அதிசய மழைகள்

by **சிவா** Tue Jul 31, 2012 11:21 pm

மழையுடன் பனிக்கட்டிகள் விழும், ஆலங்கட்டி மழை பற்றி கேள்விப்பட்டு இருப்பீர்கள். இதுபோல மீன், தவளை, சிலந்தி ஆகிய உயிரினங்களும் மழையாக பொழிந்துள்ளன. மேலும் சில்லரைக் காசு மழை, இறைச்சி மழை, ரத்தமழையும் பொழிந்துள்ளது அதிசயமாகும்.

ஜப்பான் (ஜுன் 2009), ஹங்கேரி (20-6-2010), இங்கிலாந்து (23-10-1987) ஆகிய நாடுகளில் தவளை மழை பொழிந்துள்ளது.

மீன்மழை ஏராளமான நாடுகளில் பெய்துள்ளது. இந்தியாவில் கேரளா (12-2-2008), ஜம்நகர் (24-10-2009) ஆகிய இடங்களில் மீன்மழை பெய்துள்ளது.

இன்னும் சில வினோத மழைகள் வருமாறு...

இறைச்சி மழை - கலிபோர்னியா (1-8-1869)

ஜெல்லிமீன் மழை - இங்கிலாந்து (1894)

சிலந்தி மழை - அர்ஜன்டினா (6-4-2007)

புழுக்கள் மழை - லூசியானா (11-7-2007)

சில்லரை மழை - இங்கிலாந்து (28.5.1981)

எடை குறைந்த மீன்கள், தவளைகள் போன்ற உயிரினங்கள் வலுவான (டார்னடோ) காற்றால் உயரே இழுத்துச் செல்லப்பட்டு இதுபோல் மழையாக பெய்யக்கூடும் என்று விஞ்ஞானிகள் கூறுகிறார்கள். இருந்தாலும் தெளிவான, சரியான காரணம் விளங்காத புதிராகவே இருக்கிறது.