எழுந்து நின்று விடு !

by **நாகசுந்தரம்** Wed Jul 25, 2012 1:09 pm

படம் : நன்றி google images

கன்னத்தில் கைவைத்து
என்னத்தை எண்ணுகிறாய்?
அழைக்க வரும் அப்பாவை
விழிமேல் விழி வைத்தா?
படித்து பெரியவனாகி
பட்டம் பெறவேணுமென்றா?
இட்டப்படி மக்களிங்கே
இயங்குகிறார் அதனாலா?
நாளை நம் நாடு
எங்கே செல்லுமோ
என்ற நினைவதுவோ ?
காலம் சென்றுவிடும்
ஞாலம் நகர்ந்து விடும்
போக்கிடம் நமக்குண்டோ (என)
ஏக்கமாய் ஏன் பார்வை ?
ஊக்கம் தந்திட
ஊரில் பலர் உள்ளார் !
கவிதை கற்றிடலாம்
கவிஞர் பலர் உள்ளார் !
பாக்கள் படைத்திடலாம்
பாரிதனை ஆண்டிடலாம் !
வேறாய் மனிதரையே
வேண்டாம் என நினைக்காதே !
அனைவரும் ஓர் குலமே
அதை நீ மறக்காதே !
நாளை உன்கையில் (அந்த)
நினைவை அகற்றாதே !
ஏக்கம் தனை அகற்றி
எழுந்து நின்று விடு !

by **பிஜிராமன்** Wed Jul 25, 2012 1:27 pm

ஏக்கம் எதற்காக ஏகமும் உன்னதே
தாக்கு தடையை தகர்த்து

என்று அழகாய் கூறியுள்ளீர்கள் அண்ணா..........நன்றிகள்.......குழந்தை நம்ம ஊர் பையனா இருந்திருந்தா இன்னும் பொருந்தி இருக்கும்.......நன்றிகள் மகிழ்ச்சி