பதிவர் ஓடித் தலைமறைவு

by yarlpavanan Sun Jul 22, 2012 9:37 pm

நண்பர் ஒருவரின் பதிவிற்கு
நண்பர்கள் பலர்
கருத்துரைத்த போதும்
பதில் கருத்தைக் காணாமையால்
"பதில் கருத்துக்கு அஞ்சி
பதிவர் ஓடித் தலைமறைவு" என
நாளேடு ஒன்றில்
செய்தி போடவேண்டி வருகிறதே!
உண்மையும் தான்
திறனாய்வாளரின் கேள்விக்கு
பதிலளிக்கத் தவறினால்
உங்கள் மீது
வாசகர் மதிப்பு வைக்கமாட்டார்களே!
நண்பர்களே!
உங்கள் பதிவுக்கு
பிறர் கருத்துத் தெரிவித்தால்
உடனுக்குடன்
பதில் கருத்தைத் தெரிவியுங்களேன்!
ஒவ்வொருவரும்
தங்கள் பதிவினைப் பதிந்த பின்
ஒதுங்கி இருக்க முடியாதே...
ஒரு பதிவு
எப்போது நிறைவடைகிறது?
அதற்கான
எதிற்கணைகளுக்குப் பதில்
வழங்கப்பட்டிருந்தால் மட்டுமே!
பதிற்கணைகளுக்குப் பொறுப்புக்கூற
அஞ்சும் பதிவர்களே
எப்படித்தான்
உங்கள் எழுதுகோல்
உங்களுக்கு ஒத்துழைக்கிறதோ
எனக்கும் தான் தெரியவில்லையே!
நானொரு பதிவினைப் பதிந்தால்
பதிந்த பதிவுக்குக் கிட்டும்
பதில்களையே பார்த்து
பதில் கூறி மகிழ்வடைவதனாலேயே
எனக்கும்
என் எழுதுகோல் ஒத்துழைக்கிறதே!

(இதழியல் நோக்கில் "எழுதிய எழுத்துக்கு எழுதியவரே பதில் கூற வேண்டும்" என்பதை வெளிப்படுத்தவே இப்பதிவினை மேற்கொண்டேன்.)

by அசுரன் Sun Jul 22, 2012 9:54 pm

நண்பரே இது கவிதைகள் பகுதியில் தவறாக பதிந்துள்ளீர்களே!

கேட்கப்பட்ட அனைத்து கேள்விகளுக்கும் பதிவிற்கும் பதில் எதிர்பார்ப்பது மனித இயல்பு தான், ஆனால் கட்டாயம் பதில் வரவேன்டும் என எதிர்பார்ப்பது பேராசையாக கூட இருக்கலாம். பதில் பதிவது அவரவர் விருப்பம், இதில் யாரையும் கட்டாயப்படுத்த முடியாது நண்பா!

by Guest Mon Jul 23, 2012 10:02 am

நேரம் இன்மையால் பதில் அளித்து இருக்க மாட்டார்கள் ...கோபபடதீர்கள் அண்ணே

by yarlpavanan Tue Jul 24, 2012 1:11 am

அசுரன் wrote:நண்பரே இது கவிதைகள் பகுதியில் தவறாக பதிந்துள்ளீர்களே!

கேட்கப்பட்ட அனைத்து கேள்விகளுக்கும் பதிவிற்கும் பதில் எதிர்பார்ப்பது மனித இயல்பு தான், ஆனால் கட்டாயம் பதில் வரவேன்டும் என எதிர்பார்ப்பது பேராசையாக கூட இருக்கலாம். பதில் பதிவது அவரவர் விருப்பம், இதில் யாரையும் கட்டாயப்படுத்த முடியாது நண்பா!

தங்கள் கருத்துகளை ஏற்றுக்கொள்கிறேன்.
ஒருவரது படைப்பைப் படித்து, அதில் உள்ள மக்களுக்கு/வாசிப்பவருக்கு கிடைக்கும் நன்மை, தீமைகளைச் சுட்டுவதோடு, மேலும் சிறந்த படைப்புகளைத் தரப் படைப்பாளிகளை ஊக்கப்படுத்துவது திறனாய்வு(விமர்சனம்) எனலாம். அவ்வாறான திறனாய்வு(விமர்சனம்)களுக்குப் படைப்பாளிகள் பதிலளிப்பது தவறா?