரொளிர் பிரானே போற்றி
3. ஓம் அவிரொளி இயவுள் போற்றி
4. ஓம் உமையொரு கூறா போற்றி
5. ஓம் மன்னொளி முதலே போற்றி

ஆறுறுப்பு மந்திரங்கள்:
1. ஓம் இறைதிரு இதயமே போற்றி
2. ஓம் இறைதிரு முகமே போற்றி
3. ஓம் இறைதிரு முடியே போற்றி
4. ஓம் இறைதிரு வடிவே போற்றி
5. ஓம் இறைதிரு கண்ணே போற்றி
6. ஓம் இறைதிரு கருவியே போற்றி

ஐங்கலை மந்திரங்கள்:
1. ஓம் கட்டுநீக்கற் கலையே போற்றி
2. ஓம் நிலைநிறுவற் கலையே போற்றி
3. ஓம் பட்டறிவுக் கலையே போற்றி
4. ஓம் அனைத்தமைதிக் கலையே போற்றி
5. ஓம் அனைத்தமைதிக்கப்பாற் கலையே போற்றி

ஈற்றெழு மந்திரங்கள்:
1. போற்றி
2. தெறிக்க; சிலிர்க்க
3. கடிதொழிக
4. நிறைக; சூழ்க; காக்க
5. நீங்குக; தன்மை மாறுக
6. வருக: எழுந்தருள்க
7. பெறுக

இனிவருவன ஒரு மாணாக்கனுக்கு பயிற்றுவிக்கும் பாணியில் முறை தெரிந்து அநுட்டிக்கவேண்டிய கட்டம் கட்டமாக, படிப்படியாக விவரித்துச் செல்லும்.

வரும் செய்கைகள், மந்திரங்கள் யாவும் உடல் எனில் சிவபெருமான்பால் பூண்ட அன்பே அநுட்டானத்திற்கு உயிர்.

அன்பு, பத்தி என்பன ஒரு பொருட்சொற்கள். எனவே வரும் செய்கைகளை பத்தியோடு பயிலுக.

(தொடரும்)

by ஆரூரன் Thu Aug 09, 2012 3:37 pm

நன்று ! தொடருங்கள் சாமி!

by **சாமி** Wed Aug 22, 2012 6:42 pm

கணபதி வணக்கத்திற்கு முற்செய்கைகள்:
நீராடுதல்:-
மாணவன் காலையில் எழுந்திட வேண்டும். முடிந்த மட்டும் அதிகாலையில் அநுட்டானம் செய்வது சிறப்பு. எழுந்தவுடன் நீராட வேண்டும். நீரில் ஓம் என்று எழுதி நீரை விளக்கம் செய்து வரும் பாடலை ஓதிக்கொண்டே நீராடுக.

ஆர்த்த பிறவி துயர்கெட நாம் ஆர்த்தாடும் தீர்த்தன் போற்றி

காதார் குழையாடப் பைம்பூண் கலனாடக்
கோதை குழலாட வண்டின் குழாமாடச்
சீதப் புனலாடிச் சிற்றம் பலம்பாடி
வேதப் பொருள்பாடி அப்பொருளா மாபாடிச்
சோதித் திறம்பாடி சூழ்கொன்றைத் தார்பாடி
ஆதித் திறம்பாடி அந்தமா மாபாடி
பேதித்து நம்மை வளர்த்தெடுத்த பெய்வளைதன்
பாதத் திறம்பாடி ஆடேலோர் எம்பாவாய்.

நீராடி முடியும் தருவாயில் குவளையில் உள்ள நீரில் ஓம் என்று எழுதி மூலமந்திரத்தை எழுதுக. மூலமந்திரம் தீட்சை கொடுக்கும் ஆசிரியரால் ஓதப்பெறுவது. இது சைவாநுட்டானம் பற்றி வருவதால் மூலமந்திரம் ‘சிவாயநம’ என்று கொண்டோமானால் “ஓம் சிவாய நம” என்று குவளை நீரில் எழுதி கையால் மூடி ஒரு நிமிடம் தியானித்து மந்திர நீராடுக. இது மந்திர ஸ்நானம் ஆகும்.

பின்னர் தூய ஆடை உடுத்தி உருத்திரிணி, பஞ்சபாத்திரம், ஒரு தட்டு ஆகியவற்றை எடுத்துச் சென்று அவற்றை நன்னீரால் கழுவுக. அதுபோது “ஓம் இறைதிருகருவியால் கடிதொழிக” என்று ஓதி அசுத்தங்களை அகற்றுக. பின்னர் பஞ்சபாத்திரத்தில் நீர் நிறைக்க. அப்போது “ஓம் இறைதிரு இதயமாய் நிறைக்க” என்று ஓதுக.

(தொடரும்)

by Sponsored content

சைவ மறை ஒழுகலாறு (அநுட்டானம்) செய்வது எப்படி? பயிற்சி முறை

சைவ மறை ஒழுகலாறு (அநுட்டானம்) செய்வது எப்படி? பயிற்சி முறை

Re: சைவ மறை ஒழுகலாறு (அநுட்டானம்) செய்வது எப்படி? பயிற்சி முறை

Re: சைவ மறை ஒழுகலாறு (அநுட்டானம்) செய்வது எப்படி? பயிற்சி முறை

Re: சைவ மறை ஒழுகலாறு (அநுட்டானம்) செய்வது எப்படி? பயிற்சி முறை

Re: சைவ மறை ஒழுகலாறு (அநுட்டானம்) செய்வது எப்படி? பயிற்சி முறை